ຣີວິວ Samsung Galaxy S7 ແລະ Galaxy S7 Edge ການກັບມາທີ່ສົມບູນຂື້ນກວ່າເກົ່າ

ຣີວິວ Samsung Galaxy S7 ແລະ Galaxy S7 Edge ການກັບມາທີ່ສົມບູນຂື້ນກວ່າເກົ່າ

Samsung Galaxy S7 ແລະ Galaxy S7 Edge ເປັນສະມາດໂຟນທີ່ຫລາຍໆຄົນຄາດຫວັງໄວ້ສູງ ເພາະສຳລັບສະມາດໂຟນລະບົບແອນດຣອຍແລ້ວຊື່ສຽງຂອງ Samsung ຍັງຄົງເປັນຫນື່ງໃນໃຈຂອງຄົນທົ່ວໄປຢູ່ ຄືກັບເປັນທີມຊາດຂອງ Android ປະມານນັ້ນພຸ້ນແຫລະ

ສຳລັບການກັບມາໃນຄັ້ງນີ້ຂອງ Samsung Galaxy S7 ແລະ Galaxy S7 Edge ຕ້ອງເວົ້າໄດ້ວ່າເປັນການພັດທະນາຕື່ມໃນສິ່ງທີ່ຂາດໄປໃນລຸ້ນທີ່ແລ້ວ ໂດຍໃນເລື່ອງຂອງຫນ້າຕາພາຍນອກຕ້ອງບອກວ່າມັນຄືກັນກັບລຸ້ນກ່ອນຫນ້ານີ້ຫລາຍ ຈະແຕກຕ່າງກໍ່ໃນເລື່ອງຂອງລາຍລະອຽດທີ່ເຮັດໃຫ້ມັນເບິ້່ງແລ້ວສົມບູນຂື້ນກວ່າເກົ່າ.

ທັງໃນເລື່ອງຂອງຄຸນສົມບັດກັນນ້ຳ ຮອງຮັບມາດຕະຖານ IP68 ສາມາດຢູ່ມນນ້ຳເລິກ 1.5 ແມັດໄດ້ດົນ 30 ນາທີ ເຊິ່ງກໍ່ຕ້ອງບອກວ່າມັນມີໄວ້ເພື່ອອຸບັດຕິເຫດເນາະ ເພາະຖ້ານ້ຳເຂົ້າມາບໍ່ມີຮັບປະກັນຄວາມເສຍຫາຍ (ກໍ່ເປັນກັນທຸກແບຣນນະແຫລະ) ກ້ອງກໍ່ພັດທະນາໃຫ້ດີຍິ່ງຂື້ນ ຫລາຍຄົນອາດຈະບອກວ່າຄວາມລະອຽດມັນຫລຸດລົງໃດ?? ຢ່າຟ້າວໃຈຮອ້ນໄປ ໃນແງ່ຂອງເຕັກໂນໂລຊີມັນດີຂື້ນຫລາຍເລີຍ ເຊິ່ງຈະຂໍເອົາໄປເວົ້າໃນສ່ວນຂອງກ້ອງອອກເທື່ອຫນຶ່ງເນາະ.

ແລະຮອງຮັບ VoLTE (Voice over LTE) ການໂທດ້ວຍສຽງເທິງເຄືອຂ່າຍ 4G ເຊີ່ງສຽງຈະຄົມຊັດຍິ່ງຂື້ນ ມີສຽງລົບກວນຕ່ຳ ແລະ ໃຊ້ເວລາໃນການເຊື່ອມຕໍ່ໄດ້ໄວຍິ່ງຂື້ນ.

Samsung Galaxy S7 ແລະ Galaxy S7 Edge ມາພ້ອມກັບວັດສະດຸໂລຫະ ແລະ ກະຈົກຄືກັບລຸ້ນກ່ອນຫນ້າຕາກໍ່ີມີຄວາມຄ້າຍກັນ ແຕ່ເພີ່ມຕື່ມດ້ວຍຄວາມໂຄ້ງມົນ ໂດຍດ້ານຫລັງຂອງທັງຄູ່ຈະປ່ຽນມາໃຊ້ກະຈົກໂຄ້ງຄືໃນ Galaxy Note5 ແລະ ຫນ້າຈໍຂອງ Samsung Galaxy S7 ຈະເປັນກະຈົກໂຄ້ງ 2.5D ແທນແບບເກົ່າສຳລັບຂະຫນາດຂອງຫນ້າຈໍທັງຄູ່່ມີຄວາມແຕກຕ່າງກັນແລ້ວ ໂດຍ Samsung Galaxy S7 ມີຂະຫນາດຫນ້າຈໍ 5.1 ນີ້ວ ສ່ວນ Samsung Galaxy S7 edge ມີຂະຫນາດຫນ້າຈໍ 5.5 ນີ້ວ ແລະ ເປັນຈໍໂຄ້ງ ຄວາມລະອຽດເທົ່າກັນທັງຄູ່ QHD 1440 x 2560 pixels ແລະ ໃຊ້ກະຈົກ Corning Gorilla Glass 4 ທັງດ້ານຫນ້າ ແລະ ດ້ານຫລັງເຊິ່ງມີຫນ້າຈໍສວຍງາມຫລາຍທັງຄູ່.

ທີເດັດຂອງລຸ້ນນີ້ເລີຍກໍ່ຄືເລື່ອງຂອງການກັນນ້ຳມາດຕະຖານ IP68 ສ່ວນໂຕປົກກະຕິບໍ່ຄ່ອຍສົນໃຈສ່ວນນີ້ຫລາຍ ເພາະເຖິງວ່າຈະກັນນ້ຳ ແຕ່ທຸກແບຣນ ບໍ່ແມ່ນແຕ່ສະເພາະກັບມືຖື Samsung ທີ່ກັນນ້ຳແຕ່ບໍ່ມີຮັບປະກັນຖ້ານ້ຳເຂົ້າ?? ກໍ່ເລີຍບໍ່ຄ່ອຍເຫັນປະໂຫຍດຫລາຍ ແຕ່ວ່າຫລາຍວັນກ່ອນທາງເວັບໄປທ່ຽວກັນແລ້ວຝົນຕົກ ແຕ່ກໍ່ຍັງສາມາດໃຊ້ງານ Samsung Galaxy S7 ແລະ Galaxy S7 Edge ໄດ້ຢ່າງສະບາຍໃຈເລີຍ ຈື່ງໄດ້ເຫັນຄວາມສຳຄັນໃນສວນນີ້ ມັນຊ່ວຍໄດ້ຫລາຍແທ້ືໆໃນກໍລະນີແບບນີ້.

ກ້ອງດ້ານຫລັງລວມທັງຊຸດແຟລສ ແລະ Heart Rate ບໍ່ນູນແລ້ວ ຊຸດກ້ອງອາດຈະນູນແດເລັກນ້ອຍແຕ່ກໍ່ບໍ່ນູນຫລາຍ ເຊິ່ງທັງຊຸດກ້ອງບາງລົງປະກອບກັບຕົວເຄື່ອງຫນາຂື້ນດ້ວຍ ມັນກໍ່ເຮັດໃຫ້ຕົວເຄື່ອງສວຍງາມຂື້ນ ເປັນການເກັບລາຍລະອຽດທີ່ຫນ້າສົນໃຈ.

ຂອບຕົວເຄື່ອງເປັນໂລຫະຄືເກົ່າ ແຕ່ອອກແບບໃຫ້ລຽບສວຍຍິ່ງຂື້ນ ດ້ານເທິງມີຊ່ອງໃສ່ຊິມ ແລະ ໄມຕັດສຽງລົບກວນ ສ່ວນດ້ານລຸ່ມມີຊ່ອງຫູຟັງມາດຕະຖານ 3.5 ມມ. ແລະ ພອດ Micro USB 2.0 ເຊິ່ງຫນ້າເສີຍດາຍເນາະ ເພາະຫລາຍໆຄົນລຸ້ນໃຫ້ Samsung ປ່ຽນໄປໃຊ້ມາດຕະຖານໃຫມ່ຢ່າງ USB – C ແຕ່ກໍ່ເຂົ້າໃຈວ່າຕອນນີ້ອຸປະກອນອື່ນໆຂອງ Samsung ມັນຍັງບໍ່ອັບເດດຂະຫນາດນັ້ນມັນຈະເຮັດໃຫ້ຜູ່ໃຊ້ທີ່ຊື້ອຸປະກອນເສີມໄປແລ້ວນັ້ນຝຊ້ຮ່ວມກັນໄດ້ລຳບາກ ເຊິ່ງກໍ່ຍັງບໍ່ແມ່ນຄວາມຈຳເປັນທີ່ຈະຕ້ອງຮິບຮ້ອນໃນຕອນນີ້ເນາະ ຖັດມາເປັນໄມໂຄຣໂຟນ ແລະ ລຳໂພງ ເຊິງຄຸນນະພາບສຽງລຳໂພງຂ້ອນຂ້າງທຳມະດາ ຄວາມດັງຢູ່ໃນລະດັບທົ່ວໄປ ດ້ານຊ້າຍມີປຸ່ມປັບລະດັບສຽງ ແລະ ດ້ານຂວາເປັນປຸ່ມ Power

ແບັດເຕີຣີ້ຂອງທັງຄູ່ຕ່າງກັນ Samsung Galaxy S7 ມາພ້ອມກັບແບັດຯຄວາມຈຸ 3000 mAh ສ່ວນ Galaxy S7 Edge ມາພ້ອມກັບແບັດຯຄວາມຈຸ 3600 mAh ເຊິ່ງກໍ່ທົນທັງຄູ່ ຮູ້ສືກົດ້ເລີຍວ່າແບັດຯດີຂື້ນຫລາຍກວ່າເກົ່າ ມາໃນຕອນນີ້ Samsung ປັບປຸງໃນສ່ວນຂອງການຈັດສັນພະລັງງານໄດ້ດີຫລາຍເລີຍແຫລະ.

ລູກຫລິ້ນໃຫມ່ Always On Display ເຖິງຈະບໍ່ສາມາດເວົ້າໄດ້ວ່າແປກໃຫມ່ ແຕ່ຕ້ອງບອກວ່າ Samsung ນຳມາປັບປຸງໃຫ້ຫນ້າໃຊ້ຍິ່ງຂື້ນ ມັນເປັນການສະແດງໂມງ (ເລືອກສາກຫລັງໄດ້ດ້ວຍ) ຫລືປະຕິທິນ, ຮູບພາບ ເທິງຫນ້າຈໍໂດຍທີ່ເຮົາປິດຫນ້າຈໍຢູ່ ເຊິ່ງກິນແບັດຯຕ່ຳຕາມສະເປັກຄື 1 ຊົ່ວໂມງ 1 ເປີເຊັນເທົ່ານັ້ນ ສຍງາມ ແລະ ຄົມຊັດດີເລີຍແຫລະ ບໍ່ຕ້ອງຢ້ານວ່າຫນ້າຈໍຈະເກີດ Ghost ເພາະພາບຈະເຫນັງຕີງຢູ່ເລື້ອຍໆ

ຄະແນນທົດສອບຂອງ Samsung Galaxy S7

ທົດສອບດ້ວຍ AnTuTu Benchmark ໄດ້ຄະແນນ 128564 ຄະແນນ

ທົດສອບດ້ວຍ Nenamark 2 ເຮັດໄປໄດ້ 58.3 fps

ຮອງຮັບ Multi Touch 10 ຈຸດສົມບູນ

ທົດສອບ GPS ຈັບສັນຍານດາວທຽມໄດ້ໄວດີ

ຄະແນນທົດສອບຂອງ Galaxy S7 Edge

ທົດສອບດ້ວຍ AnTuTu Benchmark ໄດ້ຄະແນນ 113535 ຄະແນນ

ທົດສອບດ້ວຍ Nenamark2 ເຮັດໄປໄດ້ 59.7 fps

ຮອງຮັບ Multi Touch 10 ຈຸດສົມບູນ

ທົດສອບ GPS ຈັບສັນຍານດາວທຽມໄດ້ໄວດີ.

Samsung Galaxy S7 ແລະ Galaxy S7 Edge ມາພ້ອມກັບ Android 6.0.1 Marshmallow ປັບແຕ່ງທັບດ້ວຍ TouchWiz UI ຫນ້າຕາການໃຊ້ງານຄືກັນກັບລຸ້ນກ່ອນໆ ສວຍງາມດີຫລາຍ ຄວາມລ່ຽນໄຫລເຮັດໄດ້ດີ ສາມາດປັບຂະຫນາດໄອຄອນຂອງແອັບຯໄດ້ເຖິງ 3 ຮູບແບບ ແລະ ສາມາດປັບປ່ຽນThemes ໄດ້ທີ່ຫນ້າສົນໃຈຄືມີ Theme ທີ່ຮອງຮັບລູກຫລິ້ນ Always On Display ອອກມາແລ້ວດ້ວຍ ມີທັງຟຣີ ແລະ ເສີຍເງິນ ໃຫ້ເລືອກຢ່າງຈຸໃຈ ຕ້ອງບອກວ່າຄັງ Themes ຂອງ Samsung ຂະຫຍາຍໄວ ແຖມຄຸນນະພາບຍັງດີຫລາຍອີກດ້ວຍ.

Briefing ສວ່ນຕົວຍັງຄົງຢາກໃຫ້ເອົາອອກໄປໃຈຈະຂາດ 55555 (ສາມາດປິດໄດ້) ເຊິ່ງໃນ Samsung Galaxy S7 ແລະ Galaxy S7 Edge ມັນໄວຂື້ນ ແຕ່ສະເປັກຂະຫນາດນິ້ກໍ່ຍັງມີແອບສະດຸດຄືກັນໃນຕອນເປີດໃຊ້ງານ ໄຜທີ່ມັນບົ່ນວ່າມັນອືດຍ້ອນເປີດ Briefing ໄວ້ນີ້ກໍ່ປິດຊະ ແລ້ວຊີວິດຈະປ່ຽນ…

ທີ່ຫນ້າສົນໃຈຫລາຍຄືໃນສ່ວນຂອງຫນ້າຈໍ Edge Screen ທີ່ພັດທະນາການໃຊ້ງານໃຫ້ມີປະໂຫຍດຫລາຍຂື້ນ ເພີ່ມພື້ນທີ່ໃນການສະແດງຜົນ ບໍ່ຍຶດຕິດກັບສ່ວນໂຄ້ງອີກຕໍ່ໄປ ລວມທັງມີການແຈກແຈກເຄື່ອງມືພັດທະນາ ໃຫ້ກັບຜູ່ພັດທະນາອິດສະຫລະແລ້ວ ເຮົາຫນ້າຈະໄດ້ເຫັນແອັບຯດີໆມາຮອງຮັບໃນສ່ວນຂອງຫນ້າຈໍ Edge Screen ຫລາຍຍິ່ງຂື້ນໃນອະນາຄົດອັນໃກ້ນີ້.

Fringerprint Sensor ຖືກຕ້ອງ ແລະ ວ່ອງໄວພໍໆກັບລຸ້ນກ່ອນ ບໍ່ຮູ້ສຶກເຖິງຄວາມແຕກຕ່າງ ຮອງຮັບ 4 ລາຍນີ້ວມື ສາມາດໃຊ້ງານຮ່ວມກັບ Web Sigh- in ແລະ ປົດລັອກ Samsung Account ໄດ້ດ້ວຍນອກຈາກການປົດລັອກຫນ້າຈໍ.

Samsung Multi Windows ເປັນຟັງຊັ່ນທີ່ຈະຊ່ວຍໃຫ້ເຮົາສາມາດໃຊ້ງານ 2 ແອັບຯໄດ້ຢ່າງສະດວກສະບາຍ ໃນຫນ້າຈໍດຽວ ປັດຈຸບັນສາມາດໃຊ້ງານໄດ້ຫລາກຫລາຍແອັບໆພ້ອມກັນ ໂດຍສາມາດຫຍໍ້ ຂະຫຍາຍເປັນໄອຄອນໄດ້ ເຮົາສາມາດເປີດໃນສ່ວນການໃຊ້ງານ Samsung Multi Windows ໄດ້ໄດຍກົດທີີ່ປຸ່ມ Recent Apps ຄ້າງໄວ້ ມັນຈະປາກົດແຖບ Multi Windows ຂື້ນມາເຮົາສາມາດເລືອກເປີດແອັບຯທີ່ຕ້ອງການໃຊ້ງານພ້ອມກັນຂື້ນມາໄດ້ຈາກບ່ອນນີ້ເລີຍ ຫລືວ່າຂະນະທີ່ເປີດໃຊ້ງານແອັບຯຢູ່ກ່ສາມາດລາກນີ້ວທີ່ມຸມຫນ້າຈໍລົງມາສະຫລຽງໆກໍ່ຈະເປັນການຫຍໍ້ຫນ້າຕ່າງລົງມາເປັນອີກຫນ້າຈໍຫນຶ່ງໄດ້ແລ້ວ ໃຊ້ງານງ່າຍ ແລະ ສະດວກສະບາຍຫລາຍ ເຖິງວ່າເຄື່ອງຈະສະເປັກບໍ່ສູງ ກໍ່ຍັງໃຊ້ງານໄດ້ລ່ຽນໄຫລດີຫລາຍ.

ເຄື່ອງຫລິ້ນເພງຂອງ Samsung ຫັນມາໃຊ້ໂຕມາດຕະຖານຂອງ Android ແທນແຕ່ມີການປັບແຕ່ງພາຍໃນໃຫ້ຄືກັບເຄື່ອງຫລິ້ນເພງຂອງຕົນເອງ ຍັງຄົງມາພ້ອມກັບຟັງຊັ່ນ UHQ Upscaler, SoundAlive+ ແລະ Tube Ampສາມາດປັບແຕ່ງ Equaliser ໄດ້ດ້ວຍຕົນເອງ ລວມທັງ Adapt Sound ກໍ່ຍັງມີມາໃຫ້ເຫມືອນເດີມ ຢ່າງທີ່ບອກໄວ້ໃນຕອນຕົ້ນວ່າລຳໂພງ ຂອງສອງລຸ້ນນີ້ທຳມະດາ ແຕ່ເມື່ອຟັງຜ່ານຫູຟັງທັງສອງລຸ້ນສາມາດເອົາມາໃຊ້ຟັງເພງມ່ວນໆໄດ້ເລີຍ ສຽງດີ ຍິ່ງຖ້າໄດ້ຈັບຄູ່ກັບຫູຟັງດີໆມັນສາມາດຂັບສຽງອກມາໄດ້ດີສຸດໆ ແລະ ສາມາດຫລິ້ນໄຟລວິດີໂອໄດ້ຢ່າງລ່ຽນໄຫລ ແລະ ຍັງມີລູກຫລິ້ນ Popup Play ມາໃຫ້ໃຊ້ງານກັນເຊັ່ນເຄີຍ.

ທົດສອບຫລິ້ນເກມຢ່າງ Modern Combat5 ແນ່ນອນວ່າມັນສຸດຍອດ ເຄື່ອງສະເປັກລະດັບນີ້ເລື່ອງເກມຫາຍຫວ່ງ ຈະຕິກໍ່ພຽງແຕ່ສຽງລຳຟພງບໍ່ດັງແບບຕູມຕາມນີ້ລະ…ຫະຫະ….

Game Launcher ທີ່ຊ່ວຍອຳນວຍຄວາມສະດວກໃນການຫລິ້ນເກມ ລວມເກມທີ່ເຮົາຕິດຕັ້ງເທິງສະມາດໂຟນເອົາໄວ້ໃນທີ່ດຽວກັນ ແລະ ຈຸດເດັ່ນຄືສາມາດປັບໂຫມດພະລັງງານໃນຂະນະຫລິ້ນເກມໄດ້ເຖິງ 3 ລະດັບ ຊ່ວຍໃຫ້ປະຫຍັດພະລັງງານຫລາຍຂຶ້ນ ເຮົາສາມາດຕັ້ງຕາມຄວາມເຫມາະສົມຂອງເກມທີ່ເຮົາຫລີ້ນໄດ້ ນອກຈາກນີ້ຍັງມີມນສ່ວນຂອງ Game Tools ເຊິ່ງເຮົາສາມາດຕັງໃຫ້ແອັບຯແຈ້ງເຕືອນ ແລະ ລັອກປຸ່ມເທິງຕົວເຄື່ອງໄດ້ ຊ່ວຍໃຫ້ເວລາຫລີ້ນເກມນີ້ວເຮົາຈະບໍ່ໄດ້ໄປຖືກໂດຍບໍ່ຕັ້ງໃຈ ເຊິ່ງມີປະໂຫຍດຫລາຍ ຫລາຍໆຄົນຕ້ອງເຄີຍຫງຸດຫງິດກັບກໍລະນີແບບນີ້ແນ່ນອນ.

ນອກຈາກນີ້ກໍ່ມີຄຳສັ່ງຫຍໍ້ຫນ້າຕ່າງເກມໃຫ້ກາຍເປັນໄອຄອນເທິງຫນ້າຈໍເຮົາສາມາດຍ້າຍໄປມາໄດ້ ແລະ ຄຳສັ່ງຈັບພາບຫນ້າຈໍເຮັດໃຫ້ເຮົາສາມາດຫລີ້ນເກມໄປ ຈັບພາບຫນ້າຈໍໄປງ່າຍຍິ່ງກວ່າເກົ່າ ແລະ ທີ່ເດັດສຸດທ້າຍເຮົາສາມາດບັນທຶກເກມທີ່ເຮົາຫລິ້ນໄດ້ ພ້ອມກັບບັນທຶກສຽງພາຍນອກໄປດ້ວຍ ເຮັດໃຫ້ເຮົາສາມາດຣີວິວເກມໄດ້ສົດໆໄປດ້ວຍໄດ້ເລີຍ ຣີວິວແລ້ວກໍ່ແຊຣຂື້ນ Youtube ເລີຍ ສະດວກສຸດໆ!!

ເລື່ອງຂອງກ້ອງທີ່ຫລຸດຄວາມລະອຽດລົງມາເຫລືອ 12MP ແຕ່ວ່າຂະຫຍາຍຂະຫນາດຂອງ Pixels ໃຫ້ຫຍ່ຫລາຍຂຶ້ນ 1.4um ຂະຫນາດເຊັນເຊີ້ 1/ 2.6 ນີ້ວມາພ້ອມກັບເຕັກໂນໂລຊີ Dual Pixel auto focus ແບບດຽວກັບທີ່ຢູ່ໃນ Canon EOS 70D ຮູຮັບແສງກວ້າງຫລາຍຂື້ນ F1.7 ເຊິ່ງຈາກການທົດສອບຕ້ອງບອກວ່າກ້ອງຂອງ Samsung Galaxy S7 ແລະ Galaxy S7 Edge ຈັບໂຟກັສໄດ້ໄວຫລາຍ ແລະ ຖ່າຍພາບກາງຄືນ ຫລື ແສງນ້ອຍໄດ້ດີຫລາຍ ແລະ ກ້ອງຫນ້າຄວາມລະອຽດ 5MP ພັດທະນາໃນເລື່ອງການຖ່າຍ Selfie ມາໄດ້ດີຫລາຍ ຮູຮັບແສງກວ້າງ F 1.7 ເທົ່າກັບກ້ອງຫລັງດ້ວຍຄຸນນະພາບດີກວ່າເກົ່າຢ່າງຊັດເຈນ.

ໃນສ່ວນຂອງກ້ອງຫນ້າປະທັບໃຈຫລາຍ ສຸດຍອດທັງພາບກາງແຈ້ງ ໃນຮົ່ມ ແລະ ກາງຄືນ ແຖມດີທັງກ້ອງຫລັງ ແລະ ກ້ອງຫນ້າ ຖ້າບໍ່ແມ່ນຄົນທີ່ມັກຫລີ້ນກ້ອງ ເວລາໄປທ່ຽວພຽງແຕ່ນຳເອົາ Samsung Galaxy S7 ຫລື Galaxy S7 Edge ໄປນຳຖືວ່າພໍແລ້ວ ໂຟກັສໄວຫລາຍ ພຽງແຕ່ຍົກຂື້ນມາກໍ່ຖ່າຍໄດ້ເລີຍ ເກືອບບໍ່ຕ້ອງແຕະຫາຈຸດໂຟກັສ ມຸມມອງກວ້າງຖາຍແບບບໍ່ມີເບື່ອເລີຍ.

ມາຊົມຕົວຢ່າງພາບຖ່າຍຂອງ Samsung Galaxy S7 ແລະ Galaxy S7 Edge ກັນກົດທີ່ພາບເພື່ອດາວໂຫລດໄປເບິ່ງໄດ້ ຄວາມລະອຽດ 100% ບໍ່ຜ່ານການປຸງແຕ່ງໃດໆ

Samsung Galaxy S7 edge

 

Samsung Galaxy S7

from:https://www.appdisqus.com/2016/03/29/review-samsung-galaxy-s7-galaxy-s7-edge.html

ຣີວິວ Samsung Galaxy A5 (2016) ແລະ Samsung Galaxy A7 (2016) ຍົກລະດັບຄວາມພຣີມ້ຽມໃນລາຄາຈັບຕ້ອງງ່າຍຍິ່ງຂຶ້ນ

ຣີວິວ Samsung Galaxy A5 (2016) ແລະ Samsung Galaxy A7 (2016) ຍົກລະດັບຄວາມພຣີມ້ຽມໃນລາຄາຈັບຕ້ອງງ່າຍຍິ່ງຂຶ້ນ

อ่านรีวิวภาษาไทย>>รีวิว Samsung Galaxy A5 (2016) และ Samsung Galaxy A7 (2016) ยกระดับความพรีเมี่ยม ในราคาจับต้องง่ายยิ่งขึ้น<<

 

Samsung Galaxy A5 (2016) ແລະ Samsung Galaxy A7 (2016) ເປັນສະມາດໂຟນທີ່ຕ້ອງຂໍຊົມທາງ Samsung ເລີຍເພາະມີລາຄາທີ່ບໍ່ແພງ 13900 ບາດ ແລະ 15900 ບາດແຕີ່ຈັດເຕັມຫລາຍ ໂດຍສະເພາະເລື່ອງການອອກແບບ ແລະ ວັດສະດຸການປະກອບບໍ່ເປັນຮອງລຸ້ນໃຫຍ່ຢ່າງ Samsung Galaxy S6 ເລີຍ ຫລູຫລາ ແລະ ສວຍງາມຫລາຍ ຂອບຫນ້າຈໍບາງ ວັດສະດຸເປັນໂລຫະ ແລະ ກະຈົກໂຄ້ງ 2.5D ທັງດ້ານຫນ້າ ແລະ ດ້ານຫລັງ ສວຍງາມສຸດໆເລີຍ ມາໃນແນວຊົງຫລ່ຽມທີ່ຫລາຍໆຄົນມັກ ເຮັດໃຫ້ບາງຄົນບອກວ່າມັນງາມກວ່າ Samsung Galaxy S6 ອີກ.

ແຖມຍັງມາພ້ອມກັບ Fingerprint Scanner ແລະ ຮອງຮັບ Dual SIM ພ້ອມກັບເຄືອຂ່າຍ 4G LTE ອີກດ້ວຍ ເປັນສະມາດໂຟນລະດັບກາງຂ້ອນໄປທາງລະດັບສູງທີ່ຫນ້າສົນໃຈທັງຄູ່ເລີຍ ລາຄາຕ່າງກັນພຽງ 2000 ບາດ ແລະ ທັງຄູ່ກໍ່ມີຄວາມຄ້າຍກັນຫລາຍ ຈຶ່ງໄດ້ຈັບມາຣີວິວແບບເປັນຄູ່ໃຫ້ອ່ານກັນເລີຍ ພ້ອມທັງຈະລະບຸຄວາມແຕກຕ່າງຂອງທັງຄູ່ໃຫ້ພິຈາລະນາກັນດ້ວຍ.

ແລະທັງ Samsung Galaxy A5 (2016) ແລະ Samsung Galaxy A7 (2016) ຈະແຖມ Memory Card Samsung EVO+ 32GB MicroSDHC Class 10 UHS-1 ມາໃຫ້ດ້ວຍທັງຄູ່ເລີຍເນາະ.

ສະເປັກຂອງ Samsung Galaxy A5 (2016)

2G GSM 850 / 900 / 1800 / 1900

3G HSDPA 850 / 900 / 1900 / 2100

4G LTE band 1(2100), 3(1800), 5(850), 7(2600), 8(900), 20(800)

Dual SIM

Fingerprint scanner

ຂະຫນາດຕົວເຄື່ອງ 144.8 x 71 x 7.3 ມມ. ນ້ຳຫນັກ 155 ກຣາມ

ຫນ້າຈໍ Super AMOLED ຂະຫນາດ 5.2 ນີ້ວຄວາມລະອຽດ Full HD 1080P 1920 x 1080 pixels (424 ppi) ກະຈົກ Corning Gorilla Glass 4

Android 5.1.1 Lollipop

CPU Samsung Exynos 7580 64 bit Octa-core 1.6 GHz

RAM 2GB

ຫນ່ວຍຄວາມຈຳພາຍໃນ 16GB (ເຫລືອໃຫ້ໃຊ້ງານ 11GB) ສາມາດເພີ່ມຫນ່ວຍຄວາມຈຳພາຍນອກໄດ້ສູງສຸດ 128GB

Wi-Fi 802.11 a/b/g/n, dual-band, WiFi Direct, hotspot

Bluetooth 4.1, A2DP, EDR, LE

Micro USB 2.0

GPS+GLONASS

ເຊັນເຊີ້ accelerometer, proximity, compass

ກ້ອງຄວາມລະອຽດ 13MP, f/1.9, OIS, autofocus, LED flash, Geo-tagging, touch focus, face detection, panorama, HDR

ກ້ອງຫນ້າຄວາມລະອຽດ 5MP, f/1.9

ແບັດເຕີຣີ້ຄວາມຈຸ 2900 mAh

ມີໃຫ້ເລືອກ 3 ສີໄດ້ແກ່ທອງ, ຂາວ, ດຳ

ລາຄາເປີດຕົວ 13900 ບາດ

ສະເປັກຂອງ Samsung Galaxy A7 (2016)

2G GSM 850 / 900 / 1800 / 1900

3G HSDPA 850 / 900 / 1900 / 2100

4G LTE band 1(2100), 3(1800), 5(850), 7(2600), 8(900), 20(800)

Dual SIM

Fingerprint scanner

ຂະຫນາດຕົວເຄື່ອງ 151.5 x 74.1 x 7.3 ມມ. ນ້ຳຫນັກ 172ກຣາມ

ຫນ້າຈໍ Super AMOLED ຂະຫນາດ 5.5 ນີ້ວຄວາມລະອຽດ Full HD 1080P 1920 x 1080 pixels (401 ppi) ກະຈົກ Corning Gorilla Glass 4

Android 5.1.1 Lollipop

CPU Samsung Exynos 7580 64 bit Octa-core 1.6 GHz

RAM 3GB

ຫນ່ວຍຄວາມຈຳພາຍໃນ 16GB (ເຫລືອໃຊ້ງານ 11GB) ສາມາດເພີ່ມຫນ່ວຍຄວາມຈຳພາຍນອກໄດ້ສູງສຸດ 128GB

Wi-Fi 802.11 a/b/g/n, dual-band, WiFi Direct, hotspot

Bluetooth 4.1, A2DP, EDR, LE

Micro USB 2.0

GPS+GLONASS

ເຊັນເຊີ້ accelerometer, proximity, compass

ກ້ອງຄວາມລະອຽດ 13MP, f/1.9, OIS, autofocus, LED flash, Geo-tagging, touch focus, face detection, panorama, HDR

ກ້ອງຫນ້າຄວາມລະອຽດ 5MP, f/1.9

ແບັດເຕີຣີ້ຄວາມຈຸ 3300 mAh

ມີໃຫ້ເລືອກ 3 ສີໄດ້ແກ່ທອງ, ຂາວ, ດຳ

ລາຄາເປີດຕົວ 15900 ບາດ

Samsung Galaxy A5 (2016) ແລະ Samsung Galaxy A7 (2016) ຢ່າງທີ່ເຫັນ ສວຍງາມສະໃຈເຊື່ອວ່າຕ້ອງເປັນລຸ້ນທີ່ຂາຍດີແນ່ນອນ ເພາະສວຍງາມຫລາຍໆ ແຖມລາຄາຍັງບໍ່ແພງອີກດ້ວຍ ວັດສະດຸຢ່າງທີ່ບອກວ່າພຣີມ້ຽມເປັນກະຈົກ ແລະ ໂລຫະ ຫນ້ຈໍ Super AMOLED ຂະຫນາດ 5.2 ນີ້ວ ແລະ 5.5 ນີ້ວຄວາມລະອຽດ Full HD 1080P ທັງຄູ່ ແລະ ມາພ້ອມກະຈົກ Corning Gorilla Glass 4 ທັງດ້ານຫນ້າ ແລະ ດ້ານຫລັງ (2.5D) ເວົ່າໄດ້ເຕັມປາກເລີຍວ່າຄວາມພຣີມ້ຽມບໍ່ແພ້ລຸ້ນໃຫຍ່ ຂອບຫນ້າຈໍບາງ ແລະ ຫນ້າຈໍກໍ່ສວຍງາມສີສັນສົດໃສ ຄວາມສະຫວ່າງເຮັດໄດ້ດີ ສາມາດໃຊ້ງານກາງແຈ້ງໄດ້ສະບາຍໆ ຈະເສຍດາຍເລັກນ້ອຍກໍ່ບ່ອນທີ່ບໍ່ມີ Notification Light ຫລື ໄຟແຈ້ງເຕືອນມາໃຫ້ ແລະ ທັງຄູ່ປຸ່ມໂຮມຈະເປັນ Fingerprint Scanner.

ຂອບດ້ານຂ້າງຈະເປັນໂລຫະ Design ເຫມືອນກັບ Samsung Galaxy S6 ເລີຍ ຫລູຫລາຫລາຍ (ແລະຫນ້ານ້ອຍໃຈສຳລັບຄົນໃຊ້ລຸ້ນລະດັບທັອບເລັກນ້ອຍໃດນິ…ຫະຫະ) ດ້ານເທິງມີແຖບເສົາສັນຍານ ແລະ ໄມຕັດສຽງລົບກວນ ແລະ ດ້ານຂ້າງຈະມີຊ່ອງໃສ່ຊິມ 2 ສ່ວນດ້ານລຸ່ມກໍ່ມີແຖບເສົາສັນຍານ ແລະ ຊ່ອງຫູຟັງຂະຫນາດ 3.5 ມມ. ແລະ ພອດ Micro USB ຖັດມາເປັນຊ່ອງລຳໂພງສຽງດັງ ແລະ ມ່ວນຫລາຍທັງຄູ່ເລີຍ ແລະ ໄມຕັດສຽງລົບກວນ.

ສວ່ນດ້ານຊ້າຍຈະມີປຸ່ມປັບລະດັບສຽງ ແລະ ດ້ານຂວາຈະມີປຸ່ມພາວເວີ້ ຖັດລົງມາຈະມີຊ່ອງໃສ່ຊິມ 1 ແລະຊ່ອງໃສ່ Micro SD Card ສາມມາດເພີ່ມຫນ່ວຍຄວາມຈຳພາຍນອກໄດ້ສູງສຸດ 128 GB (ຫນ່ວຍຄວາມຈຳພາຍໃນ 16GB ທັງຄູ່)

Samsung Galaxy A5 (2016) ມາພ້ອມກັບແບັດຯຄວາມຈຸ 2900 mAh ສວ່ນທາງ Samsung Galaxy A7 (2016) ມາພ້ອມກັບແບັດຯຄວາມຈຸ 3300 mAh ຈາກການທົດສອບຄວາມທົນຂອງແບັດຯຈະບໍ່ແຕກຕ່າງກັນຫລາຍ ຖືວ່າພໍໆກັນ ແບັດຯຢູ່ໃນລະດັບທົນໃຊ້ໄດ້ທັງຄູ່ ບໍ່ເຖິງກັບທົນຫລາຍແຕ່ໃນການຫລິ້ນ Socials ຫມົດມື້, ຖ່າຍຮູບພໍສົມຄວນໄດ້ຂ້າມວັນທັງຄູ່ແນ່ນອນ.

ຜົນທົດສອບຂອງ Samsung Galaxy A5 (2016)

ທົດສອບດ້ວຍ Quadrant Standard ໄດ້ຄະແນນ 23333 ຄະແນນ

ທົດສອບດ້ວຍ AnTuTu Benchmark ໄດ້ຄະແນນ 41131 ຄະແນນ

ທົດສອບດ້ວຍ NenaMark2 ເຮັດໄປໄດ້ 59.3 fps

ຮອງຮັບ Multi Touch 5 ຈຸດສົມບູນ

ທົດສອບ GPS ຈັບສັນຍານດາວທຽມໄດ້ໄວດີ

ຜົນທົດສອບຂອງ Samsung Galaxy A7 (2016)

ທົດສອບດ້ວຍ Quadrant Standard ໄດ້ຄະແນນ 21537 ຄະແນນ

ທົດສອບດ້ວຍ AnTuTu Benchmark ໄດ້ຄະແນນ 40891 ຄະແນນ

ທົດສອບດ້ວຍ NenaMark2 ເຮັດໄປໄດ້ 59.0 fps

ຮອງຮັບ Multi Touch 10 ຈຸດສົມບູນ

ທົດສອບ GPS ຈັບສັນຍານດາວທຽມໄດ້ໄວດີ

Samsung Galaxy A5 (2016) & Samsung Galaxy A7 (2016) ມາພ້ອມກັບແອນດຣອຍ 5.1.1 Lollipop ປັບແຕ່ງທັບດ້ວຍ TouchWiz UI ເຫມືອນກັບລຸ້ນໃຫຍ່ ຄວາມໄວ ແລະ ຄວາມລ່ຽນໄຫລເຮັດໄດ້ດີຫລາຍ ສາມາດປັບຂະຫນາດໄອຄອນຂອງແອັບຯໄດ້ເຖິງ 3 ຮູບແບບ ໄດ້ແກ່ 4×4, 4×5 ແລະ 5×5 ສາມາດປັບໄດ້ຕາມຕ້ອງການເລີຍ ຄວາມຈິງ TouchWiz UI ໃນຕອນນີ້ມີການປັບປຸງໄດ້ດີກວ່າແຕ່ກ່ອນຫລາຍ ລຽບງ່າຍ ສວຍງາມ ວ່ອງໄວ ແລະ ລ່ຽນໄຫລຂຶ້ນກວ່າເກົ່າ.

Briefing ຈະຢູ່ດ້ານທ້າຍສຸດ ເຮົາສາມາດເປີດປິດໄດ້ ສ່ວນຕົວແນະນຳວ່າປິດໄວ້ຈະດີກວ່າ ເພາະມັນຈະຊ່ວຍໃຫ້ການໃຊ້ງານລ່ຽນໄຫລກວ່າເກົ່າ ສ່ວນຫລາຍຄົນຈົ່ມກັນກໍ່ຫນ້າຈະມາຈາກການທີ່ບໍ່ເລືອກປິດ Briefing ນີ້ລະ ເຊິ່ງສຳລັບຟັງຊັ່ນນີ້ມັນກໍ່ຄື Flipboard ນັ້ນເອງ ເສຍດາຍທີ່ບໍ່ຮອງຮັບການເລືອກສື່ຈາກບ້ານເຮົາ ໄຜທີ່ນິຍົມອ່ານບົດຄວາມຕ່າງປະເທດຈະໄດ້ປະໂຫຍດຈາກຟັງຊັ່ນນີ້ຫລາຍ ເຊິ່ງຫນ້າແປກໃຈວ່າເປັນຫຍັງ Samsung ຍັງບໍ່ແກ້ໄຂໃນເລື່ອງນີ້ ຫລື ວ່າຄວາມຈິງບໍ່ຄ່ອຍມີຄົນນິຍົມໃຊ້ກັນບໍ່?

TouchWiz UI ຮູບແບບໃຫມ່ສາມາດປ່ຽນ Themes ໄດ້ ແຖມຍັງດາວໂຫລດມາເພິ່ມໄດ້ອີກດ້ວຍ ມີຕີມຈາກ Samsung ແລະ ຜູ່ພັດທະນາອື່ນໆມາໃຫ້ເລືອກດາວໂຫລດກັນຫລາກຫລາຍ ມີທັງແຈກຟຣີ ແລະ ທີ່ຕ້ອງໄດ້ເສຍເງີນກໍ່ມີ ແລະ ຫາກໄຜສົນໃຈຕີມທີ່ຕ້ອງເສຍເງິນຊື້ກໍ່ມີລະບົບທົດສອບທົດລອງໃຊ້ງານຟຣີມາໃຫ້ ໂດຍເຮົາສາມາດໃຊ້ງານຕີມນັ້ນຟຣີ 5 ນາທີຖ້າບໍ່ມັກກໍ່ບໍ່ຕ້ອງຊື້ ຖ້າຖືກໃຈຈຶ່ງຄ່ອຍອຸດຫນຸນກັນເນາະ ເຊິ່ງມັນກໍ່ແຟດີ ແລະ ຫນ້າຕາຂອງລະບົບກໍ່ສວຍງາມຫລາຍ ພັດທະນາກັນຢ່າງຈິງຈັງຫລາຍແລ້ວ ມີຕີມງາມໆເຕັມໄປຫມົດ ແລະ ຂອງຟຣີກໍ່ມີໃຫ້ເລືອກໃຊ້ຫລາຍຢູ່.

ດຽວນີ້ TouchWiz UI ລຽບງ່າຍຫລາຍຂື້ນ ບໍ່ມີລູກຫລີ້ນອະພິນິຫານຢ່າງທີ່ເຄີຍໃສ່ມາຈົນເຕັມໄປຫມົດແລ້ວ ບາງຄົນກໍ່ເສຍດາຍ ບາງຄົນກໍ່ມັກແບບນີ້ ເຊິ່ງກໍ່ອາດຈະເປັນເລື່ອງທີ່ດີ ເພາະເບົາຂື້ນ ເຮັດໃຫ້ການໃຊ້ງານລ່ຽນໄຫລກວ່າເກົ່າ ແລະ ມີຂະຫນາດນ້ອຍລົງບໍ່ເປືອງພື້ນທີ່ຫນວ່ຍຄວາມຈຳພາຍໃ

Easy Mode ປັບປຸງມາຫນ້າໃຊ້ດີ ຈະຊ່ວຍໃຫ້ຫນ້າຕາແອນດຣອຍປົກະຕິກາຍເປັນຫນ້າຕາແບບ Feature Phone ແຕ່ກໍ່ຍັງສາມາດໃຊ້ງານແອັບຯຕ່າງໆໄດ້ຢ່າງສະດວກ;

Pop Up Screens ເຮົາສາມາດເປີດ ແລະ ຫຍໍ້ແອັບຯຕ່າງໆເປັນຫນ້າຕ່າງນ້ອຍໆ ຫລື ໄອຄອນເພື່ອເລື່ອນສະຫລັບການໃຊ້ງານໄປມາໄດ້ຫລາຍຫນ້າຈໍພ້ອມກັນ ເຖິງຈະເປັນຟັງຊັ່ນທີ່ກິນຊັບພະຍາກອນແບບນີ້ແຕ່ໃນ Samsung Galaxy A5 (2016) ແລະ Samsung Galaxy A7 (2016) ກໍ່ສາມາດໃຊ້ງານໄດ້ຢ່າງລ່ຽນໄຫລທັງຄູ່ເລີຍ. Samsung ສາມາດຫຍໍ້ຫນ້າຈໍທີ່ເຮົາໃຊ້ຢູ່ໃຫ້ກາຍມາເປັນຄຳສັ່ງ Multi Windows ໄດ້ໂດຍການລາກນີ້ວຈາກມຸມຫນ້າຈໍລົງມາເທົ່ານັ້ນ ປັບປຸງໃຫ້ໃຊ້ງານງ່າຍກວ່າເກົ່າຫລາຍ.

Smart Manager ຈະລວມການຕັງຄ່າຈັດການສຳຄັນໆໃນເຄື່ອງເອົາໄວ້ດ້ວຍກັນ, ຫນ້າຕາລຽບງ່າຍ, ຫນ້າໃຊ້ ຈະມີການຈັດການແບັດຯ, ຫນ່ວຍຄວາມຈຳພາຍໃນ, ແຣມ ແລະ ຟັງຊັ່ນທີ່ທາງ Samsung ເຄີຍຊູເປັນຈຸດຂາຍຢ່າງ Knox ສຳລັບລະດັບອົງກອນ Samsung KNOX ອອກແບບມາດີ ເພື່ອຄວາມປອດໄພຂອງຂໍ້ມູນສ່ວນຕົວເປັນສຳຄັນ ຄວາມຈິງໂຕ UI ໃນໂຫມດ Samsung KNOX ກໍ່ສວຍງາມ ແລະ ຫນ້າໃຊ້ດີ ສ່ວນຖ້າເບິ່ງຄວາມຈຳເປັນ ສຳລັບຜູ່ໃຊ້ງານທົ່ວໄປ ຄິດວ່າບາງຄົນຫນ້າຈະມັກ ໂດຍສະເພາະພວກຄວາມລັບຫລາຍ ເພາະຖ້າບໍ່ຮູ້ລະຫັດຜ່ານ ຂໍ້ມູນສຳຄັນຂອງເຮົາຈະບໍ່ມີທາງຫລຸດອອກມາເລີຍ ເພາະໂຫມດ Samsung KNOX ແລະ ໂຫມດປົກະຕິນັ້ນແຍກອອກຈາກກັນໂດຍສົມບູນ.

Galaxy Apps ເເເປັນນນແອັບຯ Market ຂອງທາງ Samsung ເຊິ່ງຈລວບລວມແອັບຯຂອງ Samsung ເອົາໄວ້ໃນນັ້ນໃຫ້ເຮົາເຂົ້າໄປເລືອກດາວໂຫລດມາໃຊ້ເປັນພິເສດ ແລະ ມີແອັບຯທີ່ທາງ Samsung ຄັດເລືອກຢູ່ໃນນັ້ນດ້ວຍ ມີທັງແອັບຯຟຣີ ແລະ ເສຍເງີນ ຫນ້າສົນໃຈຫລາຍ.

S Health ມີການພັດທະນາໃຫ້ດີຍິ່ງຂື້ນເພິ່ມລາຍລະອຽດໃນຊີວິດປະຈຳວັນ ແລະ ກິດຈະກຳການອອກກຳລັງກາຍທີ່ຫລາກຫລາຍຍິ່ງຂຶ້ນ ຄວບຄຸມນ້ຳຫນັກ ແລະ ອັດຕາການເຕັ້ນຂອງຫົວໃຈ ວັດແທກຄວາມອິ່ມຕົວຂອງອົກຊີແຊນ ແລະວັດຄວາມຕຶງຄຽດຄຳນວນການດື່ມນ້ຳໃນຊີວິດປະຈຳວັນ ແລະ ຮອງຮັບການໃຊ້ງານຮ່ວມກັບອຸປະກອນເສີມ (ທັງຂອງ Samsung ເອງ ແລະຕ່າງແບຣນ)

Galaxy Gift ເຊິ່ງຈະລວມສິດທິປະໂຫຍດຫລາກຫລາຍສຳລັບຜູ່ໃຊ້ Samsung Galaxy ໂດຍສເພາະເອົາໄວ້ຢ່າງຈຸໃຈ.

FingerPrint Sensor ໃຊ້ວິທີແຕະທີ່ເຊັນເຊີ້ຄືກັບລຸ້ນໃຫຍ່ ຄວາມຖືກຕ້ອງເຮັດໄດ້ດີຫລາຍຮອງຮັບ 3 ລາຍນີ້ວມື ໃຊ້ງານຮ່ວມກັບ Web Sign-in ແລະ ປົດລັອກຫນ້າຈໍ.

ຮອງຮັບ File ຄວາມລະອຽດ Full HD 1080P ໄດ້ຢ່າງລ່ຽນໄຫລ ແລະ ມີລູກຫລິ້ນ Popup Play ນັ້ນກໍ່ຄືການຫຍໍ້ຂະຫນາດຫນ້າຈໍລົງ ເຊິ່ງຈະຊ່ວຍໃຫ້ເຮົາເຮັດກິດຈະກຳອື່ນໄປໄດ້ດ້ວຍໃນຂະນະຮັບຊົມຄລິ້ບວີດີໂອ.

ເຄື່ອງຫລິ້ນເພງຂອງ Samsung ມາພ້ອມກັບຟັງຊັ່ນ SoundAlive+ ແລະ Tube Amp ສາມາດປັບແຕ່ງ Equalizer ໄດ້ດ້ວຍຕົວເອງ ແລະ ທີ່ມັກທີ່ສຸດຄື Adapt Sound ສາມາດປັບແຕ່ງສຽງດ້ວຍຫູຂອງເຮົາເອງໄດ້ ຄຸນນະພາບສຽງເຮັດໄດ້ດີຫລາຍທັງຄູ່ເລຍສຳລັບ Samsung Galaxy A5 (2016) ແລະ Samsung Galaxy A7 (2016) ແລະ ຍັງມີວິທະຍຸນຳອີກ (ລຸ້ນໃຫຍ່ໆຫລັງໆຕັດອອກຕະຫລອດເລີຍ ບໍ່ຮູ້ວ່າເປັນຫຍັງ) ສາມາດບັນທຶກສຽງເອົາໄວ້ຟັງພາຍຫລັງໄດ້ອີກດ້ວຍ.

ທົດສອບດ້ວຍເກມຢ່າງ Need For Speed: Most Wanted ແລະ Leo’s Fortune ເຮັດໄດ້ດີຫລາຍ ຫລິ້ນເກມໄດ້ຢ່າງລ່ຽນໄຫລ ບໍ່ມີກະຕຸກເລີຍທັງຄູ່.

Samsung Galaxy A5 (2016) ແລະ Samsung Galaxy A7 (2016) ມາພ້ອມກັບກ້ອງຄວາມລະອຽດ 13MP f/1.9 ລະບົບກັນສັ່ນ OIS ແລະ ກ້ອງຫນ້າຄວາມລະອຽດ 5MP, f/1.9 ເເເທົ່າກັນທັງຄູ່, ຄຸນະພາບຂອງຮູບຖ່າຍກໍ່ພໍໆກັນເລີຍ ຄຸນນະພາບດີ ຈັບໂຟກັສໄວ ແລະ ຄົມດີ ລະບົບ White Balance ກໍສະຫລາດຫລາຍ ຖ່າຍພາບໃນສະພາບແສງຍາກໆໄດ້ດີ ສວຍງາມ ເປັນກ້ອງທີ່ຫນ້າໄວ້ວາງໃຈໄດ້ທັງຄູ່.

ແຕ່ອາດຈະເປັນທີ່ Software ເພາະ Samsung Galaxy A5 (2016) ຈັບໂຟກັສຊ້າກວ່າ ແລະ ຄວາມໄວຊັດເຕີ້ຊ້າກວ່າ Samsung Galaxy A7 (2016) ຊັດເຈນຈົນຮູ້ສຶກໄດ້ ອັນນີ້ກໍ່ຕ້ອງຝາກໃຫ້ Samsung ນຳໄປປັບປຸງອີກເລັກນ້ອຍເນາະ ສຳລັບ Samsung Galaxy A5 (2016)

ແລະໃນສ່ວນກ້ອງຫນ້າຖືວ່າໂອເຄທັງຄູ່ ເຮັດໄດ້ດີຫລາຍ ເຖິງວ່າຈະເບິ່ງບໍ່ຄ່ອຍເປັນທຳມະຊາດເທົ່າໃດ ແຕ່ກໍ່ຫນ້າພໍໃຈຢູ່ ແລະ ແນ່ນອນລຸ້ນນີ້ມີຄຳສັ່ງຖ່າຍພາບດ້ວຍສຽງມາໃຫ້ໃຊ້ກັນດ້ວຍ ຕອນທຳອິດມັນຈະປິດໃຊ້ຢູ່ ສາມາດໄປເປີດໃຊ້ງານກັນໄດ້ໃນການຕັ້ງຄ່າກ້ອງ

ແລະຟັງຊັ່ນກ້ອງຂອງ Samsung ກໍ່ຕ້ອງບອກວ່າຈັດມາເຕັມຫລາຍ ສາມາດໄປດາວໂຫລດມາໃຊ້ງານເພີ່ມກັນອີກໄດ້ດ້ວຍ ແຕ່ຕ້ອງບອກວ່າມັນມີມາໃຫ້ນ້ອຍກວ່າລຸ້ນລະດັບສູງ ຢ່າງທີ່ວ່າກັນມັນກໍ່ຕ້ອງມີຊ່ອງວ່າງຕາມລາຄາ ແລະ ຍັງມີໂຫມດໂປຣຄືກັບລຸ້ນໃຫຍ່ມາໃຫ້ດ້ວຍ ແຕ່ປັບໄດ້ພຽງແຕ່ White Balance, ISO ແລະ Exposure ເທົ່ານັ້ນ ເຮົາມາຊົມຕົວຢ່າງພາບຖ່າຍຂອງ Samsung Galaxy A5 (2016) ແລະ Samsung Galaxy A7 (2016) ກັນເລີຍດີກວ່າ ທຸກພາບເປັນຂະຫນາດຟາຍຕົ້ນສະບັບ 100% ເດີ້… ບໍ່ມີການປັບແຕ່ງ ແລະ ຫຍໍ້ຂະຫນາດໃດໆ ສາມາດາວໂຫລດເອົາໄວ້ເບິ່ງລາຍລະອຽດ ແລະ ຄຸນນະພາບຂອງຮູບຖ່າຍກັນໄດ້ເລີຍ.

ຕົວຢ່າງພາບຖ່າຍຈາກ Samsung Galaxy A5 (2016)

 

ຕົວຢ່າງພາບຖ່າຍຈາກ Samsung Galaxy A7 (2016)

ຂໍ້ດີຂອງ Samsung Galaxy A5 (2016) ແລະ Samsung Galaxy A7 (2016)

1. ຕົວເຄື່ອງຫລູຫລາ ແລະ ພຣີມ້ຽມບໍ່ແພ້ລຸ້ນລະດັບໃຫຍ່ກັນເລີຍ
2. ຮອງຮັງການໃຊ້ງານ 2 ຊິມ ແລະ ຮອງຮັບ 4G LTE
3. ສະເປັກດີຫນ້າໃຊ້ ຄວາມໄວ ແລະ ຄວາມລ່ຽນໄຫລເຮັດໄດ້ດີຫລາຍ.
4. ຫນ້າຈໍ Super AMOLED ຄວາມລະອຽດ Full HD 1080P ແລະ ກະຈົກ Corning Gorilla Glass4 (2.5D) ທັງດ້ານຫນ້າ ແລະ ຫລັງ.
5. ມາພ້ອມກັບ Fingerprint Scanner
6. ກ້ອງຄຸນນະພາບດີທັງຄູ່
7. ແບັດຯທົນໃຊ້ໄດ້ທັງຄູ່
8. ແຖມເມັມມໍຣີກາດ Samsung EVO+ 32GB MicroSDHC Class 10 UHS-1 ມາໃຫ້ດ້ວຍທັງຄູ່

ຂໍ້ດ້ອຍຂອງ Samsung Galaxy A5 (2016) ແລະ Samsung Galaxy A7 (2016)

1. ກ້ອງຂອງ Samsung Galaxy A5 (2016) ຈັບໂຟກັສຊ້າກວ່າ ແລະ ຄວາມໄວຊັດເຕີ້ຊ້າກວ່າ Samsung Galaxy A7 (2016)
2. ຕົວເຮືອນປະກອບດ້ວຍກະຈົກ ແລະ ໂລຫະ ເຮັດໃຫ້ເປື້ອນຄາບມັນ ແລະ ເປັນຮອຍນີ້ວມືໄດ້ງ່າຍ
3. ບໍ່ສາມາດຖອດປ່ຽນແບັດຯໄດ້ເອງ.

ສຳລັບຄວາມແຕກຕ່າງລະຫວ່າງ Samsung Galaxy A5 (2016) ແລະ Samsung Galaxy A7 (2016) ນັ້ນຈະມີດັ່ງຕໍ່ໄປນີ້.

1. Samsung Galaxy A5 (2016) ມີຂະຫນາດຫນ້າຈໍ 5.2 ນີ້ວສ່ວນ Samsung Galaxy A7 (2016) ມີຂະຫນາດຫນ້າຈໍ 5.5 ນີ້ວ
2. Samsung Galaxy A5 (2016) ຈັດແຣມມາໃຫ້ 2GB ສ່ວນ Samsung Galaxy A7 (2016) ຈັດແຣມມາໃຫ້ 3GB
3. Samsung Galaxy A5 (2016) ແບັດຯຄວາມຈຸ 2900 mAh ສ່ວນ Samsung Galaxy A7 (2016) ແບັດຯຄວາມຈຸ 3300 mAh
4. Samsung Galaxy A5 (2016) ກ້ອງຈັບໂຟກັສຊ້າກວ່າ ແລະ ຄວາມໄວຊັດເຕີ້ຊ້າກວ່າ Samsung Galaxy A7 (2016) ຊັດເຈນ

ກໍ່ມີພຽງ 4 ຂໍ້ນີ້ທີ່ເປັນຄວາມແຕກຕ່າງລະຫວ່າງ Samsung Galaxy A5 (2016) ແລະ Samsung Galaxy A7 (2016) ສຳລັງທັງສອງລຸ້ນນີ້ຄວາມຈິງຂະຫນາດກໍ່ຕ່າງກັນບໍ່ຫລາຍ ເປັນຂະຫນາດທີ່ຢູ່ໃນຊ່ວງຫນ້າໃຊ້ງານທັງຄູ່ ຫນ້າຈໍໃຫຍ່ໃນຂະຫນາດທີ່ພົກພາສະດວກ ແລະ ເປັນລຸ້ນລະດັບກາງຂ້ອນຂ້າງທີ່ຈະພຣີມ້ຽມ ສຳລັບ Samsung ມາໃນຄັ້ງນີ້ມັນຄືທີເດັດກໍ່ວ່າໄດ້ ຫນ້າຈະເປັນລຸ້ນຂາຍດີ ມອບປະສົບການການໃຊ້ທີ່ດີເລີຍແຫລະ!!

 

 

from:https://www.appdisqus.com/2016/02/09/review-samsung-galaxy-a5-2016-samsung-galaxy-a7-2016.html

ຣີວິວ True Lenovo 4G VIBE P1m ແອນດຣອຍລາຄາເລີ່ມຕົ້ນ ສະເປັກກຳລັງດີ ແບັດຯທົນ 4,000 mAh ພ້ອມເປັນແບັດຯເສີມໄດ້ຍາມສຸກເສີນ

อ่านรีวิว ภาษาไทย>>รีวิว True Lenovo 4G VIBE P1m แอนดรอยด์ราคาเริ่มต้น สเปคกำลังดี แบตอึด 4,000 mAh พร้อมเป็นแบตเสริมได้ยามฉุกเฉิน<<

 

ເປັນຫນຶ່ງເຄື່ອງທີ່ແນະນຳກັນເລີຍ ສຳລັບຊ່ວງນີ້ໄຜທີ່ກຳລັງແນມຫາສະມາດໂຟນໃນລາຄາທີ່ບໍ່ເຖິງ 5,000 ບາດ Lenovo 4G VIBE P1m ເຄື່ອງນີ້ຄຸ້ມຫລາຍ ລາຄາດີ ສະເປັກກຳລັງຫນ້າໃຊ້ ມີຟັງຊັ່ນມີ່ຫນ້າສົນໃຈຫລາກຫລາຍ ແນະນຳສຳລັບສະມາດໂຟນເລີ່ມຕົ້ນທີ່ເຂົ້າຕາຫລາຍໃນຕອນນີ້ ມາເບິ່ງກັນວ່າມັນເຮັດຫຍັງໄດ້ແດ່

ຈະບໍ່ບອກວ່າເຄື່ອງນີ້ມັນເຫມະສົມກັບເດັກນ້ອຍເນາະ ເພາະໃນການໃຊ້ງານຈິງໆແລ້ວ ມັນພຽງພໍເຮັດວຽກໃຫ້ເຮົາຢ່າງເຕັມທີ່ໃນລະດັບຫນື່ງເລີຍ ຈະເປັນເດັກໃຊ້ກໍ່ດີ ຜູ່ໃຫຍ່ໃຊ້ກໍ່ດີ ຫລື ແມ່ນແຕ່ໂຕເຮົາເອງ ສະເປັກບໍ່ໄດ້ດ້ອຍຈົນເຮັດຫຍັງບໍ່ໄດ້ ແລະ ມັນເກືອບຈະພໍດີ ໃຫ້ເຮົາເຮັດໄດ້ທຸກຢ່າງທີ່ນິຍົມໃຊ້ງານກັນໃນະຈຸບັນເລີຍແຫລະ ຫລິ້ນເຟສບຸກ, ແຊັດອອນໄລ. ເບິ່ງຫນັງ ຟັງເພງ ເຂົ້າເວັບໃຊ້ອ່ານຂ່າວ ຫລື ເອົາໄວ້ຫລິ້ນເກມມັນກໍ່ຍັງເຮັດວຽກໃຫ້ເຮົາໄດ້ຢູ່.

Lenovo 4G VIBE P1m ຈະມີຊື່ True ຢູ່ດ້ານຫນ້າດ້ວຍ ນັ້ນເພາະມັນເປັນເຄື່ອງທີ່ຜະລິດໃຫ້ກັບ True ນັ້ນເອງ ແນ່ນອນວ່າຈະມີໂປຣໂມຊັ່ນລາຄາພິເສດຮ່ວມກັບ True (ແຕ່ຕິດສັນຍາເນາະ) ຫລື ຈະເອົາມາເປັນເຄື່ອງເປົ່າ ເພື່ອໄປໃຊ້ງານກັບເຄືອຂ່າຍອື່ນໆ ກໍ່ໄດ້ບໍ່ມີປັນຫາ ໂດຍມີການເປີດໂຕອອກມາຈຳຫນ່າພ້ອມໆກັບລຸ້ນອ້າຍຂອງມັນ Lenovo 4G VIBE P1 ແຕ່ໃນບົດຄວາມນີ້ເຮົາມາເວົ້າເຖິງນ້ອງນ້ອຍນີ້ກ່ອນເນາະ.

ຈຸດເດັ່ນຂອງ Lenovo 4G VIBE P1m ນີ້ກໍ່ຄືເລື່ອງຂອງຂະຫນາດແບັດຯ ທີ່ມີມາໃຫ້ຈຸໃຈ 4,000 mAh ແຖມສາດພະລັງງານໄດ້ແບບໄວ ( Adaptor ທີ່ແຖມມາໃຫ້ມີແຮງດັນກະແສໄຟຟ້າຢູ່ທີ່ 2.0 A) ຕົວເຄື່ອງມີການເຄືອບສານກັນນ້ຳ (ກະເດັນ) ມາໃຫ້ໃນລະດັບຫນຶ່ງ ຮອງຮັບສອງຊິມກາດ ເຊິ່ງທັງສອງສະລອັດຊິມສາມາດໃຊ້ງານ 4G ໄດ້ທັງຄູ່ (ເລືອກໃຊ້ຊິມໃດຫນຶ່ງ ຢ່າເຂົ້າໃຈຜິດວ່າໃຊ້ໄດ້ພ້ອມກັນ) ສະເປັກໃນສ່ວນອື່ນໆນັ້ນກໍ່ກຳລັງດີ ແຣມ 2 ກິກ ຫນ່ວຍຄວາມຈຳພາຍໃນ 16GB ບໍ່ໄດ້ຫລວງຫລາຍຫຍັງ ແຕ່ຕອນນີ້ເຮົາກຳລັງເວົ້າເຖິງເຄື່ອງລາຄາ 4,990 ບາດ ໄດ້ມາໃນລະດັບນີ້ກໍ່ເອີ້ນວ່າຄຸ້ມສຸດໆແລ້ວ.

ອຸປະກອນພາຍໃນກ່ອງຈະມີ ຫູຟັງ, ສາຍສາກ (ສາຍໄຟເສັ້ນຫນາ) ແລະ ຫົວສາກທີ່ຫນ້າຕາສວຍງາມ.

ຕົວເຄື່ອງ Lenovo 4G VIBE P1m

ຕົວເຄື່ອງພາຍນອກເປັນປາສຕິກຕັດຂອບສີເງິນ ຕົວວັດສະດຸອາດຈະທຳມະດາ ແຕ່ການປະກອບແຫນ້ນຫນາ ຜິວສຳຜັດຂອງສານເຄືອບວັດສະດຸຝາຫລັງໃຫ້ຄວາມຮູ້ສຶກດີ ເຄື່ອງນີ້ເຄຶອບສານນາໂນທີ່ສາມາດກັນນ້ຳກະເດັນໃສ່ໄດ້ໃນລະດັບຫນື່ງດ້ວຍ ໂດຍລວມກໍ່ເປັນເຄື່ອງທີ່ພະຍາຍາມໃຫ້ພາຍນອກເບິ່ງແລ້ວລຽບໆ.

ລຳໂພງດ້ານລຸ່ມເຫມືອນເປັນລຳໂພງຄູ່ ແຕ່ຄວາມຈິງແລ້ວຈະເປັນລຳໂພງຂ້າງດຽວ ສຽງລຳໂພງດັງກາງໆ ບໍ່ດັງຫລາຍ ຄຸນນະພາບສຽງທົ່ວໆໄປ ແຕ່ເອົາມາໄວ້ດ້ານລຸ່ມບໍລິເວນນີ້ຖືວ່າດີ ວາງຫງາຍ – ຂວ້ຳບໍ່ບັງສຽງ ແຕ່ມືເຮົາອາດຈະໄປບັງເອງໃນຂະນະຫລີ້ນເກມ.

ດ້ານຂ້າງເຄື່ອງຈະມີສະວິດພິເສດສຳລັບການເປີດຟັງຊັ່ນປະຫຍັດພະລັງງານແບບອັດສະລິຍະ (ຊື່ໂຫມດ) ເປີດສະວິດປຸບຕົວເຄື່ອງ VIBE P1m ຈະປ່ຽນເປັນໂຫມດປະຫຍັດແບັດຯ ຫນ້າຈໍຂາວດຳໂດຍທັນທີ ສະຫລັບໄປມາລະຫວ່າງໂຫມດໄດ້ດ້ວຍສະວິດພິດເສດອັນນີ້.

ຮອງຮັບການໃຊ້ງານແບບສອງຊິມກາດ (ເປັນ Micro Sim ທັງຄູ່) ເຊິ່ງທັງສອງສະລັອດຮອງຮັບການເຊື່ອມຕໍ່ 4ຈີ ເຮົາຈະໃສ່ຊິມໃດໄວ້ສະລັອດໃດກໍ່ໄດ້ເພື່ອໃຊ້ງານ 4ຈີ ມີຊ່ອງໃສ່ Micro SD Card ເພິ່ມຫນ່ວຍຄວາມຈຳໄດ້ອີກ 32GB

ແບັດຯພາຍໃນຖອດອອກບໍ່ໄດ້ ເຖິງວ່າຈະແກະຝາຫລັງໄດ້ ແຕ່ຫ້າມຖອດແບັດຯເດັດຂາດ ເຂົາມີແປະສະຕິເກີ້ສີເຫລືອງເດັ່ນຊັດໄວ້ເລີຍ.

ຕົວມັນເອງຈະມີຄຸນສົມບັດໃນການໃຊ້ເປັນແບັດຯເສີມສາກພະລັງງານໃຫ້ກັບອຸປະກອນອື່ນໆໄດ້ດ້ວຍ ຜ່ານການເຊື່ອມຕໍ່ກັບພອດ Micro USB (ຮອງຮັບການເຊື່ອມຕໍ່ OTG) ດ້ານເທິງຂອງມັນເຮົາສາມາດໃຊ້ແບັດຯຂະຫນາດ 4,000 mAh ໃນຕົວເຄື່ອງສາກໄຟໃຫ້ກັບອຸປະກອນຂະຫນາດນ້ອຍໆ ໄດ້ເຊັ່ນຫູຟັງບຣູທູດ, ລຳໂພງພົກພາ ຫລື ສາກໂທລະສັບເຄື່ອງນ້ອຍ ທີ່ໃຊ້ແຮງດັນກະແສໄຟຟ້າບໍ່ສູງຫລາຍ.

ການເຮັດວຽກພາຍໃນ True Lenovo 4G VIBE P1m

ເນື່ອງຈາກມັນເປັນເຄື່ອງຂອງທາງ True ແລະ ເປັນຂອງທາງ Lenovo ສິ່ງທີ່ຈະເຫັນໄດ້ພາຍໃນຄືແອັບຯການໃຊ້ງານ ແລະ ການບໍລິການຈາກ True ແລະ Lenovo ເຕັມໄປຫມົດ ໄຜທີ່ໍ່ບໍ່ໃຊ້ກໍ່ສາມາດຖອນການຕິດຕັ້ງໄດ້ ປຸ່ມຄວບຄຸມການເຮັດວຽກຫລັກທັງສາມປຸ່ມ ເປັນປຸ່ມທັສເທິງຕົວເຄື່ອງ ມີແສງໄຟ ປຸ່ມຊ້າຍສຸດເປັນປຸ່ມເມນູ ແລະ ປຸ່ມ Recent App ໃນປຸ່ມດຽວ ເອີ້ນໃຊ້ໄດຍການແຕະເພື່ອເອີ້ນເມນູ ຫລື ທັສຄ້າງໄວ້ເພື່ອເອີ້ນໃຊ້ Recent App

ຫນ້າການໃຊ້ງານຂອງເຄື່ອງ VIBE P1m ກໍ່ເປັນ UI ມາດຕະຖານຈາກ Lenovo ທີ່ໃຊ້ງານໃນເຄື່ອງອື່ນໆມີລັກສະນະໃຫ້ປ່ຽນໃຊ້ 6 ແບບ ສ່ວນທີ່ເຫລືອບໍ່ມີຫຍັງຫລາຍ ໃນການປັບແຕ່ງເປັນ UI ລຽບໆ ມີເອັບເຟັກການເລື່ອນຫນ້າໃຫ້ເລືອກສາມແບບ ປັບປ່ຽນຂະຫນາດຕາລາງການຈັດລຽງໄອຄອນຫນ້າຫລັກໄດ້ ຫລັກໆມີພຽງເທົ່ານີ້.

ຄວາມລ່ຽນໄຫລໃນຫນ້າໂຮມຢູ່ໃນເກນດີ ມີຫນ່ວງແດ່ເລັກນ້ອຍ ໂດຍລວມບໍ່ຊ້າ ມີການຣີໂຫລດຫນ້າເວລາເຂົ່າແອັບຯໃຫຍ່ໆ ປະສີດທິພາບພຽງພໍໃຊ້ງານເບົາໆໄດ້ສະບາຍໆ.

ຟັງຊັ່ນການໃຊ້ງານຕ່າງໆ ທີ່ຝັງມາໃນລະບົບເຄື່ອງເລີຍນັ້ນມີນ້ອຍ ສ່ວນໃຫຍ່ທາງ Lenovo ຈະແຍກພັດທະນາອອກມາເປັນແອັບຯຫລາຍກວ່າ ເຊັ່ນ: SYNCit ແອັບຯສຳລັບການສຳຮອງຂໍ້ມູນລາຍຊື່ ຫລື SHAREit ແອັບຯສຳລັບການຮັບສົ່ງໄຟລດ້ວຍຄວາມໄວສູງລະຫວ່າງອຸປະກອນເປັນຕົ້ນ.

ຕົວທີ່ເປັນຟັງຊັ່ນເດັ່ນຂອງລຸ້ນນີ້ກໍ່ຄືໂຫມດປະຫຍັດພະລັງງານ ຄືປົກະຕິແບັດຯຂອງມັນກໍ່ອຶດຫລາຍແລ້ວ ສາມາດຢູ່ກັບເຮົາແບບຂ້າມວັນໄດ້ ເຖິງຈະໃຊ້ງານຫນັກໆ ກໍ່ຢູ່ລອດໄດ້ຈົນຄ່ຳ ແຕ່ຖ້າໄຜຍັງບໍ່ພໍໃຈກໍ່ສາມາດເປີດໃຊ້ໂຫມດການປະຫຍັດພະລັງງານແບບພິເສດຂອງມັນໄດ້ດ້ວຍການເປີດສະວິດພິເສດດ້ານຂ້າງເຄື່ອງ ມັນຈະຕັດຟັງຊັ່ນເກືອບທັງຫມົດຖິ້ມໄປ ເຫລືອໄວ້ແຕ່ການເຮັດວຽກສຳຄັນໆ ສົ່ງຜົນໃຫ້ສາມາດໃຊ້ງານແບັດຯທີ່ເຫລືອຢູ່ຍາວນານໄດ້ກວ່າເກົ່າຫລາຍເທົ່າ.

ສ່ວນການສາກພະລັງງານກັບເຂົ້າຕົວເຄື່ອງ ທາງ Lenovo ວ່າມັນເປັນລະບົບການສາກພະລງັງານແບບໄວ ມັນກໍ່ໄວຢູ່ ແຕ່ຈະບໍ່ໄວເທົ່າທີ່ຄິດເທົ່າໃດ ເພາະຈາກການລອງສາກພະລັງງານກັບເຂົ້າເຄື່ອງ ໃຊ້ເວລາເກືອບສາມຊົ່ວໂມງ ສຳລັບການສາກຈາກ 10% ໄປຈົນແບັດຯເກືອບເຕັມ ແຕ່ກໍ່ຢ່າງທີ່ວ່າ ແບັດຯມັນຕັ້ງ 4,000 mAh

ຫນ່ວຍຄວາມຈຳພາຍໃນ 16GB ໃຊ້ງານໄດ້ຈິງ 11.25GB ສາມາດກຳນົດໄດ້ວ່າຕ້ອງການໃຊ້ຫນ່ວຍຄວາມຈຳພາຍໃນຫລື ຫນ່ວຍຄວາມຈຳພາຍນອກ (Micro SD Card) ໃນການເປັນພື້ນທີ່ຕິດຕັ້ງແອັບຯເບື້ອງຕົ້ນ ແຕ່ຖ້າເລືອກໃຊ້ຫນ່ວຍຄວາມຈຳພາຍນອກແລ້ວທ່ານຈະເສຍຫນ່ວຍຄວາມຈຳພາຍໃນໄປ ແລະ ແອັບຯທີ່ຕິດຕັ້ງໄວ້ໃນຫນ່ວຍຄວາມຈຳພາຍໃນອາດຈະໃຊ້ບໍ່ໄດ້ ຕ້ອງຕິດຕັ້ງໃຫມ່.

ທົດສອບເຂົ້າເວັບໃຊ້ ເປີດຫນັງ Full HD ສະບາຍໆຢູ່ ສ່ວນການຫລີ້ນເກມແບບ HD ມັນກໍ່ຍັງຫລີ້ນໄດ້ ມີຫນືດແດ່ໃນບາງເກມ ຖືວ່າເກີນຄາດແລ້ວແຫລະ ສ່ວນມິນິເກມຕ່າງໆ ຫລີ້ນໄດ້ຢູ່ແລ້ວ.

ທົດສອບການຈັບຕຳແຫນ່ງ ສາມາດໃຊ້ນຳທາງໄດ້ເລີຍ ໃນເຄື່ອງທາງ Lenovo ຈະມີແອັບຯ Route 66 ເຊິ່ງເປັນແອັບຯນຳທາງມາໃຫ້ທົດລອງໃຊ້ໄດ້ 30 ວັນ.

ຜົນທົດສອບຕ່າງໆ

ກ້ອງຖ່າຍພາບ

ຢ່າດູຖູກເລື່ອງລາຄາ ກ້ອງມັນກໍ່ພໍໃຊ້ຢູ່ ບໍ່ໄດ້ຂີ້ລ້າຍຕາມລາຄາເດີ… ແຕ່ກໍ່ຢ່າຫວັງວ່າມັນຈະດີຫລາຍ ຢ່າຄິດໄປໄກ ມັນສາມາດໂຟກັສໄດ້ຊັດເຈນດີ ພາບຕອນກາງເວັນໄດ້ຜົນທີ່ດີ ເອົາໄວ້ໃຊ້ຖ່າຍພາບທົ່ວໆໄປ ຖືວ່າຫວັງຜົນໄດ້ໃນລະດັບຫນຶ່ງ ລອງໄປເບິ່ງຕົວຢ່າງພາບຖ່າຍກັນ.

ພາບຖ່າຍກ້ອງຫນ້າ

ສະຫລຸບທ້າຍຣີວິວ

ເປັນເຄື່ອງທີ່ຢາກແນະນຳ ສຳລັບລາຄາຕ່ຳກວ່າ 5,000 ບາດ (ລາຄາໂປຣໂມຊັ່ນ 2,495 ບາດສຳລັບຊື້ພ້ອມສະຫມັກແພັກເກດ True) ໃຫ້ສະເປັກມາຫນ້າສົນໃຈກຳລັງໃຊ້ ຕົວເຄື່ອງພາຍນອກລຽບງ່າຍ ແຕ່ສວຍງາມ ມີຈຸດເດັ່ນທີ່ຄວນຈະມີ ແລະ ສຳຄັນຫລາຍ ນັ້ນຄືຂະຫນາດແບັດຯທີ່ເຮັດໃຫ້ສາມາດໃຊ້ງານໄດ້ເຕັມທີ່ຕະຫລອດທັງວັນ ແຖມເຄື່ອງຍັງບໍ່ຫນາ ເປັນແບັດຯສຳຮອງໃຫ້ອຸປະກອນໄດ້ໃນຍາມສຸກເສີນ.

ຖືກ, ຄຸ້ມ ມີໂປຣໂມຊັ່ນ ມີຄວາມໂດດເດັ່ນເຮັດໃຫ້ມັນເປັນຫນຶ່ງໃນຕົວແນະນຳໃນຊ່ວງນີ້.

 

อ่านรีวิวภาษาไทย>>รีวิว True Lenovo 4G VIBE P1m แอนดรอยด์ราคาเริ่มต้น สเปคกำลังดี แบตอึด 4,000 mAh พร้อมเป็นแบตเสริมได้ยามฉุกเฉิน<<

from:https://www.appdisqus.com/2016/01/31/review-true-lenovo-4g-vibe-p1m-2.html

ຣີວິວ i-mobile IQZ Pro ສະມາດໂຟນກ້ອງຄູ່ 13/2 MP ພ້ອມວັດສະດຸລະດັບພຣີມ້ຽມຮອງຮັບ Digital TV

ຣີວິວ i-mobile IQZ Pro ສະມາດໂຟນກ້ອງຄູ່ 13/2 MP ພ້ອມວັດສະດຸລະດັບພຣີມ້ຽມຮອງຮັບ Digital TV

 

อ่านรีวิวภาษาไทย>>รีวิว i-mobile IQZ Pro สมาร์ทโฟนกล้องคู่ 13 / 2 MP พร้อมวัสดุระดับพรีเมี่ยมรองรับ Digital TV<<

 

i-mobile IQZ Pro ເປັນສະມາດໂຟນລຸ້ນໃຫມ່ລ່າສຸດຂອງແບຣນ i-mobile ເຊິ່ງເປັນແບຣນເກົ່າແກ່ ແລະ ພັດທະນາຕົນເອງມາໂດຍຕະຫລອດ ສຳລັບລຸ້ນນີ້ຕ້ອງບອກວ່າທາງ i-mobile ມາພ້ອມສະມາດໂຟນທີ່ເບິ່ງແລ້ວພຣີມ້ຽມຫລາຍ Design ສວຍງາມ, ວັດສະດຸປະກອບດ້ວຍໂລຫະ ແລະ ກະຈົກເບິ່ງແລ້ວຫລູຫລາຫລາຍ, ງານປະກອບກໍ່ລະອຽດຫລາຍ ແລະ ຍັງຄົງຈຸດເດັ່ນນັ້ນຄື Digital TV ເຊິ່ງ i-mobile ກໍ່ໃສ່ມາໃຫ້ດ້ວຍ ແຕ່ລຸ້ນນີ້ບໍ່ມີເສົາອາກາດໃນຕົວ ຕ້ອງຕໍ່ເພີ່ມຜ່ານພອດຫູຟັງ 3.5 ມມ. ອີກເທື່ອຫນຶ່ງ ແລະ ໃນກ່ອງມີແຕ່ອຸປະກອນຕໍ່ພ່ວງມາໃຫ້ ບໍ່ມີເສົາອາກາດມາໃຫ້ຕ້ອງຊື້ເພີ່ມຕື່ມເອງ.

ໃນສ່ວນຂອງສະເປັກເບິ່ງແລ້ວຫນ້າສົນໃຈພໍໂຕ ຫນ້າຈໍຂະຫນາດໃຫຍ່ 5.5 ນີ້ວ Super AMOLED ຄວາມລະອຽດ Full HD 1080P, ຊິບເຊັດ Qualcomm Snapdragon 615 Octa Core 1.46 GHz, GPU Adreno 405, Ram 3GB, ຫນ່ວຍຄວາມຈຳພາຍໃນ 32 GB ສາມາດເພີ່ມຫນ່ວຍຄວາມຈຳພາຍນອກໄດ້ອີກ. ເຮັດວຽກເທິງ Android 5.1.1 Lollipop, ຈຸດຂາຍກງຄູ່ຄວາມລະອຽດ 13/2 MP ແລະ ກ້ອງຫນ້າຄວາມລະອຽດ 8MP, ແບັດຯຄວາມຈຸ 3500 mAh ຫລາຍພໍໂຕເນາະ.

ຈຸດຂາຍຂອງລຸ້ນນີ້ເລີຍມາຈາກກ້ອງຄູ່ ເຮັດໃຫ້ມາພ້ອມກັບຄຸນສົມບັດ Super Refocus ເລືອກຈຸດໂຟກັສ ແລະ ເລື່ອນປັບລະດັບຄວາມຊັດໄດ້ດ້ວຍຕົວເອງ, Background Deco ປັບປ່ຽນສີ ແລະ ຮູບແບບພື້ນຫລັງໄດ້ຕາມໃຈ, Opti Zoom ຊ່ວຍໃຫ້ຊູມກ້ອງໄດ້ໂດຍສູນເສຍລາຍລະອຽດຫນ້ອຍ ເຊິ່ງຜົນການທົດສອບໃນເລື່ອງກ້ອງທີ່ເປັນຈຸດຂາຍຈະອອກມາເປັນແບບໃດເອົາໄວ້ຖ້າອ່ານກັນທ້າຍຣີວິວເນາະ.

ແຕ່ສ່ວນຕົວບໍ່ມັກກ່ອງບັນຈຸ ດ້ວຍທີ່ລາຄາ 11900 ບາດສຳລັບ i-mobile ຖືວ່າເປັນລຸ້ນລະດັບສູງ ຫນ້າຈະອອກແບບກ່ອງໃຫ້ຫລູຫລາກວ່ານີ້ ແຕ່ວ່າຂອງໃນກ່ອງກໍ່ໃສ່ໃຫ້ມາຫລາຍສົມຄວນ.

ໃນກ່ອງຈະມີຕົວເຄື່ອງ i-mobile IQZ Pro, ຄູ່ມື, ເອກະສານໃບຮັບປະກັນ, Case, ຟີມກັນຮອຍ, ຫົວປັກ, ສາຍ Micro USB, ຫູຟັງແບບ Earbud, ອຸປະກອນຕໍ່ພ່ວງ DTV, ຂາຕັ້ງເຄື່ອງ.

ສະເປັກຂອງ i-mobile IQZ Pro

ຮອງຮັບ 4G LTE 850/900/1800/2100 MHz

ຮອງຮັບການໃຊ້ງານ 2 ຊິມ

ຮອງຮັບ Digital TV

ຂະຫນາດຕົວເຄື່ອງ 154 x 76.6 x 7.3 ມມ. ນ້ຳຫນັກ 160 ກຣາມ

ຫນ້າຈໍ Super AMOLED ຂະຫນາດ 5.5 ນີ້ວຄວາມລະອຽດ Full HD 1080P

Android 5.1.1 Lollipop

Qualcomm Snapdragon 615 Octa Core 1.46 GHz

GPU Adreno 405

RAM 3GB

ຫນ່ວຍຄວາມຈຳພາຍໃນ 32GB ສາມາດເພິ່ມ Micro SD Card ໄດ້

Wi-Fi b / g / n, Wi-Fi Direct, Wi-Fi hotspot

Bluetooth 4.1

GPS

microUSB 2.0

ກ້ອງ Dual Camera 13MP ແລະ  2MP ພ້ອມໄຟແຟລສ LED

ກ້ອງຫນ້າຄວາມລະອຽດ 8MP ພ້ອມໄຟແຟລສ LED

Super Refocus ເລືອກຈຸດໂຟກັສ ແລະ ເລື່ອນປັບລະດັບຄວາມຊັດໄດ້ດ້ວຍຕົນເອງ

Background Deco ປັບປ່ຽນສີ ແລະ ຮູບແບບພື້ນຫລັງໄດ້ຕາມໃຈ

Opti Zoom ຊ່ວຍໃຫ້ຊູມກ້ອງໄດ້ໂດຍສູນເສຍຄວາມລະອຽດນ້ອຍ

ແບັດຯຄວາມຈຸ 3500 mAh

ລາຄາເປີດໂຕ 11900 ບາດ

i-mobile IQZ Pro ເປັນສະມາດໂຟນລະດັບເຮືອທຸງຂອງທາງແບຣນ i-mobile ລຸ້ນນີ້ຖືວ່າຈັດເຕັມຫລາຍໃນສ່ວນຂອງວັດສະດຸ ແລະ ການອອກແບບ ເບິ່ງແລ້ວຫລູຫລາເລືອກໃຊ້ວັດສະດຸທີ່ພຣີມ້ຽມຢ່າງກະຈົກ ແລະ ໂລຫະ ງານປະກອບກໍ່ເຮັດໄດ້ດີຫລາຍ ແຫນ້ນຫນາ.

ຫນ້າຈໍ Super AMOLED ຂະຫນາດ 5.5 ນີ້ວຄວາມລະອຽດ Full HD 1080P ເບິ່ງແລ້ວສວຍງາມຫລາຍ ສີສັນສົດໃສມຸມມອງຫນ້າຈໍກວ້າງ ທີ່ສຳຄັນຫນ້າຈໍສະຫວ່າງຫລາຍ ເຫມາະກັບການໃຊ້ງານກາງແຈ້ງທີ່ສຸດ.

ດ້ານຫນ້າປະກອບດ້ວຍກ້ອງຫນ້າຄວາມລະອຽດ 8MP ພ້ອມກັບໄຟແຟລສ LED, ເຊັນເຊີ້, ລຳໂພງສົນທະນາສຽງດັງຊັດເຈນດີຫລາຍ ສ່ວນດ້ານຫລັງຖືເປັນຈຸດຂາຍຂອງສະມາດໂຟນລຸ້ນນີ້ນັ້ນຄືກ້ອງ Dual Camera 13MP ແລະ 2MP ພ້ອມກັບໄຟແຟລສ LED

ດ້ານເທິງມີພອດຫູຟັງຂະຫນາດ 3.5 mm ແລະ ໄມຕັດສຽງລົບກວນ ສວ່ນດ້ານລຸ່ມຈະມີຊ່ອງລຳໂພງອອກແບບໄດ້ຢ່າງຫນ້າສົນໃຈ ແລະ ຈະມີໄມໂຄຣໂຟນເຊື່ອງຢູ່ໃນນັ້ນດ້ວຍ ຖັດມາຈະເປັນພອດ Micro USB ສຳລັບສຽງລຳໂພງເຮັດໄດ້ດີຫລາຍ ສຽງດັງດີຫລາຍ ໃສ ແລະ ສຽງບໍ່ແຕກເລີຍ.

ສ່ວນດ້ານຊ້າຍຈະເປັນຊອ່ງໃສ່ຊິມກາດ ເຊິ່ງມາພ້ອມກັບມາດຕະຖານໃຫມ່ທີ່ນິຍົມກັນໃນຕອນນີ້ໂດຍຊ່ອງໃສ່ຊິມທີສອງຈະເລືອກໃສ່ຊິມກໍ່ໄດ້ ຫລື ເພີ່ມ Micro SD Card ແທນກໍ່ໄດ້ ແລະ ດ້ານຂວາຫນ້າສົນໃຈຫລາຍ ໂດຍຈະມີປຸ່ມປັບລະດັບສຽງ ແລະ ປຸ່ມພາວເວີ້ ໂດຍຈະແຈ້ງໄຟເຕືອນ Notification ຢູ່ບໍລິເວນນີ້ດ້ວຍເບິ່ງແລ້ວສວຍງາມຫລາຍ.

i-mobile IQZ Pro ມາພ້ອມກັບແບັດຯຄວາມຈຸສູງເຖິງ 3500 mAh ແຕ່ຈາກການໃຊ້ງານແບັດຯບໍ່ຄ່ອຍຈະທົນເທົ່າທີ່ຄິດ ຖ້າໃຊ້ງານຢ່າງຕໍ່ເນື່ອງໂດຍສະເພາະການຖ່າຍພາບ ແນະນຳວ່າຄວນພົກ Power Bank ໄປດ້ວຍເຜື່ອເຫດສຸກເສີນເນາະ.

ທົດສອບດ້ວຍ Quandrant Standard ໄດ້ຄະແນນ 23778 ຄະແນນ

ທົດສອບດ້ວຍ AnTuTu Benchmark ໄດ້ຄະແນນ 34376 ຄະແນນ

ທົດສອບດ້ວຍ NenaMark2 ເຮັດໄປໄດ້ 58.9 fps ຮອງຮັບ Multi Touch 10 ຈຸດ

GPS ຈັບສັນຍານວ່ອງໄວດີຫລາຍ.

i-mobile IQZ Pro ເຮັດວຽກເທິງ Android 5.1.1 Lollipop ຫນ້າຕາ UI ລຽບງ່າຍ ແລະ ແອບມີລູກຫລີ້ນເລັກນ້ອຍ ການໃຊ້ງານລ່ຽນໄຫລ ແລະ ວ່ອງໄວດີຫລາຍ ສາມາດປ່ຽນ Themes ສຳເລັດຮູບທີ່ມີໃນເຄື່ອງໄດ້ 4 ແບບ ໂດຍສ່ວນຕົວຄິດວ່າມັນຢາກລຽບໆໄປຫລາຍ ຖ້າບໍ່ມັກກໍ່ສາມາດດາວໂຫລດ Launcher ອື່ນໆມາໃຊ້ງານແທນໄດ້ (ເປັນຈຸດຂາຍຂອງ Android ຢູ່ແລ້ວ)

ສ່ວນໃນເຄື່ອງທາງ i-mobile IQZ Pro ໄດ້ໃສ່ແອັບຯ ມາໃຫ້ຢ່າງຈຸໃຈ ແລະ ທີ່ຫນ້າສົນໃຈກໍ່ຄືບໍລິການ i-Club ເຊິ່ງຫລາຍໆຄົນອາດຈະຍັງບໍ່ເຄີຍລອງໃຊ້ງານ ເຊິ່ງມັນກໍ່ຄ້າຍໆກັບ Galaxy Gift ແຕ່ເທົ່າທີ່ລອງກວດສອບເບິ່ງຮ້ານຄ້າທີ່ມາຮ່ວມໂປຣໂມຊັ່ນຍັງບໍ່ຄ່ອຍດຶງດູດ ນອກຈາກ Major Cineplex & EGV ເຊິ່ງກໍ່ຫນ້າຈະມີຫມູນວຽນມາເລື້ອຍໆ ໄຜທີ່ໃຊ້ສະມາດໂຟນຂອງ i-mobile ຢູ່ຫ້າມພາດເລີຍ.

ນອກຈາກນີ້ຍັງມີສ່ວນຂອງການຄົ້ນຫາສູນບໍລິການ ແລະ ຮ້ານຄ້າຂອງ i-mobile ອີກດ້ວຍທີ່ສຳຄັນສາມາດຕິດຕາມສະຖານະການສ້ອມແປງໄດ້ອີກດ້ວຍ ແລະ ມີໃນສ່ວນຂອງການຕິດຕໍ່ກັບ i-mobile ມາໃຫ້ອີກດ້ວຍ.

Play Hub ເປັນແອັບຯທີ່ເຮັດຫນ້າທີ່ຄືກັບ Play Store ແຕ່ຈະເປັນການດາວໂຫລດໄຟລທີ່ເປັນ .apk ມາລົງໃນເຄື່ອງເຮົາ ເຊິ່ງທີ່ຫນ້າສົນໃຈຄືມີເກມທີ່ຕ້ອງເສຍເງິນເປັນຈຳນວນຫລາຍ ໃຫ້ເຮົາດາວໂຫລດມາຫລີ້ນໄດ້ແບບຟຣີໆ (ເປັນແອັບຯປະເພດທີ່ເຮົາຕ້ອງຫາມາລົງເອງ ແຕ່ເທື່ອນີ້ທາງ i-mobile ໃສ່ມາໃຫ້ເລີຍ ແຖມຍັງໃຊ້ງານໄດ້ດີຫລາຍອີກດ້ວຍ)

ທົດສອບດາວໂຫລດເກມ Isabel ມາຫລີ້ນເຊິ່ງເກມນີ້ບໍ່ແມ່ນເກມຟຣີ ແຕ່ໃນແອັບຯນີ້ເຮົາສາມາດດາວໂຫລດມາຫລີ້ນໄດ້ແບບຟຣີໆ ເຊິ່ງກໍ່ຫລີ້ນໄດ້ສົມບູນດີ ແຖມຖ້າມີການອັບເດດເຮົາສາມາດອັບເດດຜ່ານແອັບຯ Play Hub ນີ້ໄດ້ອີກດ້ວຍ ແລະ ເກມຢ່າງ Final Fantasy IV ກໍ່ມີໃຫ້ດາວໂໄລດກັນແບບຟຣີໆເຊັ່ນກັນ ແລະ ໃນຕົວໂປຣແກມຍັງມີຟັງຊັ່ນເຄຣຍ RAM ແລະ ເລັ່ງຄວາມໄວມາໃຫ້ອີກດ້ວຍ.

ທົດສອບຄວາມສາມາດໃນການຫລີ້ນເກມ ດ້ວຍເກມຢ່າງ Final Fantasy IV ແລະ Leo’s Fortune ເຮັດໄດ້ດີຫລາຍ ລ່ຽນໄຫລ ແລະ ບໍ່ກະຕຸກເລີຍ.

ເຄື່ອງຫລີ້ນເພງຈະເປັນແບບມາດຕະຖານ ມີລະບົບປັບແຕ່ງສຽງ Snapdragon Audio+ ມາໃຫ້ຄຸນນະພາບສຽງດີເກີນຄາດ ເປັນອີກລຸ້ນທີ່ເຫມາະກັບການນຳມາຟັງເພງ ແລະ ວິທະຍຸມີຟັງຊັ່ນຕົວເລືອກສຳເລັດຮູຍມາໃຫ້ ລວມທັງສາມາດບັນທຶກສຽງເອົາໄວ້ໄດ້ອີກດ້ວຍ.

ເຄື່ອງຫລີ້ນວີດີໂອສາມາດຫລີ້ນ File ຄວາມລະອຽດ Full HD 1080P ໄດ້ຢ່າງລ່ຽນໄຫລດີຫລາຍ ແຕ່ຟັງຊັ່ນການໃຊ້ງານມີບໍ່ຫລາຍ.

I-mobile IQZ Pro ມາພ້ອມກັບກ້ອງຄູ່ຄວາມລະອຽດ 13/2MP ແລະ ກ້ອງຫນ້າຄວາມລະອຽດ 8MP ເຊິ່ງມີຄວາມພິເສດໂດຍທາງ I-mobile IQZ Pro ປັບຈູນໃຫ້ສາມາດຖ່າຍພາບໄດ້ດ້ວຍຄວາມລະອຽດສູງສຸດ 18MP ກັນເລີຍ ເຊິ່ງກໍ່ເປັນເລື່ອງປົກະຕິທີ່ເຄີຍເຮັດມາໃນຫລາຍໆລຸ້ນແລ້ວ.

ສຳລັບຟັງຊັ່ນ Super Refocus ເລືອກຈຸດໂຟກັສ ແລະ ເລື່ອນປັບລະດັບຄວາມຊັດໄດ້ດ້ວຍຕົວເອງນັ້ນເທົ່າທີ່ທົດສອບ ສ່ວນໂຕບໍ່ປະທັບໃຈຫລາຍ ການຈັບຕຳແຫນ່ງຍັງເຮັດໄດ້ບໍ່ສະຫລາດຄືກັບທີ່ HTC ເຄີຍເຮັດ ອາດຈະຕ້ອງປັບປຸງຜ່ານ FW ທີ່ຈະອອກມາໃນອະນາຄົດ ສ່ວນ Background Deco ປັບປ່ຽນສີ ແລະ ຮູບແບບພື້ນຫລັງໄດ້ຕາມໃຈນັ້ນກໍ່ຄັກດີ ແນະນຳວ່າທາງ i-mobile ຄວນຈະແກ້ໄຂໂດຍດ່ວນເພາະມັນເປັນຈຸດຂາຍຂອງລຸ້ນນີ້ເລີຍ.

ສຳລັບຄຸນນະພາບຂອງຮູບຖ່າຍ ຖືວ່າຢູ່ໃນລະດັບກາງໆ ໂດຍພາບລວມແລ້ວສີສັນສົດໃສ ການວັດ White Balance ກໍ່ສະຫລາດຫລາຍ ແຕ່ລາຍລະອຽດຂອງໄຟລຍັງເຮັດໄດ້ບໍ່ຫນ້າປະທັບໃຈ ແລະ ຫນ້າເສຍດາຍທີ່ກ້ອງຫນ້າບໍ່ມີ Beauty Mode ມາໃຫ້ສາວໆຕ້ອງໄປເພິ່ງແອັບຯອື່ນມາແຕ່ງກັນຕໍ່ ຖືວ່າໃນຍຸຸກນີ້ມັນເປັນຈຸດຂາຍທີ່ສຳຄັນ ຄວນຈະໃສ່ໃຈໂດຍສະເພາະໃນລຸ້ນລະດັບສູງແບບນີ້ ເຊີນຊົມຕົວຢ່າງພາບຖ່າຍຂອງ I-mobile IQZ Pro ກັນເລີຍ (ສາມາດຄລິກເພື່ອດາວໂຫລດຕົວຢ່າງພາບຖ່າຍໄປຊົມກັນໄດ້ເລີຍ ເປັນພາບຄວາມລະອຽດ 100% ບໍ່ຜ່ານການປັບຫຍໍ້ຂະຫນາດໃດໆ)

ຂໍ້ດີຂອງ I-mobile IQZ Pro

1. ຕົວເຄື່ອງອອກແບບສວຍງາມ ວັດສະດຸຫລູຫລາ ເລືອກໃຊ້ກະຈົກ ແລະ ໂລຫະ ງານປະກອບແຫນ້ນຫນາດີ.
2. ສະເປັກຫນ້າສົນໃຈ.
3. ຫນ້າຈໍຂະຫນາດໃຫຍ່ 5.5 ນີ້ວສວຍງາມຫລາຍ ແລະ ຄວາມສະຫວ່າງສູງໃຊ້ງານກາງແຈ້ງໄດ້ສະບາຍໆ.
4. ກ້ອງຄູ່ຄວາມລະອຽດ 13/2 MP ແລະ ກ້ອງຫນ້າຄວາມລະອຽດ 8MP
5. ລຳໂພງສຽງດີ ແລະ ຜ່ານຫູຟັງກໍ່ຫນ້າປະທັບໃຈ.

ຂໍ້ດ້ອຍຂອງ I-mobile IQZ Pro

1. ແບັດຯຄວາມຈຸສູງເຖິງ 3500 mAh ແຕ່ຈາກການໃຊ້ງານບໍ່ທົນເທົ່າທີ່ຄິດ.
2. ຟັງຊັ່ນ Super Refocus ຍັງເຮັດໄດ້ບໍ່ດີ.

ສຳລັບ I-mobile IQZ Pro ຖືວ່າເປັນຄວາມພະຍາຍາມອີກຄັ້ງຂອງ I-mobile ທີ່ຈະນຳສະເຫນີຄວາມພຣີມ້ຽມ ແລະ ລູກຫລີ້ນທີ່ທັນສະໄຫມ ເຊິ່ງໃນເລື່ອງຄວາມພຣີມ້ຽມຂອງຕົວເຄື່ອງນັ້ນກໍ່ເຮັດໄດ້ດີຫລາຍ ຕົວເຄື່ອງສວຍງາມຫລາຍ ວັດສະດຸຄຸນນະພາບດີແທ້ໆ ແຕ່ໃນສ່ວນຂອງລູກຫລີ້ນກ້ອງທີ່ທາງ I-mobile ພະຍາຍາມນຳສະເຫນີນັ້ນໃນຄັ້ງນີ້ພັດເຮັດບໍ່ໄດ້ດີເທົ່າທີ່ຄວນ ເຊິ່ງຕ້ອງລຸ້ນກັນວ່າຈະມີອັບເດດອອກມາປັບປຸງກັນມື້ໃດ ແລະ ດ້ວຍລາຄາເປີດໂຕ 11900 ບາດ ນັ້ນຄວາມຈິງແລ້ວໃນສະເປັກນີ້ກໍ່ຖືວ່າບໍ່ແພງ ແຕ່ງານນີ້ຄູ່ແຂ່ງພຽບເລີຍ ເຊິ່ງລຸ້ນນີ້ກໍ່ມີຈຸດແຂງບ່ອນການອອກແບບ ແລະ ຄວາມສວຍງາມລະດັບພຣີມ້ຽມນີ້ລະ (ແຖມຍັງຄົງມີໄມ້ຕາຍ Digital TV ດ້ວຍເຖິງວ່າຈະຕ້ອງໄດ້ອາໄສອຸປະອກນຕໍ່ພ່ວງກໍ່ຕາມ)

 

อ่านรีวิวภาษาไทย>>รีวิว i-mobile IQZ Pro สมาร์ทโฟนกล้องคู่ 13 / 2 MP พร้อมวัสดุระดับพรีเมี่ยมรองรับ Digital TV<<

 

from:https://www.appdisqus.com/2016/01/27/review-i-mobile-iqz-pro-dual-camera-digital-tv.html

ຣີວິວ Microsoft Surface Pro4 ທີ່ສຸດຂອງແທັບເລັດເທິງລະບົບປະຕິບັດການ Windows 10

 

 

อ่านรีวิวภาษาไทย>>รีวิว Microsoft Surface pro 4 ที่สุดของแท็บเล็ตบนระบบปฏิบัติการ Windows 10 <<

 

Surface Pro4 ແທັບເລັດຕົວແຮງທີ່ທາງ Microsoft ເປີດຈຳຫນ່າຍແລ້ວ ມີຫລາຍລະດັບລາຄາເຊິ່ງແຕກຕ່າງກັນຕາມສະເປັກ

ເຄື່ອງພາຍໃນ ເລີ່ມກັນຕັ້ງແຕ່ລາຄາສອງຫມື່ນກວ່າໆບາດ ໄປຈົນເຖິງ ລາຄາລະດັບສູງເລີຍ.

ເຊິ່ງເຄື່ອງທີ່ນຳມາທົດສອບລຶງໃຊ້ເຄື່ອງນີ້ເປັນເຄື່ອງລຸ້ນ CPU i5 Gent6 ແຣມ 4GB ແລະ ຫນ່ວຍຄວາມຈຳພາຍໃນ 128GB ເຊິ່ງ້ປັນເຄື່ອງລາຄາຖືກທີ່ສຸດສຳລັບຄົນທີ່ຕ້ອງການໃຊ້ງານໃນດ້ານເອກະສານ, ເຮັດວຽກຜ່ານຫນ້າເວັບໃຊ້ ແລະ ການໃຊ້ງານທົ່ວໆໄປ ເພາະສະເປັກຖືວ່າສູງພໍແລ້ວໃນດ້ານນີ້.

ຕົວເຄື່ອງພາຍນອກ

ຈຸດເດັ່ນຂອງເຄື່ອງ Surface Pro4 ຄືການອອກແບບ ມັນແຕກຕ່າງ ແລະ ມີແນວຄິດທີ່ບໍ່ຄືໄຜ ຕັ້ງແຕ່ຫນ້າຈໍ 12.3 ນີ້ວຂອງມັນກັບສັດສ່ວນ 3:2 ທີ່ເຮົາອາດຈະບໍ່ຄຸ້ນຕາ ແຕ່ນີ້ເປັນສັດສ່ວນຫນ້າຈໍທີ່ດີກວ່າຈໍກວ້າງ 16:9 ແບບເກົ່າຫລາຍ ໃນຂະນະທີ່ການໃຊ້ງານເອກະສານ, ການອ່ານ, ການເຂົ້າເວັບໃຊ້ ລົດຄວາມກວ້າງເພື່ອຄວາມສູງຂື້ນມາເລັກນ້ອຍ ເຮັດໃຫ້ຫນ້າຈໍ 12.3 ຂອງມັນເບິ່ງແລ້ວໃຫຍ່ຫລາຍພໍທີ່ຈະໃຊ້ງານ ແລະ ບໍ່ອຶດອັດ ນັ້ນເພາະຕາມຄວາມເປັນຈິງແລ້ວ ເຮົາມັກຈະໃຊ້ງານໃນແນວຂອງການເບິ່ງ ແລະ ການເລື່ອນຫນ້າແບບເທິງລົງລຸ່ມ ຫລາຍກວ່າການໃຊ້ງານເລື່ອນຫນ້າຈໍຈາກຊ້າຍໄປຂວາ ຫລື ຈາກຂວາໄປຊ້າຍນັ້ນເອງ.

ລະບົບ PixelSense ເຮັດໃຫ້ການສະແດງຜົນມີສີສັນ ເປັນຫນ້າຈໍພາບທີ່ສວຍງາມ ມີຄວາມລະອຽດຫນ້າຈໍສູງລິບ 2,736 x 1,824 ພິກເຊວ ເວລາໃຊ້ງານຕົວຈິງຕ້ອງຕັ້ງໄວ້ຂະຫຍາຍ 200% ຍັງຕ້ອງໄດເພັ່ງເລັງເລັກນ້ອຍ ກະຈົກຈໍແບບ Corning Gorilla Glass4 ກັນຮອຍຂີດຂ່ວນ ແລະ ລຳໂພງຄູ່ຫນ້າດ້ານຂ້າງຈໍພາບແບບສະເຕີຣີໂອ ທົດສອບຟັງສຽງແລ້ວດັງໃຊ້ໄດ້ ຄຸນນະພາບສຽງຢູ່ໃນລະດັບທີ່ດີ.

ຂາພັບດ້ານຫລັງປັບມຸມອົງສາການໃຊ້ງານໄດ້ກວ້າງ ມີຄວາມແຂງແຮງຢູ່ ດ້ານໃນເປັຍສລັອດໃສ່ Micro SD Card ໄວ້ເພື່ອເພີີ່ມຫນ່ວຍຄວາມຈຳ ຕົວເຄື່ອງບາງ 8.4 ມມ ເບົາປະມານເຈັດຮອ້ກວ່າກຣາມ ເວລາຖືໃຊ້ງານມືດຽວພໍໄຫວ ຕົວເຄື່ອງບໍ່ໃຫຍ່ທັງທີ່ສະເປັກພາຍໃນບໍ່ທຳມະດາ ສາມາດເຮັດໄດ້ບາງຂະຫນາດນີ້ ແຕ່ກໍ່ຍັງບາງພໍດີທີ່ຈະມີພອດ USB 3.0 ມາໃຫ້ພ້ອມພອດຕໍ່ຈໍພາບພາຍນອກ (Mini Display) ມາໃຫ້ອີກຫນຶ່ງພອດ.

 

ຂົ້ວສາກໄຟແບບແມ່ເຫລັກ

 

Surface Pro 4 ໃນຊຸດຂາຍຈະມາພ້ອມກັບປາກກາ Surface Pen ໂຕໃຫມ່ທີ່ອອກແບບມາເພື່ອໃຊ້ງານຮ່ວມກັບ Surface Pro 4 ດ້ວຍເຂົາວ່າຮອງຮັບແຮງກົດໄດ້ຫລາຍເຖິງ 1,024 ລະດັບ ແຕ່ປະສິດທິພາບດີຫລາຍ ຕອບສະຫນອງໄວ ໂຕປາກກາໄດ້ນ້ຳຫນັກດີ ມີບ່ອນເກັບດ້ານຂ້າງເຄື່ອງເປັນແມ່ເຫລັກ ຍຶດຕິດແຫນ້ນຫລາຍ ແຕ່ບໍ່ເຫມາະທີ່ຈະຕິດໄວ້ແລ້ວພົກພາ ເພາະມີໂອກາດຫລຸດຫາຍໄດ້ເຊັ່ນກັນ.

ທ້າຍປາກກາເປັນປຸ່ມທີ່ໃຊ້ລົບໄດ້ຄືກັບຢາງລົບ ເວລາທີ່ໃຊ້ງານໃນການແຕ້ມຫລືຂຽນ ລວມທັງເປັນປຸ່ມລັດສຳລັບການເອີ້ນໃຊ້ງານ Onenote ເພື່ອຈົດບັນທຶກດ່ວນໄດ້ດ້ວຍ ເອີ້ນໃຊ້ງານໄດ້ໃນທຸກຂະນະລວມທັງໃນຂະນະທີ່ລັອກຫນ້າຈໍ ແລະ ຍັງໃຊ້ເອີ້ນ Cortana ເລຂາສ່ວນຕົວຂື້ນມາເພື່ອປ້ອນຄຳສັ່ງສຽງໂດຍການກົດປຸ່ມທ້າຍປາກກາຄ້າງໄວ້ໄດ້ດ້ວຍ.

ຮອບເຄື່ອງມີຊ່ອງລະບາຍອາກາດອອກແບບມາສວຍງາມດີ ຂະນະໃຊ້ງານທີ່ມີການປະມວນຜົນກໍ່ໄດ້ຍິນສຽງພັດລົມເບົາໆ.

ດ້ານກ້ອງເຄື່ອງມີພິນສຳລັບເຊື່ອມຕໍ່ກັບ Type Cover ທີ່ເປັນທັງຝາປິດ, ເຄສ ແລະ ແປ້ນພິມແບບມີໄຟ Backlit ສວ່ນຕົວມັກການດີຊາຍທີ່ມັນສາມາດຍົກດ້ານໃນຂອງຄີບອດເຂົ້າໄປຕິດກັບຕົວເຄື່ອງ Sueface ດ້ານລຸ່ມເພື່ອເຮັດເປັນມຸມລາດອຽງເພື່ອຄວາມຖະຫນັດໃນການພິມໄດ້.

ປະສິດທິພາບການໃຊ້ງານ

ເປັນແທັບເລັດທີ່ດີທີ່ສຸດໃນລະບົບ Winsdows 10 ເຄື່ອງເທົ່ານີ້ແຕ່ມີສະເປັກພາຍໃນທີ່ບໍ່ທຳມະດາ ສິ່ງທີ່ໄດ້ມາແນ່ນອນຄືເປັນເຄື່ອງທີ່ຢູ່ກັບເຮົາໄດ້ທຸກໂອກາດ ເຮັດວຽກນອກບ້ານ ເດີນທາງເຂົ້າອັອບຟິສ ຫລື ໄປນັ່ງພິມງານຊິວໆທີ່ຮ້ານກາເຟ ບໍ່ໃຫຍ່ເກີນໄປ ແລະ ບໍ່ນ້ອຍເກີນໄປ ເປັນໄດ້ທັງແທັບເລັດ ແລະ ໂນດບຸກ.

ຈາກທີ່ໄດ້ລອງໃຊ້ງານມາແບັດຯຢູ່ໄດ້ປະມານ 6 ຫາ 7 ຊົ່ວໂມງ ສຳລັບການເຮັດວຽກແບບທົ່ວໆໄປໃນໂຫມດການຕັ້ງຄ່າພື້ນຖານ ໂຕເຄື່ອງເອງຈະເປືອງແບັດຯຫລາຍໃນສ່ວນຂອງຫນ້າຈໍເປັນຫລັກ ຍິ່ງເປີດແສງສະຫວ່າງຫລາຍໆ ແບັດຯກໍ່ຍິ່ງຫມົດໄວຂື້ນຢ່າງເຫັນໄດ້ຊັດ ເປີດແສງສະຫວ່າງສຸດ ແລະ ໃຊ້ງານຕໍ່ເນື່ອງ ເຊັ່ນ ຮັບຊົມຫນັງແບັດຯຫມົດໄດ້ໃນປະມານ 5 ຊົ່ວໂມງ ແຕ່ຖືວ່າທົນຫລາຍແລ້ວເມື່ອທຽບກັບອຸປະກອນ Windows ອື່ນໆ

ໂຕລະບົບ Windows 10 ກໍ່ອອກແບບມາເພື່ອໃຊ້ງານໃນອຸປະກອນປະເພດປະສົມປະສານແບບ Surface Pro 4 ໄດ້ດີຫລາຍຂື້ນ ມີໂຫມດການເຮັດວຽກແບບແທັບເລັດ ແລະ ແບບເດສທັອບທີ່ແຍກອອກຈາກກັນຊັດເຈນ ແຕ່ວ່າການເຮັດວຽກແບບແທັບເລັດໃນຂະນະທີ່ບໍ່ມີເມົ້າຍັງບໍ່ຄ່ອງໂຕຫລາຍພຽງພໍທີ່ຈະເຮັດວຽກໄດ້ເຕັມທີ່ຄືໃຊ້ງານໃນຂະນະທີ່ຢູ່ໃນຮູບແບບເດສທັອບພ້ອມກັບເມົ້າຄູ່ໃຈເນາະ.

ໃນການໃຊ້ງານແນວຕັ້ງ ດ້ວຍຫນ້າຈໍສັດສ່ວນ 3:2 ມັນເຮັດໃຫ້ຫນ້າຈໍເບິ່ງແລ້ວບໍ້ຍາວເກີນໄປໄດ້ຂະຫນາດຄືກັບການຖືກະດາດ A4 ເລີຍ ຖະຫນັດກວ່າຫນ້າຈໍຮູບຊົງ 16:9 ຫລາຍໂດຍສະເພາະໃນໂຫມດນີ້.

Surface Pro 4 ມີລະບົບການປົດລັອກເຄື່ອງດ້ວຍການສະແກນໃບຫນ້າອີກດ້ວຍ ບໍ່ຕ້ອງປ້ອນລະຫັດກັນທຸກຄັ້ງໂດຍຕົວເຄື່ອງຈະທຳການສະແກນໃບຫນ້າ ຈາກກ້ອງຫນ້າເພື່ອປົດລັອກເຄື່ອງແທນ.

ເມື່ອທຳການເຊື່ອມຕໍ່ກັບ Type Cover ການໃຊ້ງານກໍ່ຄືກັບໂນດບຸກທຸກປະການ ທັສແພັສຂອງໂຕ Cover ກໍ່ຕອບສະຫນອງໄວ ແລະ ຖືກຕອ້ງດີ ຮອງຮັບ Multitouch ດ້ວຍ ທັສສອງນີ້ວຄືຄຣິກຂວາ ທັສສາມນີ້ວຄືເປີດຊ່ອງຄົ້ນຫາ ຫລື Cortana ແລະ ທັສສີ້ນີ້ວຄືເປີດຫນ້າການແຈ້ງເຕືອນ ໃຊ້ສາມນີ້ວຮູດຂື້ນ ແລະ ຮູດລົງເພື່ອເປີດປິດຫນ້າ ແລະ ເປີດ MultiDesktop ໄດ້ ເອີ້ນວ່າໃຊ້ງານໄດ້ຫລາກຫລາຍຂອງລະບົບ Windows 10

ຄີບອດພ້ອມກັບແສງໄຟສຳລັບການໃຊ້ງານໃນທີ່ມືດ ສາມາດຫລຸຸດເພີ່ມຄວາມສະຫວ່າງໄດ້ຫລາຍລະດັບ ແລະ ໃຊ້ໄຟຈາກໂຕເຄື່ອງ.

ສຳລັບການໃຊ້ງານປາກກາ Surface Pen ໄດ້ໃຫ້ຜູ່ທີ່ຊ່ຽວຊານດ້ານການແຕ້ມຮູບເທິງອຸປະກອນແທັບເລັດ Cherry Cola ໄດ້ລອງທົດສອບເບິ່ງ ກໍ່ບອກວ່າມັກຫລາຍ ເສັ້ນຂ້ອນຂ້າງຈະຊື່ ແລະ ໃຊ້ງານງ່າຍ ການຕອບສະຫນອງໄວ ເປັນປາກກາທີ່ດີຫລາຍ.

ກ້ອງຖ່າຍພາບຂອງ Surface Pro 4 ນີ້ຖືວ່າດີເກີນກວ່າການເປັນແທັບເລັດ ຫລື ໂນດບຸກ Windows ຫລາຍກ້ອງຫລັງຄວາມລະອຽດ 13 ລ້ານ ແລະ ກ້ອງຫນ້າ 5 ລ້ານພິກເຊວ ຄືກັບອາລົມກ້ອງຂອງສະມາດໂຟນເລີຍ

ຍັງມີຕົວຢ່າງພາບຖ່າຍມາໃຫ້ເບິ່ງກັນອີກ.

ການເບິ່ງຫນັງ ຄຣິບວີດີໂອ, ຫລິ້ນເກມ ຫນ້າຈໍໃຫຍ່ຊັດເຈນເຕັມຕາດີ ເພາະວ່າຖ້າຈະນັບເປັນແທັບເລັດກໍ່ເປັນແທັບເລັດທີ່ຫນ້າຈໍໃຫຍ່ຫລາຍ.

ຫລິ້້ນເກມກໍ່ສາມາດອຽງເຄື່ອງຫລິ້ນໄດ້ ເພາະເຊັນເຊີ້ມາຄົບທີ່ຕ້ອງການໃຊ້ງານ ສ່ວນປະສິດທິພາບຫລິ້ນເກມທີ່ມີຢູ່ໃຫ້ດາວໂຫລດໃນ Store ນັ້ນເຫລືອໆ.

ສະຫລຸບທ້າຍຣີວິວ

ລະດັບສູງ, ຫລູຫລາ, ສວຍງາມ, ປະສິດທິພາບສູງຫລາຍພໍໆກັບລາຄາ ຕົວເຄື່ອງອອກແບບດີ ມີແນວຄິດທີ່ຜະິດເພື່ອລະບົບ Windows 10 ໂດຍແທ້ຈິງ ອຸປະກອນເສີມເຂົ້າຊຸດ ຫນ້າໃຊ້ ທັງປາກກາ ແລະ ເຄສຄີບອດ ປະສິດທິພາບຮອບຕົວດີຄົບຫມົດເກືອບທຸກດ້ານແລ້ວ ສົມກັບທີ່ Microsoft ເປັນຜູ່ຄິດເອງຂາຍເອງ ດີທີ່ສຸດຂອງແທັບເລັດທີ່ໃຊ້ເທິງລະບົບ Windows 10 ໃນປະຈຸບັນ.

ວີດີໂອຣີວິວ Surface Pro 4

 

อ่านรีวิวภาษาไทย>>รีวิว Microsoft Surface pro 4 ที่สุดของแท็บเล็ตบนระบบปฏิบัติการ Windows 10 <<

from:https://www.appdisqus.com/2016/01/17/review-microsoft-surface-pro4.html

ຣີວິວ HUAWEI G7 plus ຂອງດີໃນລາຄາຫນ້າສົນໃຈ

ຣີວິວ Huawei G7 PLUS ຄົບເຄື່ອງເທົ່ານີ້ໍ່ພໍແລ້ວ

 

อ่านรีวิวภาษาไทย>>รีวิว Huawei G7 plus ของดีที่ราคาหมื่นต้นๆ<<

ສະມາດໂຟນໂຕໃຫມ່ຂອງ Huawei ທີ່ເນັ້ນການເຮັດວຽກດ້ານການຖ່າຍພາບ ແລະ ຟັງຊັ່ນຄົບເຄື່ອງຮອບໂຕ ເຊິ່ງຫນ້າຈະເປັນໂຕສຸດທ້າຍປາຍປີ 2015 ທີ່ອອກມາໃນຊ່ວງລາຄາຫມື່ນຕົ້ນໆ

ຫລັງການທົດສອບໃຊ້ງານ Huawei G7 PLUS ມາຈົນເຖິງວັນນີ້ ກໍ່ໃຫ້ຄຳຕອບໄດ້ວ່າເປັນເຄື່ອງທີ່ີດີ ຄວາມຈິງແລ້ວສຳລັບສະມາດໂຟນ Huawei ນັບຕັ້ງແຕ່ P8 ເປັນຕົ້ນມາມີປະສິດທິພາບ ແລະ ໃຫ້ປະສົບການໃຊ້ງານທີ່ດີເກືອບທຸກລຸ້ນເລີຍ ລວມເຖິງເຄື່ອນີດ້ວຍເຊັ່ນກັນ.

Huawei ຕັ້ງໃຈຊູຈຸດເດັ່ນຂອງ G7 PLUS ມາໃນເລື່ອງຂອງການຖ່າຍພາບໂດຍມີການໃສ່ຈຸດເດັ່ນມາໃນເລື່ອງຂອງຮາດແວ ແລະ ຊັອບແວໂດຍໃນດ້ານຮາດແວມີການໃສ່ເລເຢີ້ບໍລິເວນເລນກ້ອງເພີ່ມເຂົ້າມາອີກຊັ້ນເພື່ອປ້ອງກັນ ແລະ ຫລຸດຮອຍນີ້ວມື ພາບຈະໄດ້ບໍ່ມົວໃນຂະນະຖ່າຍ ໃຊ້ກະຈົກເລນແບບເຊັບໄຟ ເພື່ອໃຫ້ເກີດຮອຍໄດ້ຍາກທີ່ສຸດ, ມີລະບົບການກັນສັ່ນ (OIS) ທີ່ດີທີ່ສຸດຂອງທາງ Huawei ເຊິ່ງສາມາດຫລຸດການສັ່ນໄດ້ເຖິງ 1.2 ອົງສາ (ທຽບເປັນສອງເົທ່າຂອງ OIS ໃນ iPhone 6) ຄວາມລະອຽດກ້ອງຫລັງ 13 ລ້ານພິກເຊວ, ກ້ອງຫນ້າ 5 ລ້ານພິກເຊວ.

ໂຕຊັອບແວກ້ອງຂອງ Huawei G7 PLUS ຈະມາພ້ອມໂຫມດຖ່າຍພາບຫລາຍໂຕທີ່ຈະນຳມາໃຊ້ງານກັນໄດ້ໃນຫລາຍສະຖານະການ ເຊັ່ນການຖ່າຍພາບອາຫານທີ່ຈະເພີ່ມໂທນສີໃຫ້ອາຫານເບິ່ງແລ້ວຫນ້າກິນຂື້ນອັດຕະໂນມັດ ແລະ ໂຫມດຖ່າຍພາບບີວຕີ້ທີ່າະຫລາດຫລາຍ ເພາະມັນສາມາດຕື່ມແປ້ງ, ແກ້ມແດງ, ຕື່ມຂົນຕາ ໃຫ້ເຮົາໄດ້ດ້ວຍ ຈະເຫັນວ່າໃສ່ມາເຕັມໃນເລື່ອງຂອງກ້ອງ ແຕ່ຄຸນະພາບຈະເປັນແບບໃດ ມີຕົວຢ່າງພາບຖ່າຍດ້ານລຸ່ມບົດຣີວີວນີ້ໃຫ້ເບິ່ງກັນ.

ຕົວເຄື່ອງ

Huawei G7 PLUS ຫນ້າຈໍ 5.5 ນີ້ວ ກະຈົກຈໍແບບ 2.5D ຈໍພາບຄວາມລະອຽດ FullHD ແບບ RGBW ເຮັດໃຫ້ຈໍພາບມີຄວາມສະຫວ່າງຫລາຍຂື້ນ (ເພາະເມັດພິກເຊວມີໂຕທີ່ໃຫ້ແສງຂາວແຊມຢູ່ດ້ວຍນັ້ນເອງ) ມັນສົ່ງຜົນລວມເຖິງພາບຖ່າຍ ທີ່ເຮົາຖ່າຍມາຈາກໃນທີ່ມືດກໍ່ຈະເຫັນລາຍລະອຽດໄດ້ດີຂື້ນດ້ວຍ. ມຸມມອງກວ້າງ ຕົວກະຈົກ 2.5D ເຮັດໃຫ້ເຄື່ອງເບິ່ງຫລູຫລາ ແລະ ບໍ່ຫນ້າຈະຕິດຟີມກັນຮອຍຍາກ ເພາະມັນໂຄ້ງເລັກນ້ອຍບໍລິເວນຂອບໆເທົ່ານັ້ນ.

ໂຕບໍດີ້ເປັນໂລຫະຍົກເວັ່ນສ່ວນຂອງຝາປິດເສົາສັນຍານດ້ານຫລັງເທິງລຸ່ມເທົ່ານັ້ນທີ່ເປັນພາສຕິກ ດ້ານຫລັງເປັນທີ່ສະແກນລາຍນີ້ວມື ເຊິ່ງມີຄວາມຖືກຕ້ອງສູງ ທັຊເປີດເຄື່ອງ ແລະ ປົດລັອກໄດ້ທັນທີ ໂດຍບໍ່ຕ້ອງກົດປຸກເຄື່ອງກ່ອນ ມີຟັງຊັ່ນການສະແກນນີ້ວທີ່ຕ່າງກັນເພື່ອເຂົ້າໂປຣໄຟລລັບເຊັ່ນການເຊື່ອງຟຫລືແອັບຯທີ່ບໍ່ຕ້ອງການໃຫ້ຄົນເຫັນໂດຍການຕັ້ງຄ່າໄວ້ວ່າຈະໃຊ້ນີ້ງໃດໃນການປົດລັອກ.

Huawei G7 PLUS ຮອງຮັບສອງຊິມກາດ 4G LTE / 3G ທຸກເຄືອຂ່າຍໃນປະເທດໄທ (ຢູ່ບ້ານເຮົາຍັງບໍ່ແນ່ໃຈ ຖ້າໄຜເຄີຍໃຊ້ກໍ່ມາບອກກັນແດ່ເດີ..) ທັງສອງສລັອດຮອງຮັບການໃຊ້ງານ 4G ທັງຄູ່ຈະໃສສລັອດໃດກໍ່ໄດ້ ແຕ່ໃນສະລັອດທີຫນຶ່ງເຮົາຕ້ອງເລືອກວ່າຈະໃສ່ເປັນຊິມກາດ ຫລື ໃສ່ເປັນ Micro SD ເພື່ອເພີ່ມຫນ່ວຍຄວາມຈຳແທນ ໃສ່ໄດ້ຢ່າງໃດຢ່າງຫນຶ່ງເທົ່ານັ້ນ

ທັງສອງສະລັອດຊິມຈະໃຊ້ຊິມເປັນແບບຊະນິດນາໂນທັງຄູ່ ໃສ່ຊິມລັກສະນະນີ້.

ຂອບເຄື່ອງດ້ານລຸ່ມເປັນຄືກັບລຳໂພງຄູ່ ແຕ່ຄວາມຈິງແລ້ວເປັນລຳໂພງຂ້າງດຽວ ລຳໂພງເອົາໄວ້ບໍລິເວນນີ້ກໍ່ດີ ເພາະເວລາວາງເຄື່ອງນອນຫງາຍ ນອນຂວ້ຳກໍ່ບໍ່ບັງສຽງ ສ່ວນຄຸນະພາບສຽງນັ້ນປານກາງ ລຳໂພງສຽງບໍ່ແຕກ, ສຽງບໍ່ດັງຫລາຍ

ຫນ່ວຍປະມວນຜົນຂອງ Huawei G7 PLUS ທາງ Huawei ແຈ້ງວ່າໃຊ້ເປັນໂຕ Snapdragon 616 ແປດຫົວ 1.5GHz-1.2GHz ແຕ່ທົດສອບດ້ວຍໂປຣແກມ CPU-Z ມັນກໍ່ຍັງແຈ້ງວ່າເປັນ Snapdragon 615 ສ່ວນແຣມໃນເຄື່ອງມີຂະຫນາດ 3GB ຫນ່ວຍຄວາມຈຳພາຍໃນ 32GB (ຮອງຮັບ Micro SD Card ສູງສຸດ 128GB)

ການໃຊ້ງານພາຍໃນ

ຄວາມລ່ຽນໄຫລໃຫ້ເກືອບເຕັມ ປະສິດທິພາບສູງແລ້ວໃນການເຮັດວຽກທົ່ວໆໄປ ເປີດປິດ, ເຂົ້າໆ ອອກໆ ແອັບຯກໍ່ເຮັດໄດ້ໄວດີ ມີອາການຣີໂຫລດຫນ້າໂຮມໃຫມ່ບາງຄັ້ງໃນລະດັບປົກະຕິ ຈຸດເດັ່ຍຂອງ UI Huawei ຄືຄວາມຊັບຊ້ອນບໍ່ວ່າມັນຈະເປັນຂໍ້ດີ ຫລື ຂໍ້ເສີຍແຕ່ສຳລັບຄົນທີ່ເຂົ້າໃຈການໃຊ້ງານມັນແລ້ວ ຈະເຫັນວ່າມັນເປັນ UI ທີ່ຄິດມາຫລາຍ ຄົບເຄື່ອງ ແລະ ເຂົ້າເຖິງການຈຳກັດຄ່າຕ່າງໆໄດ້ຫລາຍ.

ຄຳແນະນຳສຳລັບຄົນໃຊ້ງານທົ່ວໄປທີ່ບໍ່ຕ້ອງການໄປຫຍຸ້ງກັບຄວາມສາມາດໃນການຈຳກັດຄ່າຕ່າງໆຂອງມັນ ກໍ່ພຽງບໍ່ຕ້ອງໄປຫຍຸ້ງ ຄ່າປົກະຕິທີ່ເຂົາຕັ້ງມາໃຫ້ນັ້ນ ກໍ່ດີຢູ່ແລ້ວແຫລະ ແລ້ວຄ່ອຍໆທຳຄວາມເຂົ້າໃຈກັບມັນໄປເທື່ອລະເລື່ອງ ກໍ່ຈະຮູ້ສຶກມັກເອງແຫລະ ຫລື ຖ້າບໍ່ມັກທາງ Huawei ກໍ່ໃສ່ໂຫມດການໃຊ້ງານແບບ “ ງ່າຍ” ເອົາມາໄວ້ໃຫ້ ເປັນໂຫມດການເຮັດວຽກແບບງ່າຍໆ ທີ່ມີໄອຄອນໃຫຍ່ໆເອີ້ນໃຊ້ຂຶ້ນມາສະແດງບໍ່ເທົ່າໃດໂຕ.

ສ່ວນຫນ້າ UI ປົກະຕິຍັງຄົງສະໄຕເດີມຂອງ Huawei ບໍ່ມີຫນ້າ AppDrawer ແລະ ມີ Themes ໃຫ້ເລືອກປ່ຽນມາໃຊ້ໄດ້ລວມເຖິງການຕັ້ງຄ່າຮູບແບບການສະໄລ້ຫນ້າໂຮມ ເລື່ອງຂອງການແຕ່ງຫນ້າໂຮມ ເຮັດໄດ້ບໍ່ມີເບື່ອເລີຍ.

ໃນສ່ວນການຈັດການພາຍໃນໂຕເຄື່ອງຂອງ Huawei ເປັນແບຣນທີີ່ອະນຸຍາດໃຫ້ເຮົາກຳນົດຄ່າຕ່າງໆໄດ້ຫລາຍ ຕັ້ງແຕ່ການຈັດການຊິມກາດ ສາມາດຍ້າຍລະບຸການໃຊ້ງານຂອງສອງຊິມໄດ້ຈາກການຕັ້ງຄ່າພາຍໃນ ການຕັ້ງຄ່າໂທນສີຂອງການສະແດງຜົນ ເປີດປິດໄຟສະແດງສະຖານະ ເປີດປິດການສະແດງຄວາມໄວຂອງການຮັບສົ່ງຂໍ້ມູນ.

ການຈັດການການແຈ້ງເຕືອນໂດຍເຮົາລະບຸໄດ້ເປັນລາຍແອັບຯເລີຍວ່າຕ້ອງການໃຫ້ມັນແຈ້ງເຕືອນໃນທີ່ຈຸດໃດແດ່ ເຊິ່່ມີສາມຈຸດສຳຄັນນັ້ນຄືແຈ້ງເຕືອນໃນແຖບການແຈ້ງເຕືອນ, ໃນຫນ້າແຈ້ງເຕືອນ ແລະ ຫນ້າຈໍເມື່ອລັອກ ເຮົາກຳນົດໄດ້ວ່າໃຫ້ແອັບຯໃດແຈ້ງເຕືອນຫລືບໍ່ແຈ້ງເຕືອນທີ່ໃດແດ່.

ລະບຸແອັບຯທີ່ຕ້ອງການໃຫ້ເຊື່ອມຕໍ່ເຄືອຂ່າຍ ຫລື ຕ້ອງການຈະປິດກັ້ນ ເພື່ອການປະຫຍັດພະລັງງານ ປະຫຍັດປະລິມານການໃຊ້ຂໍ້ມູນໃນແອັບຯທີ່ເຮົາຄິດວ່າບໍ່ຈຳເປັນ.

ໃນເຄື່ອງ Huawei G7 PLUSຈະມີຟັງຊັ່ນພິເສດໃຫ້ເຮົາໃຊ້ງານໃນຫນ້າເມນູ “ການຄວບຄຸມການເຄື່ອນໄຫວ” ໂດຍຈະມີໃຫ້ເຮົາເປີດປິດຟັງຊັ່ນການເຄາະຫນ້າຈໍສອງຄັ້ງເພື່ອລັອກເຄື່ອງ, ການແຕ້ມໂຕອັກສອນເທິງຫນ້າຈໍເພື່ອເອີ້ນໃຊ້ງານດ່ວນຕາມທີ່ເຮົາຕັ້ງຄ່າໄວ້ ແລະ ການໃຊ້ງານເຊັນເຊີ້ກວດຈັບການເຄື່ອນໄຫວໃນການສັ່ນເຄື່ອງເພື່ອຈັດໄອຄອນແອັບຯເທິງຫນ້າທຳອິດ ແລະ ຂວ້ຳເຄື່ອງເພື່ອປິດສຽງໄດ້.

ປຸ່ມຄວບຄຸມຫລັກສາມປຸ່ມດ້ານລຸ່ມຈະເປັນປຸ່ມເທິງຫນ້າຈໍແບບທັສ ຂໍ້ດີຄືມັນສາມາດກຳນົດຄ່າໄດ້ວ່າໃຫ້ຈັດລຽງປຸ່ມດ້ານລຸ່ມນີ້ແບບໃດ.

ແປ້ນພິມຂອງເຄື່ອງ Huawei ສ່ວນໃຫຍ່ຈະໃຊ້ເປັນແອັບຯຄີບອດ Swype ເຊິ່ງສ່ວນໂຕບໍ່ຖະຫນັດ ແລະ ບໍ່ມັກເລີຍ ແຕ່ດ້ວຍລະບົບແອັນດຣອຍມັນສາມາດປ່ຽນຄີບອດໄດ້ສາມາດຫາຄີບອດໂຕທີ່ຖະຫນັດກວ່າມາໃຊ້ງານໄດ້ຈາກ Google PlayStore ໄດ້ເລີຍ ແຕ່ຖ້າໄຜທີ່ມັກຄີບອດ Swype ຢູ່ແລ້ວກໍ່ຕາມຖະຫນັດເລີຍ.

ຫນ່ວຍຄວາມຈຳພາຍໃນ 32GB ໃຊ້ໄດ້ແທ້ 24.72GB ເລືອກຕຳແຫນ່ງການຕິດຕັ້ງແອັບຯເລີ່ມຕົ້ນໄດ້ວ່າຈະໃຫ້ຈັດເກັບແອັບຯລົງຫນ່ວຍຄວາມຈຳເຄື່ອງ ຫລື ຈະໃຫ້ໄປລົງຫນ່ວຍຄວາມຈຳພາຍນອກ(ຖ້າຮອງຮັບ) ສາວນແບັດຯຂະຫນາດ 3,000 mAh ເປັນມາດຕະຖານໄປແລ້ວຄວາມອຶດໃນການໃຊ້ງານກໍ່ພໍໆກັນໄປຫມົດ ສຳລັບເຄື່ອງທີ່ໃຊ້ແບັດຯ 3,000 mAh ໃນຊ່ວງນີ້ ໃຊ້ງານໄດ້ວັນຕໍ່ວັນ ພຽງພໍໃຊ້ງານໄດ້ຢູ່ ສຳຄັນຄືຫນ້າຈໍຖ້າເປີດຕິດຕໍ່ກັນກໍ່ສາມາດຫມົດໄດ້ພາຍໃນເວລາປະມານ 5 ຊົ່ວໂມງ (ເປີດຕໍ່ເນື່ອງ)

ທົດສອບການຫລີ້ນເກມ ເປີດຫນັງ FullHD ແລະ ການເຂົ້າເວັບລ່ຽນໄຫລດີ ປະສິດທິພາບພຽງພໍແລ້ວ ສະບາຍໆສຳລັບການຫລີ້ນເກມ ທົດສອບກັບເກມ HD ເຊັ່ນ: Nova3, God of Rome ກໍ່ມີຄວາມຮູ້ສືກວ່າບໍ່ 100% ມີອືດແດ່ ແຕ່ຢູ່ໃນລະດັບຫລີ້ນໄດ້.

ທົດສອບການຈັບສັນຍານ GPS ພາຍນອກອາຄານເຮັດໄດ້ໄວດີ ເຖິງບໍ່ໄດ້ເປີດເນັດຊ່ວຍກໍ່ຕາມ.

ຜົນທົດສອບຕ່າງໆ

ການຖ່າຍພາບ

ສຳລັບເລື່ອງການຖ່າຍພາບຂອງ Huawei G7 PLUS ທີ່ທາງ Huawei ແນະນຳວ່າເປັນທີເດັດ ກໍ່ຕ້ອງບອກວ່າມັນກໍ່ດີ ແຕ່ບໍ່ໄດ້ດີເຖິງຂະຫນາດທຽບກັບເຄື່ອງລະດັບສູງໃນປະຈຸບັນ ມັນດີຫລາຍພໍໃຊ້ງານໄດ້ໃນຫລາຍສະຖານະການ ການຖ່າຍພາບບຸກຄົນ, ທ່ອງທ່ຽວ, ການຖ່າຍພາບອາຫານຂອນຂ້າງສວຍງາມຫລາຍໂດຍສະເພາະມັນມີໂຫມດການຖ່າຍຮູບຕ່າງໆທີ່ເຂົ້າມາຊ່ວຍໃຫ້ເຮົາຖ່າຍພາບໄດ້ດີຂື້ນ.

ຕົວຢ່າງພາບຖ່າຍ

ດ້ານຊ້າຍພາບທຳມະດາ – ດ້ານຂວາເປີດໂຫມດຖ່າຍພາບອາຫານ

ຕົວຢ່າງພາບຖ່າຍໃນທີ່ແສງຫນ້ອຍ

ສະຫລຸບເລື່ອງຂອງການຖ່າຍພາບໃຫ້ຢູ່ມນເກນທີ່ດີ ຖ່າຍເພີນ ມີກະຈົກເລນທີ່ດີ ເກີດຮອຍນີ້ວມືຫນ້ອຍ ແລະ ເກີດຮອຍຍາກກວ່າປົກະຕິ ລວມເຖິງຄຸນສົມບັດການກັນສັ່ນທີ່ໃສ່ເຂົ້າມາກໍ່ຊ່ວຍໃຫ້ໄດ້ພາບທີ່ຄົມງ່າຍຂື້ນໃນຕອນແສງນ້ອຍ ແຕ່ກໍ່ດີໃນລະດັບຄຸນນະພາບມືຖື ແລະ ມີໂຕທີ່ເຮັດໄດ້ດີກ່ວາ ເຊິ່ງລາຄາກໍ່ສູງກວ່າຕາມໄປດ້ວຍເຊັ່ນກັນ.

ສະຫລຸບທ້າຍຣີວິວ

Huawei ດຽວນີ້ເປັນແບຣນທີ່ຜະລິດມືຖືທີ່ມີຄຸນນະພາບ ຫລາຍເຄື່ອງໃຊ້ງານແລ້ວເຂົ້າຕາ ເຖິງວ່າລາຄາຈະບໍ່ຖືກເທົ່າກັບແບຣນຈາກຈີນອື່ນໆ ແລະ ສຳລັບ Huawei G7 plus ເປັນເຄື່ອງທີ່ໃສສະເປັກເຂົ້າມາກຳລັງດີ ໃສ່ຈຸດເດັ່ນເຂົ້າມາຫລາຍໆຢ່າງທີ່ເຮົາໄດ້ໃຊ້ງານກັນ ແລະ ເຮັດຊັອບແວມາດີ ເຮັດໃຫ້ການເຮັດວຽກມີປະສິດທິພາບ ກ້ອງຖ່າຍພາບໃຊ້ໄດ້ ຮອງຮັບສີ່ຈີ ທຸກເຄືອຂ່າຍ ແລະ ໃຊ້ງານໄດ້ທັງສອງຊິມ ບໍ່ໄດ້ດີເດັ່ນອະລັງການຫລາຍ ແຕ່ການໃຊ້ງານຄົບເຄື່ອງ ແລະ ຢູ່ໃນມາດຕະຖານທີ່ຫນ້າໃຊ້ ຖ້າໄຜທີ່ມັກຕົວເຄື່ອງ, ມັກຖ່າຍຮູບ ແລະ ລາຄານີ້ຈ່າຍໄດ້ ກໍ່ຖືວ່າຄຸ້ມຄ່າ.

 

อ่านรีวิวภาษาไทย>>รีวิว Huawei G7 plus ของดีที่ราคาหมื่นต้นๆ<<

from:https://www.appdisqus.com/2016/01/08/review-huawei-g7-plus-2.html

ຣີວິວ AIS Super Combo LAVA 4G iris 550 & 750 ສະມາດໂຟນແອນດຣອຍລະດັບ 4G ໃນລາຄາເລີ່ມຕົ້ນ

อ่านรีวิวภาษาไทย>>รีวิว AIS Super Combo LAVA 4G iris 550 และ iris 750 สมาร์ทโฟนแอนดรอยด์ระดับ 4G ในราคาเริ่มต้น <<

 

AIS ໄດ້ສົ່ງມືຖືຊຸດໃຫມ່ເຂົ້າຕະຫລາດພາຍໃຕ້ແບຣນຕົນເອງ ແຕ່ເຄື່ອງເປັນຂອງທາງຜູ່ຜະລິດ LAVA ພາຍໃຕ້ຄອນເຊັບຄຳວ່າ Super Combo LAVA 4G ກໍ່ພໍດີເປັນຊ່ວງທີ່ AIS ເລີ່ມຕົ້ນເດີນເຄື່ອງເຂົ້າສູ່ການບໍລິການໃນຮູບແບບ 4G LTE ຫລັງຈາກທີ່ຫາກໍ່ປະມູນຄື້ນຄວາມຖີ່ໄດ້ມາ, ໂດຍລຸ້ນທີ່ໄດ້ນຳມາເວົ້າເຖິງໃນຣີວິວນີ້ ກໍ່ເປັນສອງລຸ້ນທີ່ລາຄາຖືກແລ້ວ iris 55o ສະມາດໂຟນແອນດຣອຍຫນ້າຈໍຂະນາດ 4 ນີ້ວ ແລະ iris 750 ສະມາໂຟນລະບົບແອນດຣອຍເຊັ່ນກັນ ແຕ່ມາໃນຂະຫນາດຫນ້າຈໍ 4,5 ນີ້ວ ທັງສອງເຄື່ອງມີສະເປັກພາຍໃນທີ່ໃກ້ຄຽງກັນ.

ໂດຍສ່ວນໃຫຍ່ຄວາມຫນ້າສົນໃຈຂອງເຄື່ອງທີ່ນຳມາຈຳຫນ່າຍໂດຍເຄື່ອຂ່າຍຜູ່ໃຫ້ບໍລິການເອງຢ່າງ AIS ກໍ່ຄືເລື່ອງຂອງໂປຣໂມຊັ່ນທີ່ຈະແຖມມາໃຫ້ກັບເຄື່ອງ ເຮັດໃຫ້ລາຄາເຄື່ອງນັ້ນເກືອບຈະໄດ້ມາແບບຟຣີໆກັນເລີຍ ເຊັ່ນເຄື່ອງ iris 550 ລາຄາຈຳຫນ່າຍຢູ່ທີ່ 2,450 ບາດ ແຕ່ເຮົາຈະໄດ້ໂບນັດການໂທຟຣີ ແລະ ຫລີ້ນເນັດຟຣີປະມານ 2,400 ບາດກັບຄືນມານັ້ນເອງ.

ຕົວເຄື່ອງພາຍນອກ Super Combo LAVA 4G iris 550 ແລະ 750

ການອອກແບບຕົວເຄື່ອງອອກແບບມາຄ້າຍໆກັນ ເບິ່ງແລ້ວແຂວແຮງໂດຍສະເພາະໂຕ 750 ມີການດີຊາຍທີ່ມີລາຍລະອຽດຫລາຍກວ່າ ລວມເຖິງຫນ້າຈໍສະແດງຜົນທີ່ໃຫ້ຄຸນນະພາບຕ່າງກັນຫລາຍ ເພາະລຸ້ນ 750 ຫນ້າຈໍຈະເປັນເຕັກໂນໂລຊີ IPS ທີ່ໃຫ້ສີດີກວ່າ ສວຍງາມກວ່າ ແສງສະຫວ່າງເບິ່ງຊັດເຈນ ແລະ ມຸມມອງກວ້າງ ຫນ້າຈໍລຸ້ນ 750 ສວຍງາມກວ່າ 550 ຢ່າງຊັດເຈນ.

ທັງສອງເຄື່ອງເປັນລຸ້ນທີ່ຮອງຮັບການໃຊ້ງານຊິມກາດດຽວ ຮອງຮັບ 4G ບໍ່ຈຳກັດຄ້າຍ ແຕ່ການໃຊ້ງານ 3G ນັ້ນອອກແບບມາເພື່ອການທຳງານກັບເຄື່ອຂ່າຍ AIS ຫລາຍທີ່ສຸດ ເຊິ່ງແນະນຳວ່າຊື້ເຄື່ອງຈາກເຄືອຂ່າຍໃດກໍ່ຄວນຈະໃຊ້ກັບເຄືອຂ່າຍນັ້ນ ທັງເລື່ອງຂອງລະບົບ ແລະ ໂປຣໂມຊັ່ນ ລາຄາພິເສດທີ່ໄດ້ມາ ຖ້າບໍ່ມີຈຸດນີ້ຄວາມຄຸ້ມຄ່າກໍ່ຫາຍໄປ.

ອຸປະກອນພາຍໃນກ່ອງນັ້ນໃຫ້ມາຄຸ້ມມີທັງຟີມກັນຮອຍ, ຊີລີໂຄນ, ອຸປະກອນອື່ນໆມີຄົບ ຫູຟັງ, ສາຍສາກ ແບະ ສາຍ USB ມີໃບຮັບປະກັນຈາກທາງ AIS

ການໃຊ້ງານພາຍໃນ

ປະສິດທິພາບການເຮັດວຽກຢູ່ໃນລະດັບເລີ່ມຕົ້ນ, ບໍ່ວ່ອງໄວ ແຕ່ດ້ວຍລະບົບປະຕິບັດການທີ່ເປັນ Android 5.1 ເຊິ່ງມີພື້ນຖານໃນການເຮັດວຽກທີ່ຂ້ອນຂ້າງເບົາສະບາຍເຮັດໃຫ້ປະສົບານການໃຊ້ງານຂ້ອນຂ້າງຢູ່ໃນເກນທີ່ຮັບໄດ້.

ຫນ່ວຍຄວາມຈຳ (ແຣມ 1GB) ເບິ່ງແລ້ວນ້ອຍໄປສຳລັບຍຸກສະໄຫມນີ້ ແຕ່ນີ້ແຫລະຄືຄວາມເປັນເຄື່ອງລາຄາຖືກ ເຊິ່ງມັກຈະພົບສິ່ງທີ່ຄາບເສັ້ນຄວາມພຽງພໍແບບນີ້ ສະນັ້ນຢາກຈະແນະນຳວ່າເຄື່ອງທັງສອງລຸ້ນນີ້ເຫມາະສຳລັບຜູ່ໃຊ້ງານທົ່ວໄປ ເພື່ອການຫລິ້ນໂຊຊ່ຽວ, ແຊັດ ຫລື ການໃຊ້ງານແອັບຯເບື້ອງຕົ້ນ ທີ່ບໍ່ຕ້ອງການສະເປັກການເຮັດວຽກທີ່ສູງຫລາຍ ຫລື ມິນິເກມຫລີ້ນງ່າຍໆເທົ່ານັ້ນ ຫລີ້ນເກມໃຫຍ່ໆພໍເປີດໄດ້ ແຕ່ເວລາຫລີ້ນແລ້ວບໍ່ໄຫວແທ້ືໆ ລວມທັງພື້ນທີ່ຕິດຕັ້ງພາຍໃນເຄື່ອງຈະມີມາໃຫ້ໄດ້ໃຊ້ງານແທ້ປະມານ 4GB (ສາມາດຍ້າຍການຕິດຕັ້ງແອັບຯທີ່ຮອງຮັບໄປລົງໃນຫນ່ວຍຄວາມຈຳເສີມ Micro SD Card ໄດ້)

ຜົນການທົດສອບຕ່າງໆຂອງ iris 750 ແລະ iris 550

ການຈັບສັນຍານ GPS ເພື່ອຫາຕຳແຫນ່ງເຮັດໄດ້ຊ້າຫລາຍທັງຄູ່ເມື່ອທົດສອບໂດຍທີ່ບໍ່ເປີດອິນເຕີເນັດຊ່ວຍໃນການຫາຕຳແຫນ່ງ ແຕ່ການເຮັດວຽກດ້ານການນຳທາງຍັງພໍໃຊ້ງານໄດ້ ເພາະໃຊ້ເສົາສັນຍານໂທລະສັບ ແລະ ຈາກອິນເຕີເນັດເຂົ້າຊ່ວຍເຫລືອ ສ່ວນແບັດຯຖືວ່າຢູ່ໄດ້ຫມົດວັນ ເຖິງວ່າຂະຫນາດຄວາມຈຸຈະນ້ອຍກໍ່ຕາມ ເພາະຫນ້າຈໍສະແດງຜົນມີຂະຫນາດນ້ອຍ ແລະ ໃຊ້ຫນ່ວຍປະມວນຜົນທີ່ຂອ້ນຂ້າງເບົາ ເຊິງພາຍໃນເຄື່ອງທາງ AIS ມີການໃສ່ຟັງຊັ່ນການປະຫຍັດພະລັງງານເອົາໄວ້ໃຫ້ຢູ່ຫລາຍໂຫມດ.

ຟັ່ງຊັ່ນພິເສດ

ການປັບແຕ່ງຫນ້າໂຮມມີມາໃຫ້ພໍປະມານ ສາມາດປັບປ່ຽນ Theme ໄດ້ຫລາຍຮູບແບບ ລວມເຖິງຟັງຊັ່ນພິເສດ ທີ່ເຮັດຫນ້າທີ່ເປັນປຸ່ມໂຮມຈຳລອງ ແລະ ສາມາເອີ້ນໃຊ້ເພື່ອເປີດແອັບຯທີ່ເຮົາໃຊ້ງານປະຈຳຂຶ້ນມາໄດ້ ສາມາດປັບແຕ່ງຫນ້າຕາປຸ່ມໂຮມຈຳລອງໂຕນີ້ໄດ້ ລວມເຖິງແອັບຯຕ່າງໆ ຂອງທາງ AIS ກໍ່ມີການລວບລວມໄວ້ໃຫ້ ເປັນບໍລິການເສີມ, ເກມ ແລະ ແອັບຯທີ່ທາງ AIS ນຳມາແນະນຳກັນ.

ກ້ອງຖ່າຍພາບ

ກ້ອງຖ່າຍພາຍຂອງທັງສອງລຸ້ນ ໃຊ້ຫນ້າແອັບຯກ້ອງໂຕດຽວກັນ ທັງສອງລຸ້ນມີລະບົບການຈັບໂຟກັສຕິດຕາມວັດຖຸທີ່ເຄື່ອນໄຫວໂດຍການທັສຄ້າງໄວ້ໃນຈຸດທີ່ຕ້ອງການ ແຕ່ສຳລັບລຸ້ນ iris 550 ບໍ່ສາມາດທັສໂຟກັສຕາມປົກະຕິໄດ້ ເຊິ່ງຄຸນນະພາບກ້ອງຖ່າຍພາບຂອງມທັງຄູ່ນັ້ນຢູ່ໃນລະດັບພໍໃຊ້ໃນເວລາກາງເວັນ, ແສງພຽງພໍ, ໂຫມດກ້ອງຫນ້າມີການຖ່າຍພາບແບບບິວຕີ້ໂຫມດມາໃຫ້ໄດ້ໃຊ້ງານດ້ວຍ.

ຕົວຢ່າງພາບຖ່າຍ iris 750

ຕົວຢ່າງພາບຖ່າຍ iris 550

ສະຫລຸບທ້າຍຣີວິວ

ທັງສອງລຸ້ນນີ້ມີລາຄາຈຳຫນ່າຍທີ່ບໍ່ແພງໂດຍສະເພາະເມື່ອເບິ່ງລາຄາລວມກັບໂປຣໂມຊັ່ນຕ່າງໆທີ່ທາງ AIS ແຖມມາໃຫ້ແຕ່ຖ້າຈະເວົ້າເຖິງລາຄາທຽບກັບສະເປັກຕົວເຄື່ອງພຽງຢ່າງດຽວກໍ່ຕ້ອງບອກວ່າສິນຄ້າຕາມລາຄາ ບໍ່ໄດ້ພິເສດແຕ່ຢ່າງໃດ ສະນັ້ນຂໍແນະນຳວ່າຄຸ້ມສຳລັບຄົນທີ່ຕ້ອງການໃຊ້ານໂປຣໂມຊັ່ນ AIS ທີ່ໄດ້ແຖມມາດ້ວຍ ແຕ່ຖ້າບໍ່ໄດ້ຕ້ອງການການໃຊ້ງານຮ່ວມກັບໂປຣໂມຊັ່ນເຫລົ່ານີ້ ທັງສອງລຸ້ນເມື່ອເບິ່ງແລ້ວກໍ່ເປັນຕົວເລືອກທີ່ແສນຈະທຳມະດາ ເມື່ອທຽບກັບລາຄາທີ່ຈຳຫນ່າຍ ທາງ ແອັບດິສກັສແນະນຳວ່າ ຖ້າງົບເຖິງກໍ່ເອົາເປັນໂຕ iris 750 ຫນ້າສົນໃຈ ແລະ ໃຊ້ງານໄດ້ເຕັມທີ່ຫລາຍກວ່າ ກ້ອງຖ່າຍພາບຄຸນນະພາບດີກວ່າ ໄດ້ມາເກີນລາຄາທີ່ເພີ່ມຂື້ນມາຈາກລຸ້ນ iris 550 ຫລາຍ.

 

อ่านรีวิวภาษาไทย>>รีวิว AIS Super Combo LAVA 4G iris 550 และ iris 750 สมาร์ทโฟนแอนดรอยด์ระดับ 4G ในราคาเริ่มต้น <<

 

from:https://www.appdisqus.com/2016/01/07/review-ais-super-combo-lava-4g-iris-550-750-2.html

ວິທີເບິ່ງສະເປັກມືຖືຍຸກໃຫມ່ ບໍ່ພຽງແຕ່ແຣມ ຫນ່ວຍປະມວນຜົນ ຫລື ຂະຫນາດແບັດເຕີຣີ້ເທົ່ານັ້ນ ດຽວນີ້ຕ້ອງເບິ່ງຫຍັງແດ່ ມາຮູ້ນຳກັນ!!

 

ວິທີເບິ່ງສະເປັກມືຖືຍຸກໃຫມ່ ບໍ່ພຽງແຕ່ແຣມ ຫນ່ວຍປະມວນຜົນ ຫລື ຂະຫນາດແບັດເຕີຣີ້ເທົ່ານັ້ນ ດຽວນີ້ຕ້ອງເບິ່ງຫຍັງແດ່ ມາຮູ້ນຳກັນ!!

 

ສະເປັກເຄື່ອງ ລາຍລະອຽດທີ່ເຮົາເອົາໄວ້ໃຊ້ອ້າງອີງຄວາມຄຸ້ມຄ່າ, ລາຄາ, ການໃຊ້ງານ ທັງຫມົດສາມາດບອກເຮົາໃນເບື້ອຕົ້ນວ່າ ເຮົາສາມາດຄາດຫວັງການໃຊ້ງານມັນໄດ້ຫລາຍພຽງໃດ ໃນສະໄຫມກ່ອນສິ່ງທີ່ເຮົາເບິ່ງກັນຢູ່ ແລະ ຖືເປັນເລື່ອງຫລັກໆນັ້ນກໍ່ຄື ຂະຫນາດຂອງແຣມ, ຫນ່ວຍປະມວນຜົນ ເພື່ອຄາດເດົາປະສິດທິພາບຂອງການເຮັດວຽກ ຄາດເດົາຄວາມຊັດເຈນຈາກຂະຫນາດຫນ້າຈໍ ແລະ ຄວາມລະອຽດຂອງການສະແດງຜົນ ຄາດເດົາໄລຍະເວລາສະແຕນບາຍຈາກຂະຫນາດແບັດຯ ສິ່ງເຫົລ່ານີ້ຄືພື້ນຖານການເບິ່ງສະເປັກເຄື່ອງທີ່ເຮົາໃຊ້ກັນມາຕັ້ງແຕ່ດົນນານ ແຕ່ຕອນນີ້ມັນເຖິງເວລາແຫ່ງຍຸກປ່ຽນຜ່ານ, ເຕັກໂນໂລຊີຫລາຍຢ່າງມີການປ່ຽນແປງໄປແລ້ວ ແລະ ຫລາຍຢ່າງທີ່ການປ່ຽນແປງກຳລັງຈະມາ ສິ່ງເລັກໆນອ້ໆທີ່ເພີ່ມຕື່ມເຂົ້າມາໃນໂທລະສັບມືຖືໃນຍຸກປະຈຸບັນ ມີຫຍັງແດທີ່ຈະຕ້ອງສັງເກດເພີ່ມຕື່ມເພື່ອການພິຈາລະນາເລືອກຊື້ມືຖື ແລະ ອຸປະກອນໄອທີເຄື່ອງຕໍ່ໄປ ມາເບິ່ງໄປພ້ອມໆກັນ.

Wi-Fi ac

ຮູ້ຈັກແລ້ວບໍກັບ Wi-Fi ac ຍຸກສະໄຫມນີ້ເົຮາເວົ້າເຖິງ Wi-Fi ທີ່ຮອງຮັບຄວາມໄວສູງສຸດ 3.2 Gbps ກັນແລ້ວເດີ້ ບໍ່ແມ່ນເລື່ອງໃຫມ່ທີີໄກໂຕອີກຕໍ່ໄປ ເຊື່ອວ່າຖ້າສັງເກດອຸປະກອນພາຍໃນບ້ານ ຮອບໆໂຕກໍ່ອາດຈະມີອຸປະກອນທີ່ຮອງຮັບ Wi-Fi ac ກັນໄປແນ່ແລ້ວ ສະນັ້ນອຸປກອນຕໍ່ໆໄປ ກໍ່ຈຳເປັນທີ່ຈະຕ້ອງເຂົ້າໄປໃຫ້ຄົບວົງເຕັກໂນໂລຊີໃຫມ່ຄືກັນ ບໍ່ເຊັ່ນນັ້ນມັນກໍ່ຈະບໍ່ຮອງຮັບກັນນັັ້ນເອງ ຖ້າທຸກອຸປະກອນພາຍໃນເຮືອນຂອງເຮົາພ້ອມເຂົ້າສູ່ມາດຕະຖານໃຫມ່ ການສຕີມຂໍ້ມູນລະຫວ່າງອຸປະກອນທຸກໂຕກໍ່ຈະມີຄວາມໄວຂື້ນຢ່າງເຫັນໄດ້ຊັດເຈນເລີຍແຫລະ.

ຮອງຮັບ 4G ຫລາກຫລາຍຄື້ນຄວາມຖີ່ (1,800 MHz and  2,100 MHz)

ສົງຄາມ 4G ກຳລັງຈະປ່ຽນແປງການໃຫ້ບໍລິການເຄືອຂ່າຍອິນເຕີເນັດໃນບ້ານເຮົາເຊິ່ງຕອນນີ້ 4G ຂອງບາງຄ້າຍກໍ່ເປີດໃຫ້ບໍລິການກັນໄປແລ້ວໃນຄື້ນຄວາມຖີ່ 1,800 MHz ເຊິ່ງຖືວ່າເປັນຄື້ນຄວາມຖີ່ 4G ທີ່ໃຊ້ກັນຫລາຍໃນທົ່ວໂລກ ແຕ່ກໍ່ຫາກໍ່ເລີ່ມຈະມີໃນບ້ານເຮົາ ສະນັ້ນເວລາເບິ່ງສະເປັກເຄື່ອງໃນເລື່ອງຂອງການຮອງຮັບ 4G ເລື່ອງຄວາມຖີ່ທີ່ຮອງຮັບຈຶ່ງຈຳເປັນຫລາຍໃນອະນາຄົດອັນໃກ້ໆນີ້.

ຄ່າຮູຮັບແສງຂອງເລນກ້ອງ

ເລື່ອງຂອງກ້ອງຖ່າຍພາບຂອງມືຖື ແຕ່ກ່ອນຕ້ອງເວົ້າກັນເຖິງເລື່ອງຂອງຄວາມລະອຽດຂອງພາບ ເຄື່ອງນັ້ນ 10 ລ້ານພິກເຊວ, ເຄື່ອງນີຶ 20 ລ້ານພິກເຊວ ບາງເຄື່ອງ 40 ລ້ານພິກເຊວ ແຕ່ດຽວນີ້ມີອີກຫນຶ່ງເລື່ອງທທີ່ສຳຄັນທີ່ເລີ່ມນຳມາຂົ່ມກັນກໍ່ຄືເລື່ອງຂອງຮູຮັບແສງ ເລນກ້ອງມືຖືທີ່ມີຮູຮັບແສງທີ່ຍິ່ງກວ້າງ (ຮູຮັບແສງແຈ້ງຫນ່ວຍໄວ້ເປັນຄ່າ f ຍິ່ງໂຕເລກຕ່ຳ ຮຸຮັບແສງຈະຍິ່ງກວ້າງ) ຖ້າອົງປະກອບຂອງໂຕກ້ອງໃນດ້ານອື່ນໆພໍກັນ ໂຕທີ່ມີຮູຮັບແສງກວ້າງກໍ່ຈະສາມາດເກັບແສງໄດ້ຫລາຍກວ່າ ຖ່າຍພາບໃນທີ່ແສງຫນ້ອຍໄດ້ດີກວ່ານັ້ນເອງ.

Flash Two Tone

ອີກຫນຶ່ງເລື່ອງຂອງການຖ່າບພາບທີ່ດຽວນີ້ບໍ່ວ່າຈະມືຖືລາຄາຖືກ ຫລື ລາຄາແພງກໍ່ມີໂອກາດໄດ້ໃຊ້ງານແຟລສຄູ່ສອງສີໂຕນີ້ກັນທັງນັ້ນແລ້ວ ເນື່ອງຈາກການຖ່າຍພາບໃນໄລຍະໃກ້ ຫລື ຖ່າຍພາບບຸກຄົນໃນທີ່ແສງນ້ອຍ ການໃຫ້ແສງແຟລສສີຂາວທີ່ອາດຈະໃຫ້ແສງທີ່ແຂງ ແລະ ຈ້າຈົນເກີນໄປ ຈຶ່ງມີການນຳແຟລສສີອຸ່ນມາໃຊ້ຄູ່ກັນ ເພື່ອປັບລະດັບແສງຂາວລົງ ຜົນມີ່ໄດ້ໃນການໃຊ້ງານຈຶ່ງເບິ່ງແລ້ວເປັນທຳມະຊາດຫລາຍກວ່າ.

ກະຈົກຫນ້າຈໍກັນແບັກທີເຣຍ

ທາງ Corner ຜູ່ຜະລິດກະຈົກກັນຮອຍ Gorilla Glass ທີ່ຮິດໃຊ້ງານກັນໄປທົ່ວໂລກນິຍົມນຳມາໃຊ້ເປັຫນ້າຈໍຂອງສະມາດໂຟນຫລາກຫລາຍລຸ້ນໃນປັດຈຸບັນ ໄດ້ມີການພັດທະນາກະຈົກ AntiBactirial Gorilla Glass ເຊິ່ງມີຄຸນສົມບັດຫລຸດການສະສົມແບັກທີເຣຍເທິງຫນ້າຈໍໄດ້ ແລະ ມັນໄດ້ຖືກນຳມາໃຊ້ແລ້ວໃນປັດຈຸບັດ ເຊິ່ງຖືວ່າເປັນເລື່ອງໃຫມ່ ແຕ່ເປັນເລື່ອງທີ່ສຳຄັນທີ່ເຮົາເບິ່ງຂ້າມມັນໄປຕະຫລອດ ອຸປະກອນສ່ວນໂຕທີ່ຕ້ອງສຳຜັດຜິວຫນ້າ, ໃກ້ປາກ, ໃກ້ຕາ, ດັງ ຕໍ່ໄປນີ້ຈະມີຄວາມປອດໄພຫລາຍຂື້ນ ແລະ ເປັນເລື່ອງຂອງເຕັກໂນໂລຊີອະນາຄົດທີ່ເຂົ້າມາສູ່ຍຸກປະຈຸບັນອີກຫນຶ່ງເລື່ອງ.

ຮອງຮັບເຕັກໂນໂລຊີ  NFC, Bluetooth 4.0 ຂຶ້ນໄປ

ເຕັກໂນໂລຊີ NFC (Near Field Communication)ເຕັກໂນໂລຊີທີ່ບໍ່ໃຫມ່ ແຕ່ກັບຄ່ອຍສຳຄັນຫລາຍຂື້ນເລື້ອຍໆ ຈາກອຸປະກອນເສີມຫລາກຫລາຍທີ່ປະຈຸບັນຜະລິດອອກມາຮອງຮັບກັນຢ່າງຕໍ່ເນື່ອງ ການເຊື່ອມຕໍ່ທີ່ງ່າຍ ພຽງແຕະກໍ່ເຊື່ອມຕໍ່ແລ້ວ ແຕ່ນັ້ນກໍ່ຫມາຍເຖິງການຕ້ອງການເຕັກໂນໂລຊີການເຊື່ອມຕໍ່ທີ່ທັນສະໄຫມບໍ່ແພ້ກັນນັ້ນກໍ່ຄື Bluetooth 4.0 ນັ້ນເອງເພາະຖ້າບໍ່ດັ່ງນັ້ນແລ້ວອຸປະກອນນັ້ນອາດຈະໃຊ້ງານກັບອຸປະກອນເສີມອີກຫລາຍໆຢ່າງບໍ່ໄດ້ເລີຍ ເພາະເຕັກໂນໂລຊີ Bluetooth 4.0 ຫລື Bluetooth Low Energy ເປັນມາດຕະຖານຂັ້ນຕ່ຳສຳລັບການເຊື່ອມຕໍ່ກັບອຸປະກອນເສີມເຊັ່ນ Wearable ຫລາຍໂຕຖ້າເຄື່ອງຂອງເຈົ້າຍັງຄົງເປັນ Bluetooth 2.0 ຫລື 3.0 ຢູ່ກໍ່ຫມົດສິດເຊື່ອມຕໍ່ ເພາະຕອນນີ້ເຂົາມາກັນເຖິງ Bluetooth ເວີຊັ່ນ 4.1 ແລະກຳລັງຈະໄປ 4.2 ກັນແລ້ວ.

Quick charging ການສາກພະລັງງານແບບໄວ

ຫມົດຍຸກສະໄຫມສາກຂ້າມມື້ຂ້າມຄືນກັນແລ້ວເພາະດຽວນີ້ລະບົບການສາກພະລັງງານແບບໄວ (Quick charging) ມາໄກກັນຫລາຍແລ້ວ ທັງແບບສຽບສາຍ ແລະ ແບບໄຮ້ສາຍກໍ່ໄດ້ຖືກພັດທະນາ ແລະ ນຳມາໃຊ້ກັນຢ່າງແພ່ຫລາຍ ໃນເວີຊັ່ນໃຫມ່ໆ Quick charging 3.0 ອາດຈະສາມາດສາກພະລັງງານໄດ້ຫລາຍເຖິງ 80% ໃນເວລາພຽງແຕ່ປະມານເຄິ່ງຊົ່ວໂມງເທົ່ານັ້ນ ສົ່ງຜົນໃຫ້ເຮົາມີຈັງຫວະແວ່ສາກຕື່ມພະລັງງານກັນລະຫວ່າງມື້ໃນເວລາອັນສັ້ນກໍ່ພ້ອມຈະໃຊ້ເຄື່ອງຕໍ່ໄດ້ຍາວນານເຖິງຄ່ຳໄດ້ສະບາຍກັນເລີຍ.

ໄລຍະເວລາການປະກັນຫລັງການຂາຍ

ເປັນເລື່ອງທີ່ຄົນເວົ້າເຖິງກັນຫນ້ອຍຫລາຍ ເລື່ອງການປະກັນຫລັງການຂາຍ ທັງໆທີ່ຕອນນີ້ຫລາຍແບຣນເລີ່ມໂຊຈຸດຂາຍໃນເລື່ອງຂອງການຍືດອາຍຸການຮັບປະກັນອອກໄປຍາວນານຫລາຍກວ່າປົກກະຕິ ບາງແບຣນໄດ້ 15 ເດືອນ ບາງແບຣນຍາວໄປເປັນ 2 ປີ ເລື່ອງການປະກັນນີ້ມີຜົນທັງຄວາມສ່ຽງໃນອະນາຄົດ ແລະ ລາຄາຂາຍຕໍ່ ເຄື່ອງຫມົດປະກັນລາຄາຂາຍຕໍ່ກໍ່ຖືກກົດຢ່າງຫນັກ ເກີດຄວາມເສີຍຫາຍຂື້ນມາເມື່ອຫມົດປະກັນໄປແລ້ວກໍ່ມັກຈະບໍ່ຄຸ້ມຄ່າສ້ອມແປງ ຖ້າເປັນໄປໄດ້ກໍ່ຮັບເອົາເລື່ອງໄລຍະເວລາຮັບປະກັນມາເປັນຂໍ່ພິຈາລະນາກັນອີກເລື່ອງເນາະ…

 

ເປັນສິ່ງເສີມເລັກໆນ້ອຍໆ ທີ່ຂໍເພີ່ມຕື່ມ ແລະ ອັບເດດໃຫ້ກັບຜູ່ທີ່ຊອກຫາສະມາດໂຟນໃນຊ່ວງນີ້ຈາກແອັບດິດຄັສຂອງພວກເຮົາ ^_^

from:https://www.appdisqus.com/2015/12/01/how-to-mobile-spec.html

ຣີວິວ Samsung Galaxy Note 5 ເຄື່ອງລະດັບທັອບຂອງລະບົບ Android ຈາກ Samsung

อ่านรีวิวภาษาไทย>>รีวิว Samsung Galaxy Note 5 เครื่องระดับท็อปของระบบ Android จาก Samsung<<

ມືຖືລະດັບສູງ ການໃຊ້ງານລະດັບສູງ ເປັນເຄື່ອງລະດັບທັອບຂອງລະບົບ Android ຈາກທາງ Samsung ທີ່ມີເອກະລັກສະເພາະໂຕຫລາຍໃນເລື່ອງຂອງປາກກາຂຽນຫນ້າຈໍ S-Pen ເອີ້ນໄດ້ວ່າເປັນອັນດັບຫນຶ່ງໃນເລື່ອງນີ້.

 

Samsung Galaxy Note 5 ເທື່ອນີ້ນອກຈາກຈະມາໃນປະສິດທິພາບ ແລະ ການໃຊ້ງານໃນລະດັບສູງແລ້ວ ທາງ Samsung ເນັ້ນໃນເລື່ອງຂອງວັດສະດຸ ແລະ ການອອກແບບເປັນຢ່າງດີ ກະຈົກຫນ້າຫລັງປະສົມປະສານສີເຫລື້ອມສະທ້ອນແສງ ເຄື່ອງນ້ອຍແຕ່ຫນ້າຈໍໃຫຍ່ ຂອບເຄື່ອງດ້ານຫລັງໂຄ້ງໃຫ້ຈັບຖືງ່າຍ ແລະ ການອອກແບບທີ່ໂດດເດັ່ນຫລາຍ ເວລາຖືໃຊ້ງານ ແລະ ທີ່ສຳຄັນຄືເລື່ອງຂອງເຄື່ອງທີ່ເປັນໂລຫະແບບທີ່ໃຫ້ຄວາມຮູ້ສຶກເຖິງຄວາມແຂງແຮງຫລາຍ.

ວັດສະດຸພາຍນອກຂອງ Samsung Galaxy Note 5 ນັ້ນຖືວ່າເປັນການຕໍ່ຍອດມາຈາກ Samsung Galaxy S6 ແບບເຕັມໆ ເປັນຊ່ວງປີທີ່ທາງ Samsung ຕັດສິນໃຈປ່ຽນແປງຄັ້ງໃຫຍ່ໃນການເລືອກໃຊ້ວັດສະດຸທີ່ນຳມາຜະລິດເຄື່ອງ ແຕ່ເລື່ອງນີ້ກໍ່ຖືວ່າເປັນຈຸດອ່ອນທີ່ທາງ Samsung ຖືກເວົ້າເຖິງມາຕະຫລອດ ຈາກແຕ່ກ່ອນທີ່ເຄຍນິຍົມໃຊ້ວັດສະດຸທີ່ເປັນປລາສຕິກເປັນຫລັກ ຕອນນີ້ປ່ຽນໄປຫມົດແລ້ວ.

ຈາກພາຍນອກທີ່ປ່ຽນໄປ ມາເຖິງພາຍໃນທີ່ອັບເກຣດຫລາຍຂຶ້ນ ເປັນເລື່ອງຂອງສະເປັກທີ່ແຮງຂຶ້ນເປັນສ່ວນໃຫຍ່ ລວມທັງພາຍໃນ ແລະ ພາຍນອກທີ່ພັດທະນາຂຶ້ນມາ ມາເບິ່ງກັນວ່າໃນລຸ້ນ Samsung Galaxy Note 5 ຈະມີດີແບບໃດໃນຣີວິວນີ້.

 

ຕົວເຄື່ອງພາຍນອກ

ເປັນການພະຍາຍາມໃຫ້ໂຕເຄື່ອງມີຄວາມນ້ອຍລົງ ຈັບຖະຫນັດຫລາຍຂຶ້ນ ໃນຂະຫນາດຫນ້າຈໍເທົ່າເດີມໂດຍການນຳເອົາການອອກແບບສາລະພັດທີ່ຈະຄິດອອກມາໃຊ້ໃນການຜະລິດ ລ່າສຸດສຳລັບ Samsung Galaxy Note 5 ການອອກແບບຝາຫລັງທີ່ໂຄ້ງເຂົ້າກັບຝາມື ມັນເຮັດໃຫ້ເຮົາຮູ້ສຶກວ່າໂຕເຄື່ອງຈັບຖະຫນັດຫລາຍຂຶ້ນກວ່າເຄື່ອງ Samsung Galaxy Note 4 ແບບຊັດເຈນ.

ຂອບໂລຫະເບິ່ງແລ້ວແຂງແຮງ ງານລະອຽດ ຝາປິດຊ່ອງໃສ່ຊິມເຮັດມາແບບສວຍງາມ ລຽບໄປກັບຂອບເຄື່ອງດ້ານເທິງຫລາຍ ບໍ່ສາມາດໃສ່ SD Card ເພິ່ມໄດ້.

ສັງເກດວ່າໂຕເຄື່ອງເນັ້ນຄວາມເງົາງາມ ແລະ ຄວາມຫລູຫລາຍ ເປັນກະຈົກທັງຫນ້າ ແລະ ຫລັງ ແຕ່ເຮັດໃຫ້ມີຮອຍນີ້ວມືງ່າຍ.

ປຸ່ມໂຮມຍັງຄົງຢູ່ ພ້ອມເປັນທີ່ສະແກນລາຍນີ້ວມຶືໄດ້ດ້ວຍການທັຊ ຖືກຕ້ອງຂຶ້ນກວ່າເກົ່າຫລາຍ.

ດ້ານຫລັງເປັນກ້ອງຖ່າຍພາບ ດ້ານຂ້າງຍັງມາພ້ອມກັບເຊັນເຊີ້ວັດອັດຕາການເຕັ້ນຂອງຫົວໃຈ.

ໂດຍລວມໂຕເຄື່ອງຫລູຫລາຫລາຍ ເປັນເຄື່ອງທີ່ໃຫ້ຄວາມຮູ້ສຶກສວຍງາມແບບທີ່ບໍ່ຄືໄຜດ້ວຍ Samsung ກັ່ນຕອງແນວການເລືອກໃຊ້ວັດສະດຸອອກມາດ້ວຍຕົນເອງ ສຳລັບຄວາມຫລູຫລານີ້ໃຫ້ຜ່ານເລີຍ.

ປາກກາ S-Pen ອອກແບບໃຫມ່ ຈະແບນລົງເລັກນ້ອຍ ແລະ ໃຫ້ມີສ່ວນທ້າຍປາກກາເປັນສະປິງກົດ ແລ້ວຈະຍື່ນອອກມາເພື່ອໄວ້ໃຊ້ຕອນດຶງປາກກາອອກຈາກໂຕເຄື່ອງໄດ້ງ່າຍຂຶ້ນ.

 

ສະເປັກເຄື່ອງ Samsung Galaxy Note 5

• 3G HSDPA
• 4G LTE
• ຂະຫນາດໂຕເຄື່ອງ 153.2 x 76.1 x 7.6 ມມ. ນ້ຳຫນັກ 171 ກຣາມ
• Fingerprint sensor (PayPal certified)
• ລະບົບຊຳລະເງິນແບບແຖບແມ່ເຫັລກ (MST)
• S Pen stylus
• Fast Wireless Charging ສາກເຕັມ 100% ໃນເວລາ 120 ນາທີ
• Samsung Knox ລະບົບຮັກາຄວາມປອດໄພ
• ຫນ້າຈໍ Super AMOLED ຂະຫນາດ 5.7 ນີ້ວຄວາມລະອຽດ 1440 x 2560 pixels (518ppi)
• ກະຈົກ Corning Gorilla Glass 4
• Android 5.1.1 Lollipop ປັບແຕ່ງທັບດ້ວຍ TouchWiz UI
• ຊິບເຊັດ Samsung Exynos 7420 Quad-core 1.5 GHz Cortex-A53 & Quad-core 2.1 GHz Cortex-A57
• GPU Mali-T760MP8
• RAM 4GB DDR4
• ຫນ່ວຍຄວາມຈຳພາບໃນ 32/64GB
• Wi-Fi 802.11 a/b/g/n/ac, dual-band, Wi-Fi Direct, hotspot
• ์NFC
• Bluetooth 4.2, A2DP, EDR, LE
• microUSB v2.0, USB Host
• GPS ຮອງຮັບ GLONASS
• ເຊັນເຊີ້ Accelerometer, gyro, proximity, compass, barometer, heart rate, SpO2
• ກ້ອງຄວາມລະອຽດ 16MP, 5312 x 2988 pixels, F1.9, optical image stabilization, autofocus, LED flash, Dual Shot, Simultaneous HD video and image recording, geo-tagging, touch focus, face/smile detection, panorama, HDR
• ບັນທຶກວີດີໂອຄວາມລະອຽດ 2160p@30fps, 1080p@60fps, optical stabilization, dual-video rec.
• ກອ້ງຫນ້າຄວາມລະອຽດ 5MP, F1.9
• ແບັດເຕີລີ້ຄວາມຈຸ 3000 mAh

 

ການໃຊ້ງານພາຍໃນ

ຄວາມລ່ຽນໄຫລນີ້ບໍ່ຕອ້ງເວົ້າເຖິງສຳລັບການເຮັດວຽກກັບເຄື່ອງ Samsung Galaxy Note 5 ປະສິດທິພາບມາແບບຈັດເຕັມ ແຫນ້ນ ໄວ ອະນິເມຊັ້ນການເຄື່ອນໄຫວລ່ຽນໄຫລກັນຕັ້ງແຕ່ຫນ້າ Lock Screen ເລີຍ ການເຮັດວຽກຕ່າງໆຢູ່ໃນລະດັບທັອບຕາມລາຄາ ທົດສອບການໃຊ້ງານໄປກໍ່ຢາກຈະເອົາໄວ້ໃຊ້ໄປດົນໆ…

ຫນ້າ UI ເປັນ Samsung TouchWiz ໂຕລ່າສຸດທີ່ມີ Themes ໃຫ້ເລືອກດາວໂຫລດມາໃຊ້ງານໄດ້ຈາກໃນ Theme Store

ຕັ້ງກຳນົດຈຳນວນການວາງໄອຄອນ ຫລື Widget ໃນຫນ້າໂຮມໄດ້ສາມຂະຫນາດ

Widget ພິເສດຂອງທາງ Samsung ເຮັດເອົາມາໄວ້ໃຫ້ຫລາຍແບບ ທັງແບບເກົ່າ ແລະ ແບບໃຫມ່ເຊັ່ນ: Widget ທີ່ຈະແນະນຳແອັບຯເຊິ່ງເຫມາະສົມກັບການໃຊ້ງານໃນຂະນະນັ້ນໆແບບອັດຕະໂນມັດ ບໍ່ວ່າເຮົາຈະຢູ່ບ້ານ ບ່ອນເຮັດວຽກ ຫລື ກຳລັງເດີນທາງ.

Samsung Galaxy Note 5 ເປັນເຄື່ອງທີ່ມີຟັງຊັ່ນການເຮັດວຽກຫລາຍ ທັງໃນໂຕເຄື່ອງເອງ ຜ່ານການເຮັດວຽກຮ່ວມກັບແອັບຯ ແລະ ການເຮັດວຽກຮ່ວມກັບປາກກາ S-pen ລອງມາໄລ່ເບິ່ງຕົວຢ່າງທີ່ສຳຄັນໆກັນເບິ່ງ.

ແນ່ນອນວ່າການເຮັດວຽກແບບ Multi Windows ນັ້ນຍັງຄົງມີຢູ່ສາມາດເຮັດວຽກໄດ້ທັງແບບ Mini Popup ຫນ້າຕ່າງນ້ອຍໆ ແລະ ແບບແຍກສອງຫນ້າຈໍເຮັດວຽກສອງແອັບຯໄດ້ພ້ອມໆກັນ ລອງທົດສອບເປີດແອັບຯຂຶ້ນມາຫລາຍໆໂຕກໍ່ບໍ່ພົບບັນຫາເລີຍ ຫນ້າຈໍໃຫຍ່ສະຫລັບແອັບຯເຮັດວຽກໄດ້ຢ່າງໄວ ເປັນການໃຊ້ງານທີ່ແຕກຕ່າງໄປຈາກເກົ່າຫລາຍພໍສົມຄວນ.

ຫນ້າ Briefing ຫນ້າທຳອິດທີ່ສະແດງລາຍການຂ່າວ ແຕ່ບໍ່ຄ່ອຍເປັນທີ່ນິຍົມເພາະມັນບໍ່ມີແຫລ່ງຂ່າວພາຍໃນ ແຕ່ຖ້າໄຜມັກອ່ານຂ່າວນອກ ມີໃຫ້ອ່ານກັນຫມົດມື້ ເປັນຫນ້າທີ່ເຮົາຕັ້ງຄ່າຄວາມສົນໃຈໃນການດຶງຂໍ້ມູນຂ່າວປະເພດຕ່າງໆຈາກແຫລ່ງຂ່າວຊັ້ນນຳມາສະແດງລຽງກັນແບບສວຍງາມ ໃຫ້ເຮົາໄດ້ອ່ານກັນຕັ້ງແຕ່ຫນ້າໂຮມ.

ຫນ້າການແຈ້ງເຕືອນທີ່ຍັງຄົງມີທາງເຂົ້າດວນໃນການເຊື່ອມຕໍ່ກັບອຸປະກອນຕ່າງໆ

S finder ໂປຣແກມການຄົ້ນຫາທີ່ທາງ Samsung ພັດທະນາຂຶ້ນມາເພື່ອການຄົ້ນຫາທຸກໆຢ່າງທີ່ຢູ່ໃນເຄື່ອງຈາກຟັງຊັ່ນນີ້ຟັງຊັ່ນດຽວໄດ້ບໍ່ວ່າຈະເປັນລາຍຊື່, ຂໍ້ຄວາມ, ໄຟລເອກະສານ, ອີເມວ ຫລື ການຕັ້ງຄ່າທີ່ເຮົາຫາບໍ່ເຫັນກໍ່ລອງມາຄົ້ນຫາໄດ້ທີ່ນີ້ທີ່ດຽວ.

ແອັບຯຂອງທາງ Samsung ມີຄົບຫມົດ ບາງໂຕຢູ່ໃນເຄື່ອງ ບາງໂຕໂຫລດເພີ່ມໄດ້ ໃນ Galaxy App ຫລື Store ສ່ວນໂຕຂອງຜູ່ໃຊ້ Samsung Galaxy ດ້ານໃນຈະມີແອັບຯດີໆ ບາງໂຕມາແຈກຟຣີ ໂຫລດມາໃຊ້ກັນໄດ້ເຕັມທີ່ ຫລີ້ນຫນັງ, ຟັງເພງ, ເກມ, ແອັບຯເປີດເອກະສານ ຫລື ແມ່ນແຕ່ແອັບຯໃຊ້ງານໃນການແຕ້ມຮູບຢ່າງ SketchBook ທີ່ທາງຜູ່ພັດທະນາແອັບຯເຮັດເວີຊັ່ນພິເສດໃຫ້ໄດ້ໃຊ້ງານກັນແບບຟຣີໆສຳລັບຊາວ Samsung Galaxy Note 5

ແອັບຯສຸຂະພາບ S-Health ບັນທຶກການເຄື່ອນໄຫວ, ການນອນ, ການຍ່າງ, ການອອກກຳລັງກາຍ ທັງຍັງສາມາດຄຳນວນຄາຣໍຣີອາຫານທີ່ເຮົາກິນເຂົ້າໄປ ບັນທຶກການດື່ມນ້ຳ ແລະ ສຳລັບເຊິງສຸຂະພາບ ມັນຍັງເປັນພື້ນທີ່ສຳລັບຈັດເກັບຂໍ້ມູນຄວາມດັນໂລຫິດ ແລະ ລະດັບນ້ຳຕານໃນເລືອດໄດ້ດ້ວຍ ສອດຄ່ອງກັບຄວາມສາມາດໃນການຈັບວັດຊີບພະຈອນການເຕັ້ນອງຫົວໃຈ ທັງຫມົດບັນທຶກເປັນໂປຣໄຟເອົາໄວ້ໄດ້ຜ່ານແອັກເຄົ້າທີ່ເຮົາສະມັກເຂົ້າໃຊ້ງານ.

ແອັບຯ Smart Manager ແອັບຯສຳລັບການຈັດການຕົວເຄື່ອງທັງເລື່ອງຂອງການຈັດການດ້ານພະັງງານການໃຊ້ແບັດຯ, ກາານເຄຣຍຫນ່ວຍຄວາມຈຳ ເຊິ່ງຈະເບິ່ງໄດ້ວ່າແອັບຯໃດໃຊ້ຊັບພະຍາກອນເຄື່ອງໄປເທົ່າໃດ.

ການຈັດການຫນ່ວຍຄວາມຈຳພາຍໃນເຄື່ອງ ໂດຍສາມາດແຈກແຈງໃຫ້ເຮົາໄດ້ວ່າໃຊ້ງານໄກັບສິ່ງໃເທີ່ມີຢູ່ໃນເຄື່ອງຈັດການຄົ້ນຫາ ແລະ ລົບສິ່ງທີ່ເຮົາບໍ່ໄດ້ໃຊ້ງານໄດ້ງ່າຍໆ.

ລະບົບການຈັດການດ້ານຄວາມປອດໄພ ສະແກນຫແອັບຯການເຮັດວຽກທີ່ບໍ່ຫນ້າໄວ້ໃຈ ລວມທັງເປີດໃຊ້ຟັງຊັ່ນ Samsung Knox ລະບົບຮັກສາຄວາມລັບສ່ວນບຸກຄົນ ທີ່ຈະແຍກຂໍ້ມູນການໃຊ້ງານຂອງເຮົາອອກມາເປັນຄວາມລັບ ໄຜທີ່ບໍ່ຮູ້ລະຫັດແມ່ນບໍ່ສາມາດເຂົ້າເຖິງຂໍ້ມູນຂອງໂຕເຮົາໄດ້.

ການຕັ້ງຄ່າຂອງ Galaxy Note 5 ເຖິງວ່າຈະາໃນ Android L ເວີຊັນ 5 ແຕ່ຫນ້າຕາການອອກແບບກໍ່ຍັງເປັນທາງ Samsung ທີ່ຄິດໃຫ້ ອອກແບບໃຫ້ສິ່ງທີ່ໂດດເດັ່ນສຳລັບ UI ໂຕນີ້ຂອງ Samsung ຄືເຮົາສາມາດກຳນົດການຕັ້ງຄ່າດ່ວນທີ່ເຮົາໃຊ້ງານປະຈຳໃຫ້ມາສະແດງຢູ່ດ້ານເທິງໃນການຕັ້ງຄ່າໄດ້.

ການຕັ້ງຄ່າສຽງຂອງ Samsung Galaxy Note 5 ມີໃຫ້ເຮົາຕັ້ງຄ່າການໃຊ້ງານຢູ່ຫລາຍຢ່າງ ທີ່ຕ້ອງໄດ້ຮູ້ຈັກ ແລະ ແນະນຳໃຫ້ໄປລອງໃຊ້ກັນ ອັນທຳອິດຄືກຳນົດໄລຍະເວລາໃນການແຈ້ງເຕືອນຂອງໂຕເຄື່ອງໃນແຕ່ລະວັນ ກຳນົດເວລານອນຂອງເຮົາໄວ້ໃຫ້ຮຽບຮ້ອຍ Samsung Galaxy Note ກໍ່ຈະເປັນເຄື່ອງທີ່ຮູ້ຈັກເວລາໃນການເເຕື່ອນ ແບບຮູ້ໃຈ.

ກັບອີກຟັງຊັ່ນທີ່ຫນ້າສົນໃຈຄືການຕັ້ງຄ່າສຽງຂອງການໃຊ້ງານຮ່ວມກັບຫູຟັງເພາະ Samsung Galaxy Note 5 ຈະສາມາດຕັ້ງຄ່າສຽງໄດ້ຕາມການຮັບຟັງຂອງແຕ່ລະບຸກຄົນທີ່ໃຊ້ງານເພາະການຮັບສຽງຂອງຄົນເຮົາບໍ່ເທົ່າກັນ ຟັງຊັ່ນນີ້ຈະອອກແບບມາເພື່ອໃຫ້ການໃຊ້ຫູຟັງນັ້ນໆ ມີປະສິດທິພາບໃນການໃຊ້ງານກັບເຮົາເອງຫລາຍທີ່ສຸດ ໂດຍໃນຟັງຊັ່ນນີ້ໂຕເຄື່ຶອງຈະສົ່ງສຽງສັນຍານພ້ອມກັບໃຫ້ເຮົາປະຕິບັດຕາມໄປເທື່ອລະຂັ້ນຕອນເພື່ອຕັ້ງຄ່າຄວາມຖີ່ສຽງທີ່ດີທີ່ສຸດສຳລັບລະດັບການໄດ້ຍິນຂອງເຮົາ.

ຫນ້າຈໍສະແດງຜົນຂອງ Samsung Galaxy Note 5 ສວຍງາມຫລາຍ, ຄົມຊັດ, ສີສົດ,ແສງສະຫວ່າງ ເຮົາສາມາດເຂົ້າໄປກຳນົດຄ່າສີສັນຕາມທີ່ເຮົາຕອ້ງການໄດ້ພາຍໃນເພີ່ມຕື່ມ ສີສົດໄປກໍສາມາດລົດລົງໄດ້, ຈືດໄປຢາກໄດ້ສີສະໃຈກວ່າເກົ່າກໍ່ຍັງຕື່ມໄດ້ ປັບຂະຫນາດໂຕອັກສອນ ຫລື ປ່ຽນຟ້ອນໂຕອັກສອນໄດ້.

ຈາກທີ່ທົດສອບໃຊ້ງານມາ ບາງແອັບຯບໍ່ຍອມປ່ຽນຂະຫນາດຂອງໂຕອັກສອນຕາມທີ່ຕັ້ງຄ່າ ເຊັ່ນ: ແອັບຯ Plume ທີ່ໃຊ້ອ່ານ Twitter

ຟັງຊັ່ນການເຮັດວຽກຜ່ານເຊັນເຊີ້ໂຕເຄື່ອງໃນ Samsung Galaxy Note 5 ຈະຍັງມີໃຫ້ໃຊ້ກັນຢູ່ 4 ໂຕ

• ການໂທໂດຍກົງ-ຍົກເຄື່ອງຂື້ນແນບຫູເພື່ອໂທອອກໂດຍທັນທີ ເມື່ອເຮົາກຳລັງອ່ານຂໍ້ຄວາມຫລື ລາຍຊື່ເທິງຫນ້າຈໍໂດຍບໍ່ຕ້ອງກົດໂທອອກ.
• ການເຕືອນອັດສະລິຍະ ໂຕເຄື່ອງຈະສັ່ນເມື່ອເຮົາຈັບຂື້ນມາ ຖ້າມີການຕິດຕໍ່ທີ່ເຮົາບໍ່ໄດ້ຮັບສາຍ.
• ປິດສຽງ ເອົາຝາມືປັດລົງເທິງຫນ້າຈໍ ຫລື ຂວ້ຳເຄື່ອງລົງໄປເພື່ອປິດສຽງແຈ້ງເຕື່ອນໃນຂະນະນັ້ນໆໂດຍທັນທີ
• ຝາມືປັດເພື່ອຈັບພາບ ໃຊ້ສັນຝາມືປັດຫນ້າຈໍເພື່ອຈັບພາບຫນ້າຈໍໃນຂະນະນັ້ນໆ.

ສຳລັບການສະແກນລາຍຍນີ້ວມື ພັດທະນາຂື້ນຫລຍ ໃຊ້ການແຕະສຳຜັດປຸ່ມໂຮມເພື່ອແທນການປົດລັອກ ດ້ານຄວາມປອດໄພ ສະດວກ ແລະ ວ່ອງໄວກວ່າການໃຊ້ງານແບບລະຫັດ ໂຕເຄື່ອງຈະໃຫ້ເຮົາທຳການສະແກນລາຍນີ້ວມືແບບຊ້ຳໆ ຫລາຍຄັ້ງໃນຂັ້ນຕອນການບັນທຶກລາຍນີ້ວມືໃນຄັ້ງທຳອິດ ເພື່ອຄວາມຖືກຕ້ອງໃນການໃຊ້ງານຄັ້ງຕໍ່ໆໄປ ທົດສອບໃຊ້ງານກໍ່ຖືກຕອ້ງຫລາຍ ໂອກາດຜິດພາດ ບໍ່ສຳເລັດຫນ້ອຍຄັ້ງ ແນະນຳໃຫ້ໃຊ້ເພື່ອຄວາມປອດໄພ ແລະ ມັນປົດລອັກກັນໄດ້ງ່າຍໆພຽງແຕ່ວາງນີ້ວເທົ່ານັ້ນ.

ລະບົບຄວາມປອດໄພຂອງໂຕເຄື່ອງ ນອກຈາກລາຍນີ້ວມືແລ້ວຍັງມີບໍລິການ Find My mobile ຂອງທາງ Samsung ຢູ່ໃຫ້ໃຊ້ງານເຊັ່ນເດິມ ເປັນບໍິການທີ່ລອັກເຄື່ອງໄວ້ດ້ວຍແອັດເຄົ້າຂອງເຮົາ ເອົາໄສ້ຕິດຕາມເຄື່ອງເວລາເສຍ ຕິດຕາມຕຳແຫນ່ງຜ່ານຫນ້າເວັບໃຊ້ ລວມທັງແຈ້ງເຕືອນເຮົາໄດ້ອັດຕະໂນມັດເວລາທີ່ມີຄົນເອົາເຄື່ອງໄປແລ້ວເອົາໄປປ່ຽນຊິມ.

ມັນຈະສົ່ງຫມາຍເລກຂອງຊິມໃຫມ່ທີ່ເຮົາໃສ່ເຂົ້າໄປ ສົ່ງຂໍ້ຄວາມໄປຍັງຫມາຍເລກໂທລະສັບທີ່ເຮົາຕັ້ງຄ່າເອົາໄວ້ ເຮັດໃຫເເຮົາຮູ້ວ່າຫມາຍເລກໂທລະສັບຂອງຜູ່ທີ່ລັກເອົາເຄື່ອງເຮົາໄປແລ້ວປ່ຽນຊິມ.

 

ຟັງຊັ່ນການໃຊ້ງານຂອງປາກກາ S-PEN

ສຳລັບຄົນທີ່ຍັງບໍ່ເຄີຍໃຊ້ເຄື່ອງຕະກູນ Galaxy Note ບາງຄົນອາດຈະບໍ່ຮູ້ວ່າປາກກາຂຽນຫນ້າຈໍຂອງເຄື່ອງຕະກູນນີ້ຈະບໍ່ໄດ້ເປັນພຽງແຕ່ປາກກາທີ່ແນໃຫ້ກັບເຄື່ອງແບບທົ່ວໆໄປ ມັນຈະມາພ້ອມກັບຄວາມສາມາດທີ່ອອກແບບມາເພື່ອໃຊ້ຄູ່ກັນຫລາຍຢ່າງ ທັງນີ້ປາກກາໂຕເຄື່ອງຍັງພັດທະນາມາໃຫ້ໃຊ້ງານຄູ່ກັນຕັ້ງແຕ່ລຸ້ນທຳອິດ ແລະຍັງເນັ້ນການພັດທະນາມາແບບຕໍ່ເນື່ອງ ໃຫ້ຜູ່ໃຊ້ສາມາດໃຊ້ງານໄດ້ສະດວກຫລາຍຍິ່ງຂື້ນເລື້ອຍໆໄປ.

ການເຮັດວຽກແບບອັດຕະໂນມັດ ພຽງແຕ່ເຮົາຈັບປາກກາອອກມາຈາກໂຕເຄື່ອງ ຊຸດຄຳສັ່ງດ່ວນ Air Command ກໍ່ຈະເລີ່ມເຮັດວຽກໂດຍອັດຕະໂນມັດ ໃນເວີຊັ່ນນີ້ຈະເປັນໄອຄອນ Pop up ລອຍຢູ່ເຫຮືອຫນ້າຈໍໃຫ້ເຮົາກົດໃຊ້ໄດ້ທຸກທີ່ທຸກເວລາ ໂດຍຈະບໍ່ເປັນການເກະກະຫນ້າຈໍແນ່ນອນ ເພາະ Pop up ນີ້ຈະກົດໃຊ້ງານໄດ້ຕອ້ງຜ່ານປາກການີ້ເທົ່ານັ້ນ ຖ້າໃຊ້ນີ້ວກົດຈະບໍ່ໄປຖືກມັນແນ່ນອນ.

ການເອີ້ນໃຊ້ງານຂຶ້ນມາໃຫມ່ກໍ່ພຽງແຕ່ນຳປາກກາຈໍ່ໄວ້ໃກ້ໆຫນ້າຈໍແລ້ວກົດປຸ່ມທີ່ເທິງປາກກາ ກໍ່ຈະເປັນການເອີ້ນໃຊ້ Air Command ໄດ້ໃນທັນທີ.

ຊຸດຄຳສັ່ງ Air Command ຈະປະກອບດ້ວຍ

Action Memo ການຈົດບັນທຶກແບບດ່ວນດ້ວຍລາຍມື

ການເລືອກອັດສະລິຍະ – ເປັນການເຊັບຫນ້າຈໍແບບສະບັບຂອງເຄື່ອງ Note 5 ເອງໂດຍເຮົາຈະສາມາດເລືອກພື້ນທີ່ໃນການຈັດເກັບພາບເທິງຫນ້າຈໍໄດ້ອິດສະຫລະ ເປັນພາບສີ່ຫລ່ຽມ ວົງກົມ ຫລື ການເລືອກຕັດສະເພາະສ່ວນທີ່ຈະມີຕົວຊ່ວຍໃນການຕັດພາບມາໃຫ້ເຮົາອີກດ້ວຍ ໂດຍພາບທີ່ຕັດອອກມາກໍ່ສາມາດນຳໄປໃຊ້ຕໍ່ໄດ້ຫລາຍຮູບແບບ ເຊັ່ນ: ບັນທຶກເປັນພາບປົກກະຕິ ຫລື ນຳພາບທີ່ຕັດນັ້ນມາຂຽນຈົດບັນທຶກເພີ່ມຕື່ມໄດ້.

ລວມທັງຍັງສາມາດຈັດເກັບພາບພ້ອມກັບລີ້ງເວັບໃຊ້ທີ່ໄດ້ມາອັດຕະໂນມັດຜ່ານເມນູບັນທຶກໃນສະຫມຸດພາບ

ຂຽນເທິງຫນ້າຈໍ – ໃນກໍລະນີທີ່ເຮົາຕ້ອງການເຊັບພາບຫນ້າຈໍໃນຂະນະນັ້ນ ແລະ ຕ້ອງການທີຈະຂຽນຂໍ້ຄວາມ ຫລື ເຮັດເຄື່ອງຫມາຍໃດໆເພີ່ມຕື່ມລົງໄປ ກໍ່ສາມາດໃຊ້ຄຳສັ່ງນີ້ໄດ້ເລີຍ ເພາະໂຕເຄື່ອງຈະເຊບພາບຫນ້າຈໍໃນຂະນະນັ້ນໆ ແລ້ວເຂົ້າສູ່ເມນູການໃຊ້ເຄື່ອງມືການຂຽນໃຫ້ເຮົາໂດຍທັນທີ.

ໃນເມນູ Air Command ເຮົາຈະສາມາດເພີ່ມຕື່ມໄອຄອນແອັບຯທີ່ເົາຕ້ອງການໃຊ້ງານປະຈຳ ໄດ້ອີກສາມແອັບຯ ເລືອກໄດ້ດ້ວຍຕົວເອງເລີຍ ໂດຍການກົດເຂົ້າໄອຄອນຕັ້ງຄ່າມຸມຂວາລຸ່ມ ໂດຍໃນເລີ່ມຕົ້ນຈະມີການລະບຸແອັບຯ S-Note ມາໄວ້ໃຫ້ເຮົາກ່ອນເປັນອັນດັບທຳອິດ ຢາກປ່ຽນເປັນແອັບຯໃດກໍ່ເຂົ້າໄປເລືອກໄດ້ເລີຍ.

ຟັງຊັ່ນການເຮັດວຽກສ່ວນຫນຶ່ງຂອງປາກກາ S-Pen ກໍ່ຢູ່ທີ່ແອັບຯທີ່ຈະນຳມາໃຊ້ງານຮ່ວມກັນ ໂດຍໃນເຄື່ອງເຮົາຈະມີແອັບຯພື້ນຖານສຳລັບການໃຊ້ງານ Note ໄດ້ຢ່າງເຕັມທີ່ນັ້ນຄື S-Note  ການເຮັດວຽກຂອງມັນກໍ່ຄືການສ້າງງານເອກະສານໄດ້ຫລາກຫລາຍຮູບແບບທັງຈົດບັນທຶກດ້ວຍລາຍມື ຫລື ການປ້ອນຂໍ້ຄວາມດ້ວຍແປ້ນພິມ, ການແນບຮູບ, ໃສ່ພາບປະກອບ ເທິງຮູບແບບເອກະສານທີ່ S-Note ມີກຽມໄວ້ໃຫ້ເຊັ່ນ: ລາຍກາຍຈົດບັນທຶກ, ປະຊຸມງານ, ກຳນົດການ, ໄດອາຣີ້ພາບເປັນຕົ້ນ.

ແລະຢ່າລືມ ສຳລັບຄົນທີ່ຕ້ອງການແຕ້ມຮູບກໍ່ສາມາເຂົ້າໄປດາວໂຫລດແອັບຯ SketchBox For Galaxy ມາໃຊ້ງານໄດ້ຈາກໃນ Galaxy Apps ໃນເຄື່ອງໄດ້ເລີຍ ເປັນແອັບຯດີໆທີ່ທາງ Samsung ນຳມາແຈກໃຫ້ຊາວ Note 5 ໃຊ້ກັນປບບຟຣີໆ ເປັນແອັບຯສຳລັບການແຕ້ມຮູບຂັ້ນສູງ ມີແຄື່ອງມືສ້າງພາບຫລາກຫລາຍ ມີ Layer  ແລະມີການລົງສີຈຳລອງອຸປະກອນຕ່າງໆເອົາໄວ້ໃຫ້ເລືອກໃຊ້ຫລາຍ ເປັນແອັບຯໂຕດັງຂອງທາງ Android ແລ້ວສຳລັບການແຕ້ມຮູບ.

ໃນເມນູຕັ້ງຄ່າ S-Pen ເຮົາກໍ່ສາມາດເຂົ້າໄປຕັ້ງຄ່າການໃຊ້ງານໄດ້ຕື່ມເຊັ່ນ:

ແອວິວ ການໃຊ້ປາຍປາກກາຊີ້ໄປທີ່ຫນ້າຈໍເພື່ອໃຫ້ສະແດງຂໍ້ມູນສິ່ງຕ່າງໆ ທີ່ຢູ່ພາຍໃນເຊັ່ນ: ພາບຖ່າຍທີ່ຢູ່ໃນອາລະບ້ຳ ຫລື ຂໍ້ຄວາມທີ່ຢູ່ມນອີເມວພາຍໃນໂດຍບໍ່ຕ້ອງກົດເຂົ້າໄປເບິ່ງ.

ໃສ່ຂໍ້ມູນດ້ວຍປາກກາໂດຍກົງ  ໃນກໍລະນີເຮົາຖືປາກກາຢູ່ໃນມື ແລະ ມີຊ່ອງໃຫ້ເຮົາໃສ່ຂໍ້ຄວາມເຊັ່ນ: ຊ່ອງຄົ້ນຫາພຽງແຕ່ເອົາປາກກາໄປຈໍ່ໃກ້ໆ ໄອຄອນກອກຂໍ້ມູນດ້ວຍປາກກາກໍ່ຈະປະກົດຂຶ້ນມາເຮົາສາມາດໃຊ້ການຂຽນດ້ວຍລາຍມືຂອງເຮົາແທນການພິມໄດ້ເລີຍ ໂຕລະບົບກໍ່ຈະປ່ຽນລາຍມືຂອງເຮົາໃຫ້ກາຍເປັນຂໍ້ຄວາມໃຫ້ເອງໄດ້ເລີຍ ເຊິ່ງສາມາດຮອງຮັບພາສາໄທໄດ້ອີກດ້ວຍ ຂຽນໄປທັງປະໂຫຍກຍາວໆໄດ້ເລີຍມັນກໍ່ແປໃຫ້ຖືກຕອ້ງໃນລະດັບຫນຶ່ງ.

ເຮົາສາມາດເປີດການເຮັດວຽກບັນທຶກດ່ວນໃນຂະນະຫນ້າຈໍລັອກໃນຫນ້າການຕັ້ງຄ່ານີ້ ເມື່ອເປີດຟັງຊັ່ນ “ ສະຫມຸດບັນທຶກເມື່ອປິດຫນ້າຈໍ ”ແລ້ວເຮົາກໍ່ສາມາດເອີ້ນໃຊ້ບັນທຶກດ່ວນໄດ້ໂດຍບໍ່ຕ້ອງປົດລັອກໂທລະສັບກ່ອນເລີຍ ເມື່ອຕອ້ງການຈະໃຊ້ກໍ່ພຽງແຕ່ດຶງປາກກາອອກມາເທົ່ານັ້ນ.

ການຕອບສະຫນອງຂອງໂຕປາກກາກັບຫນ້າຈໍ Note 5 ຢູ່ໃນຂັ້ນຂີດສຸດຂອງຕອນນີ້ແລ້ວ ທ່ານ ຜ Cheery Cola ຜູ່ທີ່ເປັນນັກແຕ້ມຮູບ Digital ໃຫ້ກັບທາງເວັບໄຊ້ ໄດ້ທົດສອບປາກກາກັບການໃຊ້ງານແລ້ວໃຫ້ຄວາມເຫັນວ່າ:

ໂຕປາກການ້ອຍລົງ ອາດຈະເຮັດໃຫ້ການຈັບຖືບໍ່ຖະຫນັດເທົ່າເດີມ ແຕ່ສາມາດໃສ່ຈັດເກັບເຂົ້າໂຕເຄື່ອງໄດ້ສວຍງາມຫລາຍຂຶ້ນ ຫຍິບໃຊ້ສະດວກຂື້ນ ການໃຊ້ງານຂອງໂຕປາກກາສຸດຍອດຫລາຍ ຕອບສະຫນອງໄວ ແລະ ການເອີ້ນໃຊ້ແອັບຯໄວຂຶ້ນຫລາຍກວ່າລຸ່ນເກົ່າອີກ.

ປາກກາ S-Pen ຂອງ Galaxy Note 5 ເປັນລຸ້ນຖອດຫົວປາກກາອອກໄດ້ ໂດຍພາຍໃນກ່ອງຈະມີຫົວປາກກາສຳຮອງມາຫໃ້ພ້ອມຄີມຫນີບດຶງຫົວປາກກາ.

ຜົນທົດສອບຕ່າງໆຂອງ Samsung Galaxy Note 5

ການຈັບສັນຍານ GPS ໂຄດໄວເຖິງວ່າບໍ່ໄດ້ເປີດເນັດຊ່ວຍກໍ່ຕາມ.

ຫນ່ວຍຄວາມຈຳພາຍໃນເຄື່ອງລຸ້ນ 32 ກິກ (ຈະມີຈຳຫນ່າຍສອງລຸ້ນໃນປະເທດໄທຄືຂະຫນາດຄວາມຈຳ 32 GB ແລະ 64 GB) ສາມາດໃຊ້ງານໄດ້ແທ້ 24.85 GB ເຄື່ອງ Galaxy Note 5 ຈະບໍ່ສາມາດເພີ່ມຫນ່ວຍຄວາມຈຳພາຍນອກຜ່ານ Micro SD Card ໄດ້.

ເລື່ອງຂອງການຫລິ້ນຫນັງ ຫລິ້ນເກມຢູ່ໃນລະດັບສູງແລ້ວ ເກມປະເພດໃດກໍ່ຕິດຕັ້ງໄດ້ ຖ້າບໍ່ພົບບັນຫາໃນເລື່ອງຂອງເຕັກນິກ ຫລິ້ນໄດ້ທັງຫມົດທັງ Play Store ແນ່ນອນ, ການເປີດເວັບໄຊ້ວ່ອງໄວ ເກືອບຈະບໍ່ົພົບບັນຫາແລັກຄ້າງ ຫລື ຫນ່ວງໃດໆເລີຍໃນຂະນະທົດສອບໃຊ້ງານ

ລະບົບສຽງຫລາຍສຳລັບການປັບແຕ່ງຜ່ານຊຸດຫູຟັງ ສ່ວນໂຕລຳໂພງສຽງໃສໆ ມີເນື້ອສຽງຢູ່ພໍປະມານ ເປັນລຳໂພງທີ່ດີແຕ່ກໍ່ຢູ່ໃນລະດັບລຳໂພງດີໆຂອງເຄື່ອງໂທລະສັບ.

ເລື່ອງຂອງແບັດຯຂະຫນາດ 3.000 mAh ເບິ່ງແລ້ວບໍ່ຫນ້າຈຸໃຈຂາໂຫດເທົ່າໃດ ເພາະມັນນ້ອຍລົງກວ່າລຸ້ນເກົ່າແຕ່ການໃຊ້ງານໂຕຈິງບໍ່ເປັນຢ່າງທີ່ຄິດເລີຍເພາະໃຊ້ງານໄດ້ຕະຫລອດມື້ ແຕ່ຖ້າໃຊ້ງານຫນັກ (ສຸດໆ) ເປີດຫນ້າຈໍຕິດຕໍ່ກັນເປັນເວລາດົນຕໍ່ເນື່ອງຢູ່ໄດ້ປະມານ 6 ຊົ່ວໂມງແບັດຯຈະເລີ່ມຮ້ອງຫາປັກໄຟທັນທີ ແຕ່ນັ້ນກໍ່ຫມາຍເຖິງເປີດຕະຫລອດເວລາແທ້ໆ ເລື່ອງແບັດຯນີ້ໃຫ້ຜ່ານເລີຍ!!

ການສາກພະລັງງານພັດເປັນຈຸດເດັ່ນໃນນເລື່ອງຂອງຄວາມວ່ອງໄວ ເພາະ Galaxy Note 5 ເປັນເຄື່ອງທີ່ຮອງຮັບລະບົບ Quick Charge  ພຽງບຶດດຽວກໍ່ພ້ອມໃຊ້ງານຕໍ່ໄດ້ຍາວນານແລ້ວ ແຕ່ຕ້ອງໃຊ້ກັບບ່ອນສາກຂອງມັນກແທ້ໆ ເພາະຈະເປັນໂຕ Adaptor ທີ່ມີແຮງດັນກະແສໄຟຟ້າທີ່ສູງຫລາຍ.

ທີ່ສຳຄັນ Galaxy Note 5 ເປັນເຄື່ອງສະມາດໂຟນທີ່ຮອງຮັບລະບົບການສາກໄຟໄຮ້ສາຍແບບໃຫມ່ທີ່ເປັນ Quick Charge  ເຊັ່ນກັນໂດຍທີ່ມີອຸປະກອນເສີມເຂົ້າມາຈຳຫນ່າຍໃນໄທພ້ອມໆກັບໂຕເຄື່ອງດ້ວຍ ບໍ່ຕ້ອງສຽບສາຍກໍ່ສາມາດສາກພະລັງງານໄດ້ຢ່າງວ່ອງໄວໄດ້.

ກ້ອງຖ່າຍຮູບ

ກ້ອງເທບສຳລັບ Galaxy Note 5 ພາບອອກມາສວຍງາມ ດ້ວຍຊອັບແວຣການປັບແຕ່ງພາບ ແລະ ຄຸນນະພາບຂອງໂມດູນກ້ອງທີ່ປັບຈູນມາໄດ້ດີສຸດໆ ແລ້ວກໍ່ດີມາຕັ້ງແຕ່ລຸ້ນ Galaxy S6 ແລ້ວ.

ກ້ອງຖ່າຍງ່າຍ ໂຟກັສໄວ ໄດ້ພາບງາມໆເຖິງຈະຢູ່ໃນທີ່ແສງນ້ອຍ ແຕ່ຕ້ອງບອກກ່ອນວ່າພາບທີ່ໄດ້ນັ້ນເປັນພາບງາມແບບຍຸກ Social ເດີ້ ຖ້າເອົາໄປຂະຫຍາຍຊູມເບິ່ງລາຍລະອຽດຫລືຊອກຫາຄຸນນະພາບແບບກ້ອງລະດັບໂປຣມັນອາດຈະບໍ່ຖືກໃຈຜູ່ຫລິ້ນກ້ອງໂປຣເທົ່າໃດ ເພາະຄວາມສວຍງາມຂອງພາບທີ່ໄດ້ເປັນແບບປຸງແຕ່ງ ສວຍງາມເມື່ອເບິ່ງໂດຍລວມ ບໍ່ຕ້ອງຂະຫຍາຍຫາຈຸດຈັບຜິດ ເຫມາະກັບການນຳໄປແຊຣພາບເຂົ້າ Social ເບິ່ງກັນເອງໃນອຸປະກອນພົກພາ ງານປະມານນີ້ຈະໄດ້ພາບທີ່ເຫມາະສົມທີ່ສຸດ.

ມີໂຫມດການຖ່າຍພາບໃຫ້ຫລີ້ນຫລາກຫລາຍ ແລະ ຍັງດາວໂຫລດເພິ່ມຕື່ມໄດ້ອີກເຊັ່ນກັນ.

ຕົວຢ່າງພາບຖ່າຍຂອງ Samsung Galaxy Note 5

ສະຫລຸບທ້າຍຣີວິວ

ຄຸນນະພາບສູງ ທັງໂຕເຄື່ອງພາຍນອກ ແລະ ພາບໃນ ບໍ່ຕ້ອງນັລເລື່ອງຂອງຄຸນສົມບັດສະເພາະໂຕຂອງປາກກາ S-Pen ໂຕນີ້ກໍ່ເປັນໂຕທີ່ສຸດຍອດຂອງເຄື່ອງສະມາດໂຟນໃນລະບົບແອນດຣອຍແລ້ວ ມາຄົບຫມົດເກືອບຈະທຸກຟັງຊັ່ນໃນຍຸກສະໄຫມໃຫມ່ ທົດສອບການໃຊ້ງານສຸດຍດອດຫລາຍ Samsung ເຮັດອອກມາໄດ້ດີທີ່ສຸດ.

 

from:http://www.appdisqus.com/2015/11/01/review-samsung-galaxy-note-5.html

ຣີວິວ ASUS Zenpad 7.0 (Z370CG) ແທັບເລັດເຈັດນິ້ວ ແຖມໂທໄດ້ ໃນລາຄາສຸດປະຫຍັດ

 

ຫລັງຈາກເປີດໂຕກັນມາບໍ່ດົນໃນປະເທດໄທສຳລັບແທັບເລັດເຄື່່ອງໃຫມ່ຈາກທາງ ASUS ເຈົ້າຂອງຕະຫລາດລາຄາປະຫຍັດທີ່ຜະລິດເຄື່ອງສະມາດໂຟນ ແລະ ແທັບເລັດລະບົບ Android ອອກມາຈຳຫນ່າຍໃນລາຄາ ແລະ ສະເປັກສຸດຄຸ້ມຄ່າ ແລະ ໂຕລ່າສຸດນັ້ນກໍ່ຄື ASUS Zenpad 7.0 ເຊິ່ງເປັນໂຕທີ່ທາງ ASUS ເບິ່ງຄືຈະໃສ່ໃຈເປັນພິເສດ ແລະລາຄານັ້ນບໍ່ແພງເລີຍ ASUS Zenpad 7.0 ຈຳຫນ່າຍໃນລາຄາ 5.990 ບາດ ຫລື ປະມານ 1.370.000 ກີບເທົ່ານັ້ນເອງ.

 

ASUS Zenpad 7.0 ເປັນເຄື່ອງແທັບເລັດລະບົບ Android ທີ່ເນັ້ນຈຸດຂາຍມາໃນເລື່ອງຂອງລາຄາຈຳຫນ່າຍທີ່ຖືກຫລາຍ ແຕ່ເປັນເຄື່ອງລາຄາຖືກທີ່ມາພ້ອມກັບຄວາມໃສ່ໃຈໃນລາຍລະອຽດ ບໍ່ວ່າຈະເປັນການອອກແບບ ແລະ ອຸປະກອນເສີມເພາະວ່າໃນການເປີດໂຕທີ່ຜ່ານມາແທັບເລັດຕະກູນ Zenpad ນັ້ນມີການປະກາດອອກມາຫລາຍລຸ່ນ ແຕ່ລຸ້ນທີ່ມາພ້ອມກັບເຄສ ແລະ ອຸປະກອນເສີມຄັກໆນັ້ນມີແຕ່ຕະກູນ Zenpad 7.0 ໂຕນີ້ໂຕດຽວເທົ່ານັ້ນ.

ການອອກແບບນັ້ນເບິ່ງຂ້ອນຂ້າງແປກຕາ ຮູບຊົງດ້ານຫນ້າອາດຈະຄຸ້ນໆ ແຕ່ດ້ານຫລັງພັດອອກແບບມາໃຫ້ເຫມືອນກັບການໃຊ້ງານແນວນອນ ຝາຫລັງບໍ່ເຕັມຫລັງ ເປັນຝາປິດແບບພຽງແຕ່ສ່ວນເທິງ ເຊິ່ງການອອກແບບໆນີ້ແຫລະທີ່ເຮັດໃຫ້ມີການຕໍ່ຍອດສາມາດໃຊ້ງານກັບເຄສເສີມຂອງມັນໄດ້ສາລະພັດ.

ໂຕເຄື່ອງພາຍນອກ

ໂຕເຄື່ອງສ່ວນໃຫຍ່ໃຊ້ວັດສະດຸປາສຕິກ ຫນ້າຈໍ 7 ນີ້ວເຄິ່ງແຕ່ເຄື່ອງບໍ່ໃຫຍ່ຫລາຍ ເນັ້ນການໃຊ້ງານໃນຮູບແບບແນວຕັ້ງຄ້າຍຈະເປັນໂທລະສັບຫລາຍກວ່າແທັບເລັດ.

 

ປຸ່ມຄວບຄຸມຢູ່ເທິງຫນ້າຈໍທັງຫມົດ ປຸ່ມເພີ່ມລົດສຽງ ແລະ ປຸ່ມ Power ຢູ່ດ້ານຂວາຂ້າງດຽວກັນ (ກົດປຸ່ມລົດສຽງ + ພາເວີ້ ເປັນການເຊບພາບຫນ້າຈໍ)

 

ດ້ານຫນ້າຈໍເປັນລຳໂພງ ແລະ ກ້ອງຫນ້າ ລຳໂພງບ່ອນນີ້ໃຊ້ເປັນທັງລຳໂພງຫລັກຂອງເຄື່ອງ ແລະ ລຳໂພງສົນທະນາ.

 

ດ້ານຫລັງອອກແບບແປກຕາໄປເລັກນ້ອຍ ເພາະວ່າມາເປັນແນວນອນ ທາງ ASUS ເຂົາວ່າການອອກແບບນີ້ໄດ້ແຮງບັນດານໃຈມາຈາກກະເປົາຂອງຜູ່ຍິງ ສ່ວນໂຕເຄື່ອງຈະເປັນສີລ້ວນແຕ່ຝາຫລັງບໍລິເວນນີ້ຕ່າງກັນອອກໄປຫລາຍສີ.

 

ເຖິງຝາຫລັງຈະເປີດໄດ້ ແຕ່ປ່ຽນແບັດຯເຄື່ອງເອງບໍ່ໄດ້ ເປີດອອກມາເພື່ອໃສ່ຊິມ ແລະ ໃສ່ Micro SD Card ເທົ່ານັ້ນ.

 

ຈະສັງເກດເປັນຂົ້ວໄຟຢູ່ໃຕ້ຝາຫລັງນີ້ ເປັນຄວາມພິເສດຂອງ ASUS Zenpad 7.0 ເພາະມັນຈະສາມາດເຊື່ອມຕໍ່ການເຮັດວຽກ ແລະ ພະລັງງານກັບເຄສພິເສດຕ່າງໆທີ່ອີກຈັກຫນ່ອຍຈະມາແນະນຳກັນໃນທ້າຍໆບົດຣີວິວໃຫ້ເບິ່ງເນາະ ^_^

 

ສະເປັກເຄື່ອງ ASUS Zenpad 7.0 Z370CG

OS	The latest Android 5.0 Lollipop
Display	7″ LED Backlight IPS panel, 1280 x 800 (WXGA); 16:1010 finger multi-touch supportTP Full-Lamination  bonding technology
CPU	Intel A 3G-R Z5210RK Quad-Core processor, 1.2 GHz
Memory	2GB
Storage	16GB(5GB Life Time ASUS Webstorage Space ; with an additional 11GB for the first year)
Graphic	Mali-450
Wireless Data Network	WLAN 802.11 b/g/n, Bluetooth V4.0 + BLE, Support Miracast
Camera	2 MP Front8 MP Rear
Audio	Single Front Stereo Speakers  with SonicMaster technology
Interface	1 × Micro USB    1 × 2-in-1 Audio Jack (Headphone / Mic-in) 1 × Digital Microphone   1 × Micro SD Card Reader, up to 64GB (SDXC) Single SIM
Sensor	G-Sensor / E-compass / GPS / Light / Proximity / Hall Sensor
Battery	9 hours ; 13 Wh Li-polymer Battery
Navigation	E-compass & GPS
Color	Black / White / Metallic
Dimensions & Weight	189mm (L) x 110.9mm x 8.7mm (H), 272g

 

 

ການໃຊ້ງານພາຍໃນ

ASUS Zenpad 7.0 ມາພ້ອມກັບ Android L 5.0 ແຕ່ປັບແຕ່ງການໃຊ້ງານດ້ວຍ ZenUIທີ່ມີຟັງຊັ່ນຫລາຍເລີຍແຫລະ ສຳລັບປະສິດທິພາບການເຮັດວຽກທົ່ວໄປຫລາຍຄົນບອກວ່າມັນຊ້າ ແລະ ຫນ່ວງ ມັນກໍ່ຂ້ອນຂ້າງຊ້າແທ້ ແລະ ມັນມີເຫດຜົນທີ່ເພີ່ມຕື່ມດ້ວຍເພາະເຄື່ອງທີ່ຫລາຍຄົນທົດສອບໃຊ້ງານສ່ວນໃຫຍ່ຈະຢູ່ໃນໂຫມດການປະຫຍັດພະລັງງານຂັ້ນພື້ນຖານມາເປັນຄ່າເລີ່ມຕົ້້ນນັ້ນຄືມັນຈະຢູ່ໃນໂຫມດ “ການປະຫຍັດພະລັງງານແບບສະມາດ” ໂດຍມັນຈະເປັນໂຫມດທີ່ປັບສົມດຸນການໃຊ້ງານພະລັງງານໃຫ້ຍາວນານທີ່ສຸດ ສົ່ງຜົນໃຫ້ສຳຜັດທຳອິດກໍ່ຮູ້ສຶກວ່າມັນຫນ່ວງກວ່າທີ່ຄາດໄວ້ຫລາຍ ຕ້ອງລອງເຂົ້າໄປປິດມັນສະກ່ອນໃນການຕັ້ງຄ່າພາຍໃນ ແຕ່ຫລັງຈາກປິດໂຫມດປະຫຍັດພະລັງງານແລ້ວ ກໍ່ບໍ່ໄດ້ເປັນເຄື່ອງທີ່ລ່ຽນໄຫລປານໃດ ລະດັບກາງໆ ແຕ່ເຄື່ອງກໍ່ບໍ່ໄດ້ແຮງຢູ່ແລ້ວໄປລົດປະສິດທິພາບມັນລົງເພື່ອປະຫຍັດແບັດຯອີກກໍ່ຍິ່ງເຮັດໃຫ້ຊ້າເຂົ້າໄປອີກ.

 

ZenUI ມີຂໍ້ດີທີ່ເດັ່ນໆໃນເລື່ອງຂອງການປັບແຕ່ງ ແລະ ລູກຫລີ້ນ ໃນຫນ້າໂຮມຂອງທາງ ASUS Zenpad 7.0 ຈະສາມາດປັບແຕ່ງໄດ້ຫລາກຫລາຍ ຕັ້ງແຕ່ດາວໂຫລດ ແລະ ເລືອກໃຊ້ໄອຄອນໃນລັກສະນະຕ່າງໆ ເຊິ່ງເຮົາສາມາດດາວໂຫລດເພີ່ມຕື່ມມາໃຊ້ງານໄດ້ຈາກ Playstore

 

ການປັບແຕ່ງອະນິເມຊັ່ນເຄື່ອນໄຫວຂອງຫນ້າໂຮມ

 

ການປັບແຕ່ງຟ້ອນໂຕອັກສອນທີ່ມີໃຫ້ເຮົາເລືອກໃຊ້ຫລາຍ ປັບແຕ່ງຂະຫນາດ ແລະ ສີຂອງປ້າຍໄອຄອນ ເຮົາເລືອກເອງໄດ້ຕາມໃຈທັງຫມົດ.

 

ການເລືອກຮູບແບບຫນ້າໂຮມ ວ່າຕ້ອງການຈະເປັນແບບສອງຊັ້ນ (ມີຫນ້າໂຮມ ແລະ ຫນ້າ Appdrawer ລວມແອັບຯແຍກອອກຈາກກັນ) ຫລື ຈະເອົາເປັນແບບຫນ້າໂຮມຊັ້ນດຽວຄືຫນ້າລວມລາຍການແອັບຯຈະມາຢູ່ລວມໃນດ້ານນອກທັງຫມົດ ບໍ່ມີຫນ້າ Appdrawer ອີກຕໍ່ໄປ.

 

ປັບແຕ່ງໄດ້ຫລາກຫລາຍ

ໃຊ້ງານໄດ້ທັງແນວຕັ້ງ ແລະ ແນວນອນ

 

ໃນຫນ້າການແຈ້ງເຕືອນຈະເຫັນໄອຄອນຟັງຊັ່ນການເຮັດວຽກບາງໂຕທີ່ເປັນຂອງທາງ ASUS ເອງເຊັ່ນ: ໂຕຈັດການການເລີ່ມເຮັດວຽກໂດຍອັດຕະໂນມັດ ສຳລັບອຸປະກອນທີ່າະເປັກບໍ່ສູງຫລາຍ ຟັງຊັ່ນນີ້ມີະໂຫຍດຫລາຍ ເພາະມັັນຄືຄວາມສາມາດໃນການປິດກັ້ນການເລີ່ມເຮັດວຽກເອງຂອງໂຕໂປຣແກຣມທີ່ບໍ່ຈຳເປັນ ເຊິ່ງປົກະຕິແອັບຯບາງໂຕຂອງລະບົບແອນດຣອຍ ມັນມັກເລີ່ມເຮັດວຽກເອງເບື້ອງຫລັງ ແຕ່ໃນ ASUS Zenpad 7.0 ແມ່ນຫມົດສິດ ເພາະເຮົາລັອກມັນໄວ້ໄດ້.

 

“ບັນທຶກຫຍໍ້” ການຈົດບັນທຶກດ່ວນທີ່ເຮົາເອີ້ນໃຊ້ໄດ້ຈາກຫນ້າແຈ້ງເຕືອນນີ້ເລີຍ ສາມາດບັນທຶກໄດ້ັທັງແບບລາຍມື ແລະ ການພິມຂໍ້ຄວາມ.

 

ໂຕກອງແສງສີຟ້າເຊິ່ງຕອນນີ້ກຳລັງນິຍົມເລີຍຢ່າງພວກຟີມກອງແສງສີຟ້າ ທີ່ເຂົາວ່າຈະເປັນອັນຕະລາຍຕໍ່ຫນ່ວຍຕາຂອງເຮົາ ສຳລັບ ASUS Zenpad 7.0 ມີໃສ່ມາໃຫ້ເປັນຟັງຊັ່ນການກອງແສງເລີຍ ໂດຍຈະປ່ຽນໂທນສີຫນ້າຈໍໃຫ້ອອກເຫລືອງໆແທນ ເຊິ່ງຈະສົ່ງຜົນໃຫ້ສະບາຍຕາຫລາຍຂຶ້ນນັ້ນເອງ.

 

ຫນ້າການຕັ້ງຄ່າຈະແຍກເປັນສອງແຖວຄືກັບເຄື່ອງແທັບເລັດ ສ່ວນທີ່ຫນ້າສົນໃຈໃນການຕັ້ງຄ່າເປັນພິເສດໃນ ASUS Zenpad 7.0 ກໍ່ຫນ້າຈະເປັນເລື່ອງຂອງການສະແດງຜົນ ນອກຈາກຈະປັບຕັ້ງຂະຫນາດຟ້ອນ ຫລື ການເປີດໂຫມດແສງສີຟ້າໄດ້ແລ້ວເຮົາຍັງສາມາດປັບຕັ້ງໂທນສີ ແລະ ຄວາມສົດຂອງຫນ້າຈໍໄດ້ໃນລະດັບເລິກໃນການຕັ້ງຄ່າສ່ວນນີ້ ຢາກໄດ້ສີສົດປະມານໃດ ຫນ້າຈໍອອກໂທນສີແບບໃດກໍ່ປັບຕັ້ງໄດ້ເລີຍ.

 

Zenmotion ການສັ່ງງານດ້ວຍການສຳຜັດ ແລະ ລັກສະນະພິເສດເຊັ່ນການເຄາະຫນ້າຈໍສອງຄັ້ງເພື່ອລັອກຫນ້າຈໍ ແລະ ປົດລັອກຫນ້າຈໍເປັນຕົ້ນ ການຂຽນໂຕອັກາອນລົງເທິງຫນ້າຈໍເພື່ອເອີ້ນໃຊ້ແອັບຯ ຫລື ການເຮັດວຽກທີ່ເຮົາລະບຸເອົາໄວ້ໄດ້ ຫລື ການສັ່ນເຄື່ອງເພື່ອຈັບພາບຫນ້າຈໍ ຫລື ການພິກເຄື່ອງຂວ້ຳລົງເພື່ອປິດສຽງແຈ້ງເຕືອນ ເຫລົ່ານີ້ຄືຄວາມສາມາດທີ່ເຮົາມາເປີດໃຊ້ງານໄດ້ໃນຫນ້າການຕັ້ງຄ່າ Zenmotion ແຕ່ບອກກ່ອນວ່າເປີດໃຊ້ງານພວກນີ້ຫລາຍໆເຮັດໃຫ້ເປືອງແບັດຯ ແລະ ການໃຊ້ງານໂຕຈິງອອກຈະສ້າງຄວາມລຳຄານຫລາຍກວ່າ.

 

ໂຕ ASUS Zenpad 7.0 ຈະມີເຄສຝາປິດທີ່ເປັນເຄສເສີມອອກມາຈຳຫນ່າຍເຮົາສາມາດຕັ້ງຄ່າໄດ້ວ່າຈະໃຫ້ໃຊ້ງານຮ່ວມກັບການປິດຝາເຄສແບບໃດ ໃຫ້ລັອກເຄື່ອງ ແລະ ປົດລັອກເຄື່ອງແບບອັດຕະໂນມັດ ຫລື ບໍ່.

 

ພະລັງງານແບບສະມາດຢູ່ແລ້ວເຮົາສາມາດປິດມັນໄດ້ເພື່ອເພີ່ມປະສິດທິພາບມັນອີກເລັກນ້ອຍໂດຍແບັດຯຂະຫນາດ 3,450 mAh ຂອງມັນສາມາດຢູ່ກັບເົຮາໄດ້ເຖິງຄ່ຳ ສາກກັນມື້ຕໍ່ມື້ ແຕ່ກໍ່ທົນພໍທີ່ຈະກັບມາເຖິງບ້ານໄດ້.

 

ການຕັ້ງຄ່າທີ່ຫນ້າສົນໃຈອີກໂຕຫນຶ່ງໃນເຄື່ອງ ASUS Zenpad 7.0 ກໍ່ຄື: ໂຕຕັ້ງຄ່າແບບກຳນົດເອງ ທີ່ໃຫ້ເຮົາເຂົ້າໄປຕັ້ງຄ່າວິທີການເຊັບພາບຫນ້າຈໍ ແລະ ກຳນົດແຫລ່ງຕິດຕັ້ງແອັບຯພື້ນຖານວ່າຕ້ອງການໃຫ້ຕິດຕັ້ງລົງຫນ່ວຍຄວາມຈຳເຄື່ອງຫລືຖ້າເປັນໄປໄດ້ໃຫ້ຕິດຕັ້ງລົງຫນ່ວຍຄວາມຈຳພາຍນອກເປັນຕົ້ນ ສາມາດກຳນົດໂຕ Toggle ເປີດປິດຟັງຊັ່ຍດ່ວນໃນຫນ້າແຈ້ງເຕືອນໄດ້ໃນການຕັ້ງຄ່າສ່ວນນີ້.

 

ASUS ຍັງໄດ້ອອກແບບການໃຊ້ງານຂອງເຄື່ອງໃຫ້ເຫມາະສົມກັບຜູ່ໃຊ້ງານສະມາດໂຟນ ຫລື ແທັບເລັດແອນດຣອຍໄດ້ບໍ່ຊຳນານປານໃດດ້ວຍ “ໂຫມດງ່າຍ” ໂຫມດການເຮັດວຽກທີ່ແປງຫນ້າຕາ UI ໃຫ້ໃຊ້ງານງ່າຍໆມີໄອຄອນໃຫຍ່ໆ ສຳລັບການປັບເຄື່ອງ ASUS Zenpad 7.0 ໃຫ້ເຫມາະກັບເດັກ ຫລື ຜູ່ສູງອາຍຸນັ້ນເອງ.

 

ຫລືຈະເປັນໂຫມເດັກທີ່ເປັນແອັບຯສະເພາະທີ່ທາງ ASUS ມອບໃຫ້ ແອັບຯທີ່ຈະເຮັດໃຫ້ເຄື່ອງຂອງເຮົາປອດໄພຕໍ່ການໃຊ້ງານຂອງເດັກນ້ອຍ ເພາະເຮົາສາມາດກຳນົດຂອບເຂດການຫລີ້ນຂອງເຂົາໄດ້ ກຳນົດເວລາໃນການຫລີ້ນ ກຳນົດແອັບຯທີ່ເຂົາຫລີ້ນ ໃຫ້ເຂົາໃຊ້ເນັດບຣາວເຊີ້ທີ່ປອດໄພດ້ວຍການກັ່ນກອງຂອງໂຕລະບົບ ເຊິ່ງຈະສາມາດໃສ່ລະຫັດຂອງເຮົາເອົາໄວ້ໄດ້ເພື່ອປ້ອງກັນບໍ່ໃຫ້ເຂົາອອກຈາກໂຫມດເດັກເມື່ອເຮົາບໍ່ຢູ່ “ໂຫມດເດັກ” ເປັນແອັບຯຫນຶ່ງທີ່ຫນ້າສົນໃຈໃນ ASUS Zenpad ແລະ Zenfone ເຊິ່ງຫນ້າຈະມີຢູ່ທຸກເຄື່ອງ.

 

ແອັບຯທີ່ທາງ ASUS ກຽມເອົາໄວ້ໃຫ້ກັບຜູ່ໃຊ້ໃນເຄື່ອງກໍ່ມີຫລາກຫລາຍ ຫນ້າຈະຄົບກັບການໃຊ້ງານຂັ້ນພື້ນຖານແລ້ວທຸກຢ່າງ.

 

ແລະຈະມີແອັບຯດ້ານການບໍລິການທີ່າຳຄັນອີກສອງໂຕ ນັ້ນຄື MyASUS ສຳລັບການຕິດຕາມງານສ້ອມແປງ ແລະ ສອບຖາມຂໍ້ມູນ.

 

ອີກຫນຶ່ງໂຕຄື ASUS Support ສຳລັບການຊ່ງຍເຫລືອ ຄູ່ມື ແລະ ເຄື່ອງມືຈັດການເຄື່ອງດ້ວຍຕົນເອງເຊັ່ນ ການ ເຄຣຍແຣມ, ຈັດການແອັບຯເປັນຕົ້ນ.

 

ຜົນທົດສອບຂອງ ASUS Zenpad 7.0

ຫນ່ວຍຄວາມຈຳໃນເຄື່ອງມີ 16 GB ໃຊ້ໄດ້ແທ້ 11GB

 

ການຈັບສັນຍານ GPS ບໍ່ເປີດເນັດຊ່ວຍຕ້ອງໃຊ້ເວລາໃນການຫາຕຳແຫນ່ງເລັກນ້ອຍ ແຕ່ກໍ່ຖືວ່າຍັງຢູ່ໃນລະດັບໃຊ້ໄດ້ ຖ້າມີເນັດຊ່ວຍກໍ່ສາມາດນຳໄປໃຊ້ນຳທາງໄດ້ເລີຍ.

 

ທົດສອບການຫລີ້ນໄຟລຫນັງ Full HD ກໍ່ຫລີ້ນໄດ້ບໍ່ກະຕຸກ ແຕ່ມີສະດຸດຢູ່ໃນເວລາຂ້າມເວລາໄປຂ້າມເວລາມາ ສ່ວນດ້ານສຽງລຳໂພງໂຕເຄື່ອງດັງດີ ສຽງອອກແຫລມໆ ບໍ່ແຕກ ຖືວ່າໃຊ້ໄດ້.

 

ຫນ້າຈໍຂະຫນາດເຈັດນີ້ວແບບກຳລັງເຫມາະມື ເຫມາະສົມສຳລັບການອ່ານ.

 

ຫນ້າຕາແປ້ນພິມຂອງເຄື່ອງ ASUS Zenpad 7.0

 

ກ້ອງຖ່າຍພາບ

ກ້ອງຫລັງ 8 ລ້ານພິກເຊວ ກ້ອງຫນ້າ 2 ລ້ານພິກເຊວ ຟັງຊັ່ນກ້ອງຫລາຍສຸດຍອດດດ ແຕ່ຄຸນນະພາບຂອງພາບຖ່າຍສຸດແສນຈະທຳມະດໍດາ ຖ່າຍກາງເວັນແສງພຽງພໍກໍ່ຖືວ່າຖ່າຍໄດ້ຕະຫລອດ ແຕ່ພໍແສງນ້ອຍໃນບ່ອນຮົ່ມກໍ່ເລີ່ມອອກອາການ ຕັ້ງຄວາມຫວັງຫລາຍບໍ່ຄ່ອຍໄດ້ເລີຍ ສຳລັບກ້ອງຂອງ ASUS Zenpad 7.0

 

ຟັງຊັ່ນ ແລະ ການຕັ້ງຄ່າຢ່າງຫລາຍຍຍຍຍຍຍ

ຕົວຢ່າງພາບຖ່າຍ

 

ຟັງຊັ່ນການຖ່າຍພາບດ້ວຍກ້ອງຫນ້າ ເຊວຟີ່ມາເຕັມຂັ້ນ ຕາໂລ້ ຜິວຂາວ ຫນ້າໃສ ຄາງແຫລມ ຈັດມາໄດ້ຫມົດແບບສຸດໆ

 

ອຸປະກອນເສີມ ASUS Zenpad 7.0 ບັນດາເຄສຝາຫລັງມະຫັດສະຈັນ

ອີກຫນຶ່ງໄມ້ຕາຍຂອງເຄື່ອງ ASUS Zenpad 7.0 ຄືອຸປະກອນເສີມຈາກທາງ ASUS ເຊິ່ງຈະເປັນບັນດາຝາຫລັງທີ່ອອກແບບມາເພື່ອສ້າງຄວາມແຕກຕ່າງໃນຫານເລືອກໃຊ້ ເພາະມັນຈະມີຝາຫລັງທັງແບບແຟຊັ່ນຫລາກຫລາຍສີ ແບບເປັນເຫມືອນກະເປົາເງີນຂອງຜູ່ຍິງທີ່ເບີ່ງແລ້ວກໍ່ງາມໄປອີກແບບ.

 

ແຕ່ຍັງມີອີກຫນຶ່ງໂຕເດັດຄືຝາຫລັງທີ່ເປັນແບັດຯເສີມໃນໂຕ ພຽງປ່ຽນຝາຫລັງກໍ່ເປັນການເພີ່ມແບັດຯໃນໂຕໄດ້ແລ້ວ.

 

ຍັງມີເຄສອີກແບບຄືເຄສຝາປິດແບບເປັນລຳໂພງ DTS 5.1 ເຊິ່ງໂຕນີ້ໄດ້ຈັບມາຣີວິວພ້ອມໆກັບເຄື່ອງ ASUS Zenpad 7.0 ດ້ວຍ

 

ຝາຫລັງພ້ອມລຳໂພງໂຕນີ້ອອກແບບມາເພື່ອໃຊ້ງານກັບໂຕເຄື່ອງ ASUS Zenpad 7.0 ໂດຍກົງເລີຍ ມັນຈະປ່ຽນໃຊ້ງານແທນຝາຫລັງເກົ່າຂອງໂຕເຄື່ອງ ແລະ ຂົ້ວໄຟຟ້າຫລັງໂຕເຄື່ອງກໍ່ຈະສົ່ງຜ່ານສັນຍານສຽງ ແລະ ລ້ຽງພະລັງງານໄປໃຫ້ແກ່ກັນ ແລະ ກັນໂດຍອັດຕະໂນມັດເຮົາບໍ່ຕ້ອງທຳການຈັບຄູ່ເຊື່ອມຕໍ່ໃດໆເລີຍ ພຽງແຕ່ໃສ່ມັນເຂົ້າໄປດ້ວຍກັນກໍ່ເທົ່ານັ້ນ.

 

ຝາພັບພ້ອມລຳໂພງນີ້ ຈະມີແບັດຯຂອງໂຕມັນເອງຢູ່ເຊັ່ນກັນ ເມື່ອເຮົາສາກພະລັງງານຜ່ານໂຕເຄື່ອງໂທລະສັບ ຝາພັບລຳໂພງໂຕນີ້ກໍ່ຈະສາກພະລັງງານໄປດ້ວຍໃນໂຕ ແຕ່ໃນຂະນະສາກຈະບໍ່ສາມາດໃຊ້ລຳໂພງໂຕນີ້ໄດ້ ສຽງທີ່ອອກຈະຖືກສະລັບໄປຍັງໂຕເຄື່ອງ ASUS Zenpad 7.0 ໂດຍອັດຕະໂນມັດ.

 

ສ່ວນຄຸນນະພາບສຽງຂອງເຄສຝາພັບລຳໂພງໂຕນີ້ ກ່ອນອື່ນເລີຍມັນດັງ ສຽງດັງກວ່າລຳໂພງໂຕເຄື່ອງແທັບເລັດຫລາຍ ມີເນື້ອສຽງຫລາຍກວ່າ ແຕ່ກໍ່ບໍ່ແມ່ນວ່າສຽງມັນຈະເທບຄືກັບລຳໂພງດີໆ ມັນດີປະມານຫນື່ງ ເບິ່ງຫນັງໄດ້ ຟັງເພງໄດ້ ແຕ່ເປີດດັງໆສຽງມັນກໍ່ອອກແຫລມໆ ເປີດພໍປະມານຈະໄດ້ສຽງກຳລັງດີ.

ເບິ່ງແລ້ວເທ່ໄປອີກແບບສຳລັບເຄສແປກໆແບບນີ້.

 

ສະຫລຸບທ້າຍຣີວິວ

ASUS Zenpad 7.0 ເປັນເຄື່ອງຄຸ້ມຄ່າໃນດ້ານຂອງການໃຊ້ງານ ໂທອອກໄດ້ ໂຕເຄື່ອງສວຍງາມ ສະເປັກພໍໃຊ້ໄດ້ ໃນລາຄາບໍ່ແພງ ແຕ່ປະສິດທິພາບຫນ້າແປກໃຈເລັກນ້ອຍສຳລັຫນ່ວຍປະມວນຜົນໂຕໃຫມ່ຂອງ Intel ກັບແຣມ 2GB ມັນຫນ້າຈະລ່ຽນໄຫລກວ່ານີ້ໃນຫນ້າໂຮມ.

ແຕ່ດ້ວຍລາຄາທີ່ຕັ້ງມາບໍ່ແພງກໍ່ພໍໄຫວຫນ້າສົນໃຈສຳລັບໄຜທີ່ກຳລັງຊອກຫາເຄື່ອງແທັບເລັດແອນດຣອຍ ທີ່ຄຸ້ມຄ່າຄົບຖ້ວນໃນລາຄາຖືກ ບໍ່ຕ້ອງການສະເປັກແບບອະລັງການຫລາຍ ASUS Zenpad 7.0 ໂຕນີ້ຫນ້າຈະນຳໄປພິຈາລະນາ.

 

from:http://www.appdisqus.com/2015/10/18/review-asus-zenpad-7-0-z370cg.html